ໃນວັນທີ 18 ພຶດສະພາ 2026 ນີ້, ພຣະອາຈານໃຫຍ່ ອາດຍາທັມ ຄໍາເງິນ ຄໍາວົງ ປະທານທີ່ປຶກສາ ອົງການພຸດທະສາສະໜາສໍາພັນລາວ (ອພສ) ແຂວງບໍ່ແກ້ວ, ທ່ານ ສີວິໄຊ ພົນທະຈັກ ຕາງໜ້າບໍລິສັດ PSC ກຣຸບ ຈໍາກັດ ແລະ ທ່ານນາງ ສົມສະນິດ ເພັດໂຍທິນ ໄດ້ຮ່ວມໃຈກັນນໍາເອົາອາຫານ ແລະ ເຄື່ອງດື່ມ ມາອຸປະຖໍາຊຸກຍູ້ໃຫ້ແກ່ ຄູ-ອາຈານ ແລະ ນັກຮຽນ ຢູ່ທີ່ໂຮງຮຽນມັດທະຍົມສຶກສາສົມບູນສົງ (ມສ ສົງ) ແຂວງບໍ່ແກ້ວ ເພື່ອຮັບໃຊ້ເຂົ້າໃນໄລຍະການຈັດການສອບເສັງເລື່ອນຊັ້ນ ປະຈໍາສົກຮຽນ 2025-2026. ເຄື່ອງທີ່ນໍາມາມອບ ປະກອບມີ:ເຂົ້າກ່ອງ 233 ກ່ອງນໍ້າດື່ມ 30 ແຟັກ, ໄອສະຄຣີມ 1 ຖັງ ແລະໝາກໄມ້ ລວມມູນຄ່າການອຸປະຖໍາທັງໝົດ 14.650.000 ກີບ, ຮັບເຄື່ອງອຸປະຖໍາ,ໂດຍ ພຣະອາຈານ ປອ. ໄຊຍະພອນ ສີປັນຍາ ຜູ້ອໍານວຍການ ໂຮງຮຽນມັດທະຍົມສຶກສາສົມບູນສົງ ແຂວງບໍ່ແກ້ວ ພ້ອມດ້ວຍຄະນະຄູ-ອາຈານ ເຂົ້າຮ່ວມ.
ໃນໂອກາດນິ້.ທາງຄະນະອໍານວຍການໂຮງຮຽນ ໄດ້ສະແດງຄວາມຂອບໃຈ ແລະ ຮູ້ບຸນຄຸນເປັນຢ່າງສູງ ຕໍ່ກັບທຸກໆທ່ານທີ່ມີຈິດສັດທາອັນແຮງກ້າ ທີ່ໄດ້ເຫັນເຖິງຄວາມສໍາຄັນ ແລະ ຊ່ວຍເຫຼືອດ້ານສະບຽງອາຫານໃຫ້ແກ່ຄູ-ອາຈານ ແລະ ນັກຮຽນສົງໃນໄລຍະສອບເສັງ ພ້ອມກັນນັ້ນ, ທາງໂຮງຮຽນໄດ້ມອບ ໃບຍ້ອງຍໍ ໃຫ້ແກ່ຄະນະຜູ້ອຸປະຖໍາ ເພື່ອເປັນການຈາລຶກຄຸນງາມຄວາມດີ ແລະ ນໍ້າໃຈອັນປະເສີດໃນຄັ້ງນິ້ນໍາອີກ.
ໂດຍ: ເງິນຫຼົງ ຈິດພູວົງ.
