ໃນວັນທີ 22 ພຶດສະພາ 2026 ຜ່ານມານີ້ ໜ່ວຍພັກການເມືອງ ແລະ ໜ່ວຍພັກພາລາ ທີ່ຂື້ນກັບຄະນະພັກຮາກຖານ ກອງບັນຊາການທະຫານເມືອງປາກທາ ໄດ້ຈັດພິທີ ຮັບຮອງເອົາມະຫາຊົນກ້າວຫນ້າເຂົ້າເປັນສະມາຊິກພັກສຳຮອງ 02 ສະຫາຍ ພາຍໃຕ້ການເປັນປະທານຂອງ ສະຫາຍ ສັງທອງ ບຸດສາ ຄະນະປະຈຳພັກເມືອງ ເລຂາຄະນະພັກຮາກຖານ ຫົວຫນ້າການເມືອງກອງບັນຊາການທະຫານເມືອງປາກທາ, ພ້ອມດ້ວຍບັນດາສະຫາຍຄະນະພັກທັງ 3 ໜ່ວຍຕະຫລອດຮອດ ພະນັກງານສະມາຊິກພັກສົມບູນ,ສຳຮອງເຂົ້າຮ່ວມ.
ສະຫາຍ ພັຕ ນາງ ບົວພັນ ຫຼວງລືໄຊ ຫົວຫນ້າຂະແໜງຈັດຕັ້ງພັກໄດ້ຂື້ນຜ່ານມະຕິຕົງຂອງຄະນະປະຈຳພັກເມືອງ ສະບັບເລກທີ: 99/ຄປພມ,ລົງວັນທີ 5 ພຶດສະພາ 2026 ວ່າດ້ວຍ ຮັບຮອງເອົາມະຫາຊົນ ກ້າວຫນ້າເຂົ້າເປັນສະມາຊິກພັກສຳຮອງ,ໂດຍອີງຕາມກົດລະບຽບຂອງພັກ ປະຊາຊົນ ປະຕິວັດລາວ ສະໄໝທີ XI ໝວດທີ 1 ມາດຕາ 2 ຂໍ້ ກ ວ່າດ້ວຍ ລະບຽບການຮັບສະມາຊິກພັກສຳຮອງ ໂດຍປະຕິບັດຕາມ 5 ຫຼັກການ 3 ທິດນຳຂອງພັກ ແມ່ນເພື່ອແນ່ໃສ່ການ ກໍ່ສ້າງສະມາຊິກພັກ ຜູ້ທີ່ມີຜົນງານດີເດັ່ນແລະກ້າວຫນ້າ ໂດຍຜ່ານການຕິດຕາມກວດກາ ຕາມມາດຖານເງື່ອນໄຂໃນຫຼັກການກໍ່ສ້າງພັກ-ກໍ່ສ້າງພະນັກງານ ລຸ້ນສືບທອດປ່ຽນແທນໃນໄລຍະໃຫມ່.
ໃນໂອກາດອັນມີຄວາມໝາຍນີ້ ສະຫາຍ ພັທ ສັງທອງ ບຸດສາ ໄດ້ສະແດງຄວາມຍ້ອງຍໍຊົມເຊີຍ ຕໍ່ບັນດາສະຫາຍໃນຄະນະຫນ່ວຍພັກ ກໍ່ຄືພະນັກງານ ສະມາຊິກພັກ ແຕ່ລະສະຫາຍທີ່ໄດ້ເອົາໃຈໃສ່ເຂົ້າໃນການຂະຫຍາຍພັກໄດ້ຢ່າງຖືກຕ້ອງຕາມລະບຽບຫຼັກການ ຕໍ່ບັນດາສະຫາຍສະມາຊິກພັກສຳຮອງໃນຄັ້ງນີ້ ຕ້ອງເພີ່ມທະວິ ເປັນເຈົ້າການແລະເອົາໃຈໃສ່ ບຸກບືນຕື່ນຕົວ ຢ່າງມີສະຕິຕໍ່ພັກ-ຕໍ່ຊາດຢ່າງສູງສົ່ງ ຕັ້ງຫນ້າຝືກຝົນຫຼໍຫຼອມຕົນເອງ ໃນການເປັນພະນັກງານແບບຢ່າງນຳໜ້າທີ່ດີຕໍ່ພັກ-ກໍ່ຄືການຈັດຕັ້ງ ປະຕິບັດນ້າທີ່ວຽກງານໃນກົມກອງວ່າງອອກ ໃຫ້ຖືກຕ້ອງແລະເຂັ້ມງວດ ປົກປັກຮັກສາມູນເຊື້ອຄວາມສາມັກຄີ ພາຍໃນໜ່ວຍພັກໃຫ້ເປັນປືກແພນ ຕິດພັນກັບການຝືກຝົນ ຫຼໍຫຼອມ ກໍ່ສ້າງຕົນເອງ,ຕັ້ງໜ້າສ້າງພົນງານຮອບດ້ານໃຫ້ດີຂື້ນ,ໃຫ້ກ່າຍເປັນພະນັກງານ ສະມາຊິກພັກ ທີ່ມີຄຸນທາດການເມືອງໜັກແໜ້ນ ມີລະບຽບວິໃນທີ່ເຂັ້ມງວດ,ມີຄຸນສົມບັດສິນທຳປະຕິວັດ ຍອມເສຍສະຫຼະຕົນເອງ ເພື່ອຜົນປະໂຫຍດສວນລວມ ສືບຕໍ່ຮັກສາມູນເຊື່ອຄວາມສາມັກຄີແລະເປັນແບບຢ່າງທີ່ດີໃຫ້ແກ່ມະຫາຊົນລຸ້ນສືບທອດ.
ພາບ-ຂ່າວ ຮທ ກ້ອນໃຈ ບຸດຕະວົງ.
