ສະຫາຍ ຂັນທອງ ທຳມະວົງ ຄະນະປະຈຳພັກແຂວງ ຮອງປະທານຄະນະກຳມະການປົກຄອງແຂວງບໍ່ແກ້ວ ພ້ອມຄະນະຮັບຜິດຊອບຂອງແຂວງໄດ້ລົງເຄື່ອນໄຫວ ເຜີຍແຜ່ເນື້ອໃນເອກກະສານເອກະສານ ມະຕິກອງປະຊຸມໃຫຍ່ ຄັ້ງທີ XII ຂອງພັກ ແລະ ມະຕິ VII ຂອງອົງຄະນະພັກແຂວງບໍ່ແກ້ວຢູ່ເມືອງເມິງ ໃນວັນທີ 28 ເມສາ 2026 ນີ້, ມີບັນດາ, ຄະນະບໍລິຫານງານພັກເມືອງ, ພະນັກງານຫຼັກແຫຼ່ງ, ສະມາຊິກພັກ ແລະ ພະນັກງານ-ລັດຖະກອນ ອ້ອມຂ້າງເມືອງເມືືອງເມີງ ເຂົ້າຮ່ວມ.
ໃນນີ້; ຮອງປະທານຄະນະກຳມະການປົກຄອງແຂວງບໍ່ແກ້ວ ໄດ້ໃຫ້ກຽດເຜີຍແຜ່ເອກກະສານມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XII ຂອງພັກປະຊາຊົນ ປະຕິວັດລາວ. ເພື່ອສ້າງຄວາມຮັບຮູ້ ແລະ ເຂົ້າໃຈ, ເພື່ອໃຫ້ພະນັກງານ ແລະ ສະມາຊິກພັກທົ່ວເມືອງເມິງ ກໍາໄດ້ຢ່າງເລິກເຊິ່ງເຖິງເນື້ອໃນຈິດໃຈ, ທິດທາງ ແລະ ຄາດໝາຍສູ້ຊົນຕ່າງໆ ທີ່ກອງປະຊຸມໃຫຍ່ ຄັ້ງທີ XII ຂອງພັກໄດ້ກໍານົດໄວ້.ໃນການຜັນຂະຫຍາຍມະຕິ: ເພື່ອເປັນບ່ອນອີງໃນການຈັດຕັ້ງປະຕິບັດ ເຂົ້າສູ່ວຽກງານຕົວຈິງ ໃຫ້ສອດຄ່ອງກັບສະພາບຈຸດພິເສດຂອງທ້ອງຖິ່ນ.ເສີມສ້າງຄວາມເປັນເອກະພາບ ສ້າງຄວາມເຊື່ອໝັ້ນ ແລະ ຄວາມເປັນປຶກແຜ່ນແໜ້ນໜາ ພາຍໃນພັກ ແລະ ລັດ ພາຍໃຕ້ການນໍາພາຂອງສູນກາງພັກ ບົນເສັ້ນທາງແຫ່ງການພັດທະນາປະເທດຊາດ, ຈົ່ງຍົກສູງຄວາມຮັບຜິດຊອບການເມືອງ, ເອົາໃຈໃສ່, ຄົ້ນຄ້ວາ ແລະ ນຳເອົາເນື້ອໃນຈິດໃຈຂອງກອງປະຊຸມໃຫຍ່ ຄັ້ງທີ່ Xll ໄປມູນໃຊ້ເຂົ້າໃນວຽກງານວິຊາສະເພາະໃຫ້ມີຜົນສຳເລັດທີ່ຍິ່ງໃຫຍ່ກວ່າເກົ່າ.
ສະຫາຍ ນາງ ດວງຕາ ໄຊຍະຫົງ ກໍາມະການພັກແຂວງ ເລຂາຄະນະບໍລິຫານງານ ຊາວໜຸ່ມປະຊາຊົນແຂວງບໍ່ແກ້ວ, ໄດ້ເຜີຍແຜ່ແຜນ ພັດທະນາເສດຖະກິດ-ສັງຄົມ 5 ປີ ຄັ້ງທີ IX (2021-2025) ແລະ ທິດທາງແຜນການ 5 ປີ ຄັ້ງທີ X (2026-2030) ຂອງແຂວງບໍ່ແກ້ວ. ໄດ້ຍົກໃຫ້ເຫັນເຖິງຜົນສຳເລັດໃນການຈັດຕັ້ງປະຕິບັດບັນດາຄາດໝາຍຕົວເລກຄາດຄະເນໃນໄລຍະ 5 ປີຜ່ານມາ, ໂດຍສະເພາະແມ່ນການເຕີບໂຕທາງດ້ານເສດຖະກິດພາຍໃນແຂວງ (GDP). ການພັດທະນາພື້ນຖານໂຄງລ່າງ, ການແກ້ໄຂຄວາມທຸກຍາກຂອງປະຊາຊົນ ແລະ ການຊຸກຍູ້ການລົງທຶນຈາກພາຍໃນ ແລະ ຕ່າງປະເທດ ທີ່ມີການຫັນປ່ຽນດີຂຶ້ນ.ພ້ອມທັງຊີ້ໃຫ້ເຫັນບາງຂໍ້ຄົງຄ້າງ ແລະ ສິ່ງທ້າທາຍທີ່ຕ້ອງໄດ້ສືບຕໍ່ແກ້ໄຂ. ທິດທາງແຜນການ 5 ປີ ຄັ້ງທີ X (2026-2030), ແມ່ນຈະໄດ້ສຸມໃສ່ການພັດທະນາເສດຖະກິດໃຫ້ຂະຫຍາຍຕົວຢ່າງຕໍ່ເນື່ອງ, ສີຂຽວ ແລະ ຍືນຍົງ.ການຫັນເປັນອຸດສາຫະກຳ ແລະ ທັນສະໄໝ, ສົ່ງເສີມການບໍລິການທາງຜ່ານ, ການທ່ອງທ່ຽວ ແລະ ການຜະລິດກະສິກຳທີ່ເປັນທ່າແຮງຂອງແຂວງບໍ່ແກ້ວ. ຫຼຸດຜ່ອນຄວາມແຕກໂຕນລະຫວ່າງຕົວເມືອງ ແລະ ຊົນນະບົດ, ພັດທະນາຊັບພະຍາກອນມະນຸດໃຫ້ມີຄຸນນະພາບ ເພື່ອຮອງຮັບກັບການຂະຫຍາຍຕົວຂອງເສດຖະກິດໃນຍຸກໃໝ່. ໄດ້ເນັ້ນໜັກໃຫ້ບັນດາຂະແໜງການ ແລະ ທ້ອງຖິ່ນ ກຳແໜ້ນເນື້ອໃນຈິດໃຈຂອງແຜນການດັ່ງກ່າວ ເພື່ອຫັນເປັນແຜນວຽກລະອຽດຂອງຕົນເອງ, ພ້ອມທັງເພີ່ມທະວີຄວາມຮັບຜິດຊອບໃນການຈັດຕັ້ງປະຕິບັດ ເພື່ອເຮັດໃຫ້ຄາດໝາຍຂອງແຜນການ 5 ປີ ຄັ້ງທີ X ບັນລຸຜົນສຳເລັດຕາມຄາດໝາຍທີ່ວາງໄວ້.
ສະຫາຍ ສີວິໄລ ສີແສນດີ ກຳມະການພັກແຂວງ ເລຂາພັກເມືອງເມີງ ໄດ້ເຜີຍແຜ່ມະຕິກອງປະຊຸມໃຫຍ່ຜູ້ແທນອົງຄະນະພັກແຂວງບໍ່ແກ້ວ ຄັ້ງທີ VII, ໄດ້ຍົກໃຫ້ເຫັນເຖິງເນື້ອໃນຈິດໃຈຜົນສໍາເລັດໃນການຊີ້ນໍາ-ນໍາພາຂອງອົງຄະນະພັກແຂວງ ເຮັດໃຫ້ການດຳເນີນວຽກງານຂອງແຂວງມີຈຸດສຸມ ແລະ ສາມາດເສີມຂະຫຍາຍບັນດາທ່າແຮງ ກໍ່ຄືຄວາມອາດສາມາດໃນດ້ານຕ່າງໆ ຂອງຂະແໜງການ ແລະ ບັນດາເມືອງ, ທ້ອງຖິ່ນ ຢ່າງມີປະສິດທິພາບ, ການຈັດຕັ້ງຜັນຂະຫຍາຍປະຕິບັດບັນດາແຜນວຽກຈຸດສຸມ, ແຜນງານບຸລິມະສິດ ກໍ່ຄືແຜນການຄາດໝາຍທີ່ໄດ້ກໍານົດໃນລາຍງານການເມືອງ, ແຜນພັດທະນາເສດຖະກິດ-ສັງຄົມ ແລະ ບັນດາຍຸດທະສາດຊຸກຍູ້ໃຫ້ແກ່ການພັດທະນາ ຈັດຕັ້ງປະຕິບັດໃຫ້ປະກົດຜົນເປັນຈິງ ເຮັດໃຫ້ເມືອງເມິງ ແຂວງບໍ່ແກ້ວ ໄດ້ຮັບການພັດທະນາ ແລະ ກ້າວຂຶ້ນເລື້ອຍໆ.
ສະຫາຍ ນາງ ດວງຕາ ໄຊຍະຫົງ ກໍາມະການພັກແຂວງ ເລຂາຄະນະບໍລິຫານງານ ຊາວໜຸ່ມປະຊາຊົນແຂວງບໍ່ແກ້ວ ,ໄດ້ເຜີຍແຜ່ເນື້ອໃນ ແຜນຜັນຂະຫຍາຍມະຕິກອງປະຊຸມໃຫຍ່ ຜູ້ແທນອົງຄະນະພັກແຂວງບໍ່ແກ້ວ ສະໄໝທີ VII ສະບັບເລກທີ 03/ຄບພຂ, ເຊິ່ງເປັນເອກະສານຍຸດທະສາດທີ່ສຳຄັນໃນການຊີ້ນໍາ-ນໍາພາການພັດທະນາແຂວງໃນຕໍ່ໜ້າ ໃນການກຳນົດທິດທາງ ເນັ້ນການຫັນເອົາມະຕິກອງປະຊຸມໃຫຍ່ ຄັ້ງທີ VII ຂອງອົງຄະນະພັກແຂວງ ໃຫ້ກາຍເປັນແຜນງານ ແລະ ໂຄງການລະອຽດ ຂອງແຕ່ລະຂະແໜງການ ແລະ ທ້ອງຖິ່ນ.ຄາດໝາຍສູ້ຊົນ ບັນດາຕົວເລກຄາດໝາຍທາງດ້ານເສດຖະກິດ, ວັດທະນະທຳ-ສັງຄົມ, ການຮັກສາຄວາມສະຫງົບ ແລະ ການປັບປຸງກໍ່ສ້າງພັກ-ພະນັກງານ ໃຫ້ມີຄວາມເຂັ້ມແຂງ.ການແບ່ງຄວາມຮັບຜິດຊອບໃຫ້ແຕ່ລະພາກສ່ວນຢ່າງຈະແຈ້ງ ເພື່ອຮັບປະກັນໃຫ້ການຈັດຕັ້ງປະຕິບັດມະຕິດັ່ງກ່າວມີປະສິດທິພາບ ແລະ ບັນລຸຜົນເປັນຈິງ. ຮຽກຮ້ອງໃຫ້ຜູ້ເຂົ້າຮ່ວມທຸກສະຫາຍ ຈົ່ງຍົກສູງຄວາມຮັບຜິດຊອບ, ເອົາໃຈໃສ່ຄົ້ນຄວ້າກຳແໜ້ນເນື້ອໃນຈິດໃຈຂອງແຜນຜັນຂະຫຍາຍສະບັບນີ້ ເພື່ອນຳໄປຈັດຕັ້ງປະຕິບັດຢູ່ຂະແໜງການຂອງຕົນ ໃຫ້ມີການຫັນປ່ຽນຢ່າງຕັ້ງໜ້າ ແລະ ສ້າງຜົນງານໃຫ້ປາກົດຜົນເປັນຈິງ ເພື່ອປະກອບສ່ວນເຂົ້າໃນການພັດທະນາແຂວງບໍ່ແກ້ວ ໃຫ້ຈະເລີນຮຸ່ງເຮືອງຂື້ນເລື້ອຍໆ.
ໂອກາດນີ້; ສະຫາຍ ຂັນທອງ ທຳມະວົງ ຄະນະປະຈຳພັກແຂວງ ຮອງປະທານຄະນະກຳມະການປົກຄອງແຂວງ, ໄດ້ມີຄໍາເຫັນໃຫ້ທິດຊີ້ນໍາຄືນເຖິງຄວາມສຳຄັນຂອງການກຳແໜ້ນເນື້ອໃນພື້ນຖານ ຂອງມະຕິກອງປະຊຸມໃຫຍ່ ຄັ້ງທີ XII ຂອງພັກ ເພື່ອເປັນເຂັມທິດເຍືອງທາງໃຫ້ແກ່ການພັດທະນາໃນທົ່ວແຂວງ, ສຸມໃສ່ການສ້າງຄວາມເປັນເອກະພາບທາງດ້ານແນວຄິດ ໃຫ້ແກ່ພະນັກງານ, ສະມາຊິກພັກ ແລະ ປະຊາຊົນບັນດາເຜົ່າ ໃຫ້ມີຄວາມເຊື່ອໝັ້ນຕໍ່ການນໍາພາຂອງພັກ.ແຜນການຈັດຕັ້ງຜັນຂະຫຍາຍ ມະຕິ VII ຂອງອົງຄະນະພັກແຂວງ, ນຳເອົາເນື້ອໃນເອກະສານສຳຄັນຕ່າງໆ, ຈົ່ງໄປນຳເຜີຍແຜ່ເຊື່ອມຊຶມໃຫ້ສະມາຊິກພັກ ພະນັກງານ ຕະຫຼອດຮອດ ພໍ່ແມ່ປະຊາຊົນບັນດາເຜົ່າ, ທົ່ວເມືອງເມີງໃຫ້ມີຄວາມຮັບຮູ້ຕໍ່ແນວທາງຂອງພັກ ຕໍ່ແບບແຜນການນຳພາຂອງພັກ-ລັດ, ທີ່ໄດ້ກຳນົດໄວ້ ຕ້ອງໄດ້ຜັນຂະຫຍາຍເຖີ່ງຮາກຖານ, ແຜນພັດທະນາເສດຖະກິດສັງຄົມ 5 ປີ 2026-2030, ເຂົ້າສູ່ລວງເລິກ ແບບແຜນວຽກງານຕົວຈິງ ຂອງບັກດາພະແນກການ, ຂະແໜງການ ການເມືອງຂອງພວກເຮົາ ໃຫ້ມີຜົນສຳເລັດຢູ່ໃນ 5 ປີ ໃນຕໍ່ໜ້າທີ່ແຜນໄດ້ກຳນົດໄວ້, ໂດຍສະເພາະກິດຈະກຳ,ໂຄງການ, ທີ່ຂະແໜງການໃດ 1 ໃນການຕິດຕາມກວດກາການຈັດຕັ້ງປະຕິບັດແຜນທີ່ພວກເຮົາໄດ້ກຳນົດໄວ້ຢູ່ໃນແຜນພັດທະນາເສດຖະກິດຂອງເມືອງທີ່ໄດ້ກຳນົດແຕ່ລະໄລຍະ ເອົາໃຈໃສ່ກວດກາຈັດຕັ້ງປະຕິບັດໃຫ້ແທ້ນເໝາະກັບສະພາບຄວາມເປັນຈິງ ກວດກາຄືນບັນດາຫົວໜ່ວຍວິສາຫະກິດທີ່ເກີດຂື້ນຢູ່ພາຍໃນເມືອງຄືນໃໝ່, ໂດຍສະເພາະວຽກງານການເງີນ, ເພື່ອສາສ້າງລາຍຮັບໃຫ້ເມືອງມີຄວາມໝັ້ນຄົງ, ສາມາດກຸ້ມຕົນເອງເພີ່ງຕົນເອງໄດ້, ຕັ້ງໜ້າພັນຂະຫຍາຍເນື້ອໃນ,ລາຍງານການເມືອງຂອງອົງຄະນະພັກແຂວງ ຄັ້ງທີ 7 ແລະ ແຜນພັດທະນາເສດທະກິດສັງຄົມ, ໃຫ້ຫັນເປັນແຜນການແຜນງານເຂົ້າສູ່ຕົວຈິງ ໃຫ້ບັນດາຕາແສງ ບ້ານ ຄຸ້ມຄອງເມືອງຕາແສງ, ຕາແສງ ກັບບ້ານ ໃຫ້ມີຄວາມເລິກເຊີ່ງ ແລ້ວ ກໍ່ຊັດເຈນ, ປຸກລະດົມໃຫ້ທົ່ວສັງຄົມພັກລັດ ເອກະຊົນ ນັກທຸລະກິດ ຜູ້ປະກອບການທັງພາຍໃນແລະຕ່າງປະເທດ ອົງການຈັດຕັ້ງພັກ-ລັດ ແລະ ສາກົນ ປະຊາຊົນບັນດາເຜົ່າໃຫ້ມີຄວາມສາມັກຄີເປັນອັນ1ອັນດຽວພ້ອມກັນ ສຸ່ມໃສປະຕິບັດໜ້າທີ່ຂອງຕົນໃນການປົກປັກຮັກສາ ແລະສ້າງສາພັດທະນາແຂວງບໍ່ແກ້ວ ເວົ້າລວມເວົ້າສະເພາະສ້າງເມືອງເມີງໃຫ້ມີຄວາມຈະເລີນກ້າວໜ້າຢ່າງບໍ່ຢຸດຢັ່ງ.
ຈາກນັ້ນ ຕ່າງ ໜ້າບໍລິສັດ ສິງເໜືອ ກໍ່ສ້າງຂົວທາງ ຈຳກັດຜູ້ດຽວ ໄດ້ນຳເອົາເງີນສົດ ຈຳນວນ 80 ລ້ານກີບ ນຳມາມອບໃຫ້ເມືອງ ຮັບໂດຍແມ່ນ ທ່ານ ວັນນາ ຄຳສີປະເສີດ ຮອງເລຂາພັກເມືອງ ຮອງປະທານ ຄະນະກຳມະການປົກຄອງເມືອງ. ເພື່ອເປັນການສຸກຍູ້ສົ່ງເສີມເຂົ້າໃນວຽກງານໃນການສ້າງສາພັດທະນາເມືອງເມີງໃຫ້ມີການພັດທະນາດີຂື້ນເທື່ອລະກ້າວ.
