ສະພາບໝອກຄວັນທີ່ປົກຄຸມຢູ່ແຂວງບໍ່ແກ້ວໃນໄລຍະນີ້, ແມ່ນມີຄວາມສ່ຽງສູງຕໍ່ສຸຂະພາບ ເນື່ອງຈາກຝຸ່ນລະອອງຂະໜາດນ້ອຍ (PM 2.5 ) ສາມາດຊຶມເຂົ້າສູ່ລະບົບທາງເດີນຫາຍໃຈ ແລະ ກະແສເລືອດໄດ້ງ່າຍ.ເພື່ອປ້ອງກັນຕົນເອງ ແລະ ຄອບຄົວ, ຄວນປະຕິບັດຕາມວິທີດັ່ງນີ້: ການປ້ອງກັນເບື້ອງຕົ້ນຕ້ອງໄດ້ໃສ່ຜ້າອັດປາກ-ດັງ: ຄວນເລືອກໃຊ້ປະເພດ N95 ເພາະສາມາດຕອງຝຸ່ນລະອອງຂະໜາດນ້ອຍໄດ້ດີກວ່າຜ້າອັດປາກທົ່ວໄປ.ຫຼີກເວັ້ນກິດຈະກຳກາງແຈ້ງ: ຖ້າບໍ່ຈຳເປັນ ຄວນງົດການອອກກຳລັງກາຍ ຫຼື ການເຮັດວຽກໜັກຢູ່ກາງແຈ້ງໃນຊ່ວງທີ່ມີຄວັນໜາແໜ້ນ ແລະ ພະຍາຍາມຢູ່ພາຍໃນອາຄານ ແລະ ປິດປະຕູປ່ອງຢ້ຽມໃຫ້ມິດຊິດ ເພື່ອປ້ອງກັນບໍ່ໃຫ້ຄວັນເຂົ້າພາຍໃນເຮືອນ.
ການເບິ່ງແຍງຮ່າງກາຍ ດື່ມນ້ຳສະອາດໃຫ້ຫຼາຍ: ເພື່ອຊ່ວຍໃຫ້ຮ່າງກາຍຂັບຖ່າຍສານພິດອອກໄດ້ດີຂຶ້ນ ແລະ ຫຼຸດຜ່ອນການລະຄາຍເຄືອງຄໍ.ລ້າງດັງ ແລະ ຕາ: ຫາກຮູ້ສຶກລະຄາຍເຄືອງ ຄວນໃຊ້ນ້ຳເກືອລ້າງດັງ ຫຼື ຢອດຕາເພື່ອຊ່ວຍລ້າງຝຸ່ນລະອອງອອກ.ກິນອາຫານທີ່ມີປະໂຫຍດ: ເນັ້ນຜັກ ແລະ ໝາກໄມ້ທີ່ມີສານຕ້ານອະນຸມູນອິດສະຫຼະ ເພື່ອເສີມສ້າງພູມຄຸ້ມກັນ. ຫຼຸດຜ່ອນການສ້າງມົນລະພິດເພີ່ມ ງົດການຈູດຂີ້ເຫຍື້ອ: ບໍ່ວ່າຈະເປັນຂີ້ເຫຍື້ອໃນຄົວເຮືອນ ຫຼື ເສດວັດສະດຸທາງການກະເສດ ເພາະຈະຍິ່ງເຮັດໃຫ້ຄ່າຝຸ່ນໃນພື້ນທີ່ສູງຂຶ້ນ.
ກຸ່ມສ່ຽງທີ່ຕ້ອງລະວັງເປັນພິເສດ ແມ່ນເດັກນ້ອຍ, ຜູ້ສູງອາຍຸ ແລະ ແມ່ຍິງຖືພາ.ຜູ້ທີ່ມີໂລກປະຈຳຕົວ: ເຊັ່ນ ໂລກຫອບຫືດ,ໂລກປອດ ຫຼື ໂລກຫົວໃຈ.ຫາກມີອາການຫາຍໃຈຝືດ, ແໜ້ນໜ້າເອກ ຫຼື ໄອແຮງ ຄວນໄປພົບແພດທັນທີ.ໃນຊ່ວງທີ່ອາກາດປິດແບບນີ້ ການຮັກສາສຸຂະພາບທາງເດີນຫາຍໃຈແມ່ນສຳຄັນທີ່ສຸດ.ທ່ານຕ້ອງໄດ້ກຽມຜ້າອັດປາກ PM 2.5 ໄວ້ໃຊ້ໃຫ້ພຽງພໍ.
#ໂດຍ: ເງິນຫຼົງ ຈິດພູວົງ.
