ສະຖານທີ່ຕັ້ງ: ຕັ້ງຢູ່ເຂດບ້ານດອນທາດ, ເມືອງຕົ້ນເຜິ້ງ, ແຂວງບໍ່ແກ້ວ. ເປັນຈຸດຍຸດທະສາດທີ່ສຳຄັນໃກ້ກັບແມ່ນ້ຳຂອງ. ຄວາມເກົ່າແກ່ ແລະມີຕຳນານກ່າວເຖິງມາຕັ້ງແຕ່ສະຕະວັດທີ 5 ແລະ ມີຄວາມກ່ຽວພັນກັບຕຳນານພະຍານາກ (15 ຕະກຸນນາກ).ມີຄວາມຮຸ່ງເຮືອງໃນອະດີດ: ເຄີຍເປັນເມືອງທີ່ໃຫຍ່ໂຕ ມີບ້ານເຮືອນເຖິງແສນຫຼັງພາຍໃນເວລາພຽງ 3 ປີ.
ຮ່ອງຮອຍປະຫວັດສາດ: ມີບູຮານສະຖານເຖິງ 44 ແຫ່ງ ທີ່ກໍ່ດ້ວຍອິດ ແລະ ປະທາຍ.ມີສິລະປະທີ່ໂດດເດັ່ນ: ພະພຸດທະຮູບອົງໃຫຍ່ (ປາງສະມາທິ) ທີ່ມີຂະໜາດໜ້າຕັກກວ້າງເຖິງ 7,10 ແມັດ, ເຊິ່ງຖືວ່າເປັນໜຶ່ງໃນພະພຸດທະຮູບທີ່ໃຫຍ່ທີ່ສຸດໃນອາຊີອາຄະເນ.ມີຄວາມກ່ຽວພັນກັບຍຸກສະໄໝຂອງອານາຈັກຊຽງແສນ ແລະ ການບູລະນະໃນສະໄໝ ພະເຈົ້າໄຊຍະເສດຖາທິລາດ.
ການສຶກສາປະຫວັດສາດ: ສຳລັບນັກຄົ້ນຄວ້າ ຫຼື ຜູ້ທີ່ມັກຮັກໃນວັດຖຸບູຮານ, ບ່ອນນີ້ແມ່ນຄຸມຊັບທາງປັນຍາ.
ຊົມຄວາມງາມຂອງສິລະປະ ມີຄວາມປານີດຂອງການປັ້ນພະພຸດທະຮູບ ແລະ ການກໍ່ສ້າງສະໄໝບູຮານທີ່ຍັງຫຼົງເຫຼືອຢູ່.ມີບັນຍາກາດທີ່ສະຫງົບ: ເໝາະແກ່ການພັກຜ່ອນ ແລະ ຊື່ນຊົມທຳມະຊາດລຽບຝັ່ງແມ່ນ້ຳຂອງ.
(ຄັດອອກຈາກປື້ມທ່ອງທ່ຽວແຂວງບໍ່ແກ້ວ)
ໂດຍ:ເງິນຫລົງ ຈິດພູວົງ.