ຕອນເຊົ້າ ວັນທີ 9 ມັງກອນ 2026 ນີ້ ເມືອງປາກທາ, ແຂວງບໍ່ແກ້ວ ໄດ້ຈັດພິທີ ຮັບຊົມການຖ່າຍທອດສົດ ພິທີ ໂຮມຊຸມນຸມໃຫຍ່ ຊົມເຊີຍຜົນສໍາເລັດ ກອງປະຊຸມໃຫຍ່ ຜູ້ແທນທົ່ວປະເທດ ຄັ້ງທີ XII ຂອງພັກປະຊາຊົນປະຕິວັດລາວ ຂື້ນທີ່ ສະໂມສອນ ຂອງເມືອງ ໂດຍມີ ທ່ານ ນາງຈັນສຸກ ວັນນະວົງ ຄະນະປະຈໍາພັກເມືອງ, ຮອງປະທານຄະນະກໍາມະການປົກຄອງເມືອງປາກທາ, ມີບັນດາທ່ານ ຄະນະປະຈໍາພັກ, ກໍາມະການພັກເມືອງ, ອາດີດການນໍາ-ພະນັກງານອາວຸໂສບໍານານ, ຫົວໜ້າຫ້ອງການ,ຮອງຫ້ອງການ, ສອງກອງບັນຊາການ ປກຊ-ປກສ, ພະນັກງານ-ລັດຖະກອນ,ອົງການປົກຄອງບ້ານໃຫຍ່ປາກທາ ແລະບ້ານໂພນທອງ ເຂົ້າຮ່ວມ.
ການຮັບຊົມ ຖ່າຍທອດສົດ ພິທີໂຮມຊຸມນຸມໃຫຍ່ ຊົມເຊີຍຜົນສໍາເລັດ ກອງປະຊຸມໃຫຍ່ ຜູ້ແທນທົ່ວປະເທດ ຄັ້ງທີ XII ຂອງພັກປະຊາຊົນປະຕິວັດລາວ ທີ່ຫໍປະ ຊຸມແຫ່ງຊາດ ນະຄອນຫຼວງວຽງຈັນ ໂດຍການເຂົ້າຮ່ວມຂອງ ສະຫາຍ ທອງລຸນ ສີສຸລິດ ເລຂາທິການໃຫຍ່ຄະນະບໍລິຫານງານສູນກາງພັກ ສະໄໝທີ XII ພ້ອມດ້ວຍການນໍາພັກ-ລັດ ແລະ ມວນຊົນຈໍານວນຫຼວງຫຼາຍ,ເຊິ່ງໄດ້ຮັບຊົມການສະແດງສີລະປະວັນນະຄະດີ ຈາກນັ້ນ ສະຫາຍ ອານຸພາບ ຕຸລາລົມ ເລຂາທິການສູນກາງພັກ,ເລຂາຄະນະບໍລິຫານງານພັກນະຄອນຫຼວງວຽງຈັນ ໄດ້ລາຍງານຜົນສໍາເລັດ ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XII ຂອງພັກປະຊາຊົນປະຕິວັດລາວ.
ຕອນທ້າຍຂອງການຮັບຊົມ ບັນດາຜູ້ເຂົ້າຮ່ວມຍັງໄດ້ຖ່າຍຮູບຮ່ວມກັນ ເພື່ອສະແດງເຖິງ ຄວາມຍ້ອງຍໍຊົມເຊີຍຜົນສໍາເລັດ ກອງປະຊຸມໃຫຍ່ ຜູ້ແທນທົ່ວປະເທດ ຄັ້ງທີ XII ຂອງພັກປະຊາຊົນປະຕິວັດລາວ ຢ່າງສຸດໃຈ.
ຂ່າວ: ບຸນເພັງ ທຸມມະວົງ.
ແອດມິນ: ທ ວົງປັນຍາ.