ໃນຕອນເຊົ້າຂອງວັນທີ 2 ທັນວາ 2025ນິ້. ຢູ່ທີ່ເຂດເສດຖະກິດພິເສດສາມຫຼ່ຽມຄຳ ເມືອງຕົ້ນເຜິ້ງ ແຂວງບໍ່ແກ້ວ ໄດ້ມີ ພິທີ ໂຮມຊຸມນຸມ ຜ່ານການຖ່າຍທອດສົດທາງໄກ ແລະ ການເດີນສວນສະໜາມສະເຫຼີມສະຫຼອງວັນສະຖາປະນາ ສປປ ລາວ ຄົບຮອບ 50 ປີ ໂດຍການເຂົ້າຮ່ວມຂອງ ສະຫາຍ ຄຳສະແຫວງ ວິໄລພົງ ຮັກສາການຫົວໜ້າອົງການຄຸ້ມຄອງ-ບໍລິຫານເຂດເສດຖະກິດພິເສດສາມຫຼ່ຽມຄຳ, ທ່ານ ກ່າວ ຫຼົງ ຮອງປະທານສະພາບໍລິຫານເຂດເສດຖະກິດພິເສດສາມຫຼ່ຽມຄຳ ມີບັນດາຄະນະອົງການຄຸ້ມຄອງເຂດ, ຄະນະສະພາບໍລິຫານເຂດ, ພະນັກງານລັດຖະກອນ, ທະຫານ-ຕຳຫຼວດ, ຄູອາຈານ, ນັກຮຽນ, ຜູ້ປະກອບທຸລະກິດ ແລະ ປະຊາຊົນບັນດາເຜົ່າເຂົ້າຮ່ວມ.
ສະຫາຍ ຄຳສະແຫວງ ວິໄລພົງ ຮັກສາການຫົວໜ້າອົງການຄຸ້ມຄອງ-ບໍລິຫານເຂດເສດຖະກິດພິເສດສາມຫຼ່ຽມຄຳໄດ້ມີຄຳເຫັນຍົກໃຫ້ເຫັນເຖິງຄວາມເປັນຈິດໜຶ່ງໃຈດຽວຂອງປະຊາຊົນບັນດາເຜົ່າຜູ້ຮັກຊາດ ແລະ ຄວາມເປັນມາຂອງຊາດລາວທີ່ມີຄວາມໝາຍຄວາມສຳຄັນແຫ່ງໄຊຊະນະອັນຍິ່ງໃຫຍ່ໃນປະຫວັດສາດແຫ່ງການຕໍ່ສູ້ກູ້ຊາດຂອງລາວເຮົາ, ໂດຍແມ່ນພັກປະຊາຊົນປະຕິວັດລາວເປັນຜູ້ນຳພາຕໍ່ສູ້, ປົດປ່ອຍຊາດ ສາມາດຍາດໄດ້ໄຊຊະນະອັນໃຫຍ່ຫຼວງມາສູ່ປະຊາຊົນລາວບັນດາເຜົ່າ, ປະເທດຊາດໄດ້ຮັບການພັດທະນາຢ່າງບໍ່ຢຸດຢັ້ງ, ປະຊາຊົນບັນດາເຜົ່າ ໄດ້ມີອິດສະຫຼະພາບເປັນເຈົ້າຂອງປະເທດຊາດຢ່າງແທ້ຈິງ, ປະເທດລາວໄດ້ມີເອກະລາດຢ່າງສົມບູນ ແລະ ອະທິປະໄຕ ຢ່າງຄົບຖ້ວນ, ມີທີ່ຕັ້ງອັນສົມກຽດ ແລະ ມີສິດເທົ່າທຽມກັບບັນດາປະເທດອື່ນໆໃນເວທີປະຊາຄົມໂລກ
ທ່ານ ກ່າວ ຫຼົງ ຮອງປະທານສະພາບໍລິຫານເຂດເສດຖະກິດພິເສດ ສາມຫຼ່ຽມ ໄດ້ມີຄຳເຫັນວ່າ: ມື້ນີ້ດ້ວຍຄວາມຍິນດີ ແລະ ສະແດງຄວາມເຄົາລົບຢ່າງສູງຕໍ່ພັກ ແລະ ລັດ ແຫ່ງ ສປປ ລາວ ທີ່ໄດ້ມີພິທີ ສະເຫຼີມສະຫຼອງວັນສະຖາປະນາ ສປປ ລາວ ຄົບຮອບ 50ປີ ອັນຍິ່ງໃຫຍ່ ເຊິ່ງແມ່ນບາດກ້າວເດີນຂອງພັກປະຊາຊົນ ປະຕິວັດລາວອັນສະຫງ່າງາມ, ໃນການນຳພາປະຊາຊົນລາວບັນດາເຜົ່າພ້ອມກັນກ້າວຂຶ້ນຢ່າງບໍ່ຢຸດຢັ້ງໃນການພັດທະນາປະເທດຊາດໃຫ້ມີຄວາມຈະເລີນຮຸ່ງເຮືອງ ແລະ ສວຍງາມ ປະຊາຊົນມີຄວາມຜາສຸກສີວິໄລ ແລະ ຍຸດຕິທຳເວົ້າລວມ; ເວົ້າສະເພາະແມ່ນເຮັດໃຫ້ເຂດເສດຖະກິດພິເສດສາມຫຼ່ຽມຄຳການເປັນຕົວເມືອງໃໝ່ທີທັນສະໄໝ, ດ້ານດານທ່ອງທ່ຽວ. ການຄ້າ, ການກະສິກຳ. ໃນນາມສະພາບໍລິຫານເຂດເສດຖະກິດພິເສດສາມຫຼ່ຽມຄຳ ຈະເຊີດຊູຄວາມຖະໜອມມິດຕະພາບອັນດີງາມ ແລະ ເລິກເຊີ່ງຕໍ່ພັກ ແລະ ລັດຖະບານ, ໃນການເພີ່ມທະວີຄວາມຮ່ວມມືເປັນເອກະພາບໃນການພັດທະນາເສດຖະກິດ-ສັງຄົມ ເພື່ອບັນລຸຜົນປະໂຫຍດລວມຂອງປະເທດຊາດໃຫ້ນັບມືນັບເຕີບໃຫຍ່ເຂັ້ມແຂງ ແລະ ຂະຫຍາຍຕົວໄປເລື້ອຍໆ. ໃນພິທີຮັບຊົມວິດີໂອທາງໃກໃນຄັ້ງນີ້ ຍັງໄດ້ຮັບຟັງ ແລະ ຮັບຊົມພະນະທ່ານ ທອງລຸນ ສີສຸລິດ ເລຂາທິການໃຫຍ່ ປະທານປະເທດ ແຫ່ງ ສປປ ລາວ ກ່າວສູນທອນພົດ ໃນພິທີດັ່ງກ່າວຢ່າງມີຄວາມໝາຍ, ຄວາມສໍາຄັນອັນຍິ່ງໃຫຍ່ອີກດ້ວຍ.
ໃນໂອກາດນີ້, ບັນດາ ຜູ້ເຂົ້າຮ່ວມພິທີໂຮມຊຸມນຸມສະເຫຼີມສະຫຼອງວັນສະຖາປະນາ ສປປ ລາວ ຄົບຮອບ 50ປີ ກໍ່ມີຫຼາຍບຸກຄົນ, ຫຼາຍພາກສ່ວນກໍ່ໄດ້ໃຫ້ສຳພາດ ສະແດງເຖິງຄວາມຮູ້ສຶກພາກພູໃຈຂອງຕົນເປັນຢ່າງຍິ່ງທີ່ໄດ້ມີໂອກາດເຂົ້າຮ່ວມຮັບຊົມການໂຮມຊຸມນຸນໃຫຍ່ ແລະ ການເດີນສວນສະໜາມສະເຫຼີມສະຫຼອງວັນສະຖາປະຊາ ສປປ ລາວ ໃນຄັ້ງນິ້, ດ້ວຍບັນຍາກາດເບີດບານມ່ວນຊື່ນ.
ຂ່າວ: ນັກຂ່າວເຂດເສດຖະກິດພິເສດສາມຫຼ່ຽມຄໍາ
ແອດມິນ: ທອງຈັນ ວົງປັນຍາ