ເມືອງເມິງ ແຂວງບໍ່ແກ້ວ ປະກາດແຕ່ງຕັ້ງພະນັກງານດໍາລົງຕໍາແໜ່ງບໍລິຫານ ໂດຍການເປັນປະທານຂອງທ່ານ ຫຸ່ມແກ້ວ ອ້ອຍແຂມທອງ ຮອງເລຂາພັກເມືອງ ຜູ້ຊີ້ນໍາຂົງເຂດການເມືອງ-ແນວຄິດ, ວຽກພັກ-ພະນັກງານ, ມີບັນດາປະ ທານ-ຮອງປະທານ, ຄະນະຮັບຜິດຊອບຂອງເມືອງ, ພະນັກງານ-ລັດຖະກອນພາຍໃນຫ້ອງການອ້ອມຂ້າງເມືອງ ເຂົ້າຮ່ວມ.
ໃນວັນທີ 26 ກັນຍາ 2025ນີ້, ທ່ານ ສຸກັນ ຈິດມະນີ ຄະນະຈັດຕັ້ງເມືອງເມິງ ໄດ້ຜ່ານຂໍ້ຕົກລົງ ຂອງທ່ານເຈົ້າ ເມືອງ ວ່າດ້ວຍການແຕ່ງຕັ້ງພະນັກງານດໍາລົງຕໍາແໜ່ງບໍລິຫານປະເພດ VI, VII ເຫັນດີແຕ່ງຕັ້ງ:
1)ທ່ານ ໂອເລ້ ຈິດດາລາ, ຕໍາແໜ່ງພັກ: ສະມາຊິກພັກ, ຕໍາແໜ່ງລັດ: ຮອງຫົວໜ້າໜ່ວຍງານບໍລິຫານ, ຈັດຕັ້ງ ແລະ ກວດກາ ມາເປັນຫົວໜ້າໜ່ວຍງານປົກປ້ອງແຮງງານ, ອົງການສະຫະພັນກໍາມະບານເມືອງ, ດໍາລົງຕໍາແໜ່ງບໍລິຫານປະເພດ VI ຕາມດໍາລັດ 203 ຂອງລັດຖະບານ.
2) ທ່ານ ນາງ ມອນແກ້ວ ອິນທະວົງ, ຕໍາແໜ່ງພັກ: ສະມາຊິກພັກ, ຕໍາແໜ່ງລັດ: ວິຊາການໜ່ວຍງານບໍລິຫານ, ຈັດຕັ້ງ ແລະ ກວດກາ ມາເປັນຮອງຫົວໜ້າໜ່ວຍງານຫ້ອງການ, ອົງການສະຫະພັນກໍາມະບານເມືອງ ດໍາລົງຕໍາແໜ່ງບໍລິຫານປະເພດ VII ຕາມດໍາລັດ 203 ຂອງລັດຖະບານ.
3)ທາ່ນ ນາງ ສົມພັນ ດວງມາໄລ ຕໍາແໜ່ງພັກ: ສະມາຊິກພັກ, ຕໍາແໜ່ງລັດ: ຮອງຫົວໜ້າໜ່ວຍງານໂຄສະນາ, ວັດທະນະທໍາ, ຂ່າວສານ ແລະ ພັດທະນາວິຊາຊີບ, ອົງການສະຫະພັນແມ່ຍິງ ດໍາລົງຕໍາແໜ່ງບໍລິຫານປະເພດ VI ຕາມດໍາລັດ 203 ຂອງລັດຖະບານ.
ໃນພິທີຍັງໄດ້ມອບ-ຮັບຂໍ້ຕົກລົງດັ່ງກ່າວໃຫ້ບັນດາທ່ານທີ່ຮັບການແຕ່ງຕັ້ງໃໝ່ຢ່າງເປັນທາງການ, ມອບໂດຍ ທ່ານ ຫຸມແກ້ວ ອ້ອຍແຂມທອງ ຮອງເລຂາພັກເມືອງ; ພ້ອມທັງມີຄໍາເຫັນເນັ້ນໜັກໃຫ້ບັນດາທ່ານທີ່ໄດ້ຮັບການແຕ່ງ ຕັ້ງໃໝ່ຄັ້ງນີ້ ຈົ່ງພ້ອມກັນຍົກສູງໜ້າທີ່ການເມືອງຢ່າງໜັກແໜ້ນ ໃນການຊີ້ນໍາ-ນໍາພາ ຕາມພາລະບົດບາດ, ສິດ ແລະໜ້າທີ່ດ້ວຍຄວາມຮັບຜິດຊອບສູງ, ມີສະຕິຕໍ່ການຈັດຕັ້ງ, ເຄົາລົບກົດໝາຍລັດຖະກອນໃຫ້ເຂັ້ມງວດ, ພ້ອມກັນສຸມໃສ່ ເຮັດໜ້າທີ່ການເມືອງໃຫ້ມີທ່າຂະຫຍາຍຕົວ ແລະ ໄດ້ຮັບການພັດທະນາ ຂຶ້ນເປັນກ້າວໆ.
ພາບ-ຂ່າວ: ອຸ່ນຄໍາ ຂັນວາລິດ
ກວດແກ້: ຈ. ຈັນທະລິດ
ກວດແກ້ຮຽບຮຽງ: ແສງເພັດ ດວງປະເສີດ
ແອດມິນ: ທອງຈັນ ວົງປັນຍາ