ຕອນແລງວັນທີ 17 ກຸມພາ 2026, ໜ່ວຍພັກຄະນະໂຄສະນາອົມຮົມແຂວງບໍ່ແກ້ວ ໄດ້ເປີດກອງປະຊຸມທາບທາມຮ່າງເນື້ອໃນບົດສະຫຼຸບ, ບົດສໍາຫຼວດ ແລະ ທິດທາງແຜນການ 5 ປີ ແລະ ທາບທາມບຸກຄະລາກອນຄະນະພັກ ຄັ້ງທີ V.
ໂດຍການເປັນປະທານຂອງສະຫາຍ ນາງ ສຸ່ງ ແກ້ວໂພໄຊ ກໍາມະການພັກແຂວງ ເລຂາໜ່ວຍພັກ ຫົວໜ້າຄະນະໂຄສະນາອົມຮົມແຂວງບໍ່ແກ້ວ, ມີສະຫາຍ ຄໍາແຍງ ຄອນໄຊຍະກິດ ຮອງເລຂາພັກແຂວງ ຜູ້ຊີ້ນໍາຂົງເຂດພັກ-ພະນັກງານ, ສະຫາຍ ໜໍ່ຄໍາ ນົງສຸວັນ ຮອງປະທານກວດກາພັກ-ລັດແຂວງ, ມີແຂກຮັບເຊີນ ແລະ ສະມາຊິກພັກເຂົ້າຮ່ວມ. ໃນວາລະດໍາເນີນກອງປະຊຸມໄດ້ຊີ້ແຈ້ງຈຸດປະສົ່ງ ຄະນະຮັບຜິດຊອບໄດ້ແນະນໍາວິທີຂີດບັດ ທາບທາມດ້ານບຸກຄະລາກອນ ຮອບ 1 ແລະ ຮອບ 2, ຄະນະພັກປະຈຸບັນມີ 3 ສະຫາຍ, ຍິງ 1 ສະຫາຍ, ທາບທາມເພີ່ມຜູ້ມີເງື່ອນໄຂສະມັກ 8 ສະຫາຍ, ກອງປະຊຸມໄດ້ຜ່ານຮ່າງບົດສະຫຼຸບການຊີ້ນໍາ ນໍາພາ ຊຸດຄະນະພັກ 5 ປີຜ່ານມາ ແລະ ທິດທາງແຜນການ 5 ປີຕໍ່ໜ້າ, ຜ່ານຮ່າງບົດສໍາຫຼວດການນໍາພາ ເພື່ອໃຫ້ສະມາຊິກພັກແຕ່ລະສະຫາຍ ພ້ອມກັນປະກອບຄໍາຄິດ ຄໍາເຫັນຕໍ່ບົດດັ່ງກ່າວ ໃຫ້ມີຄວາມອຸດົມສົມບູນຄົບຖ້ວນ.
ກອງປະຊຸມຄັ້ງນີ້ບັນດາຄະນະພັກ, ສະມາຊິກພັກແຕ່ລະສະຫາຍ ຍັງໄດ້ຮັບຟັງການໂອລົມຂອງສະຫາຍ ຄໍາແຍງ ຄອນໄຊຍະກິດ ຮອງເລຂາພັກແຂວງ ເຊີນໄດ້ຍ້ອງຍໍຊົມເຊີຍຜົນງານການຈັດຕັ້ງ ແລະ ເຄື່ອນໄຫວວຽກງານຂອງຄະນະພັກ, ສະມາຊິດພັກໃນໄລຍະຜ່ານມາ, ເຖິງວ່າຄະນະໂຄສະນາອົບຮົມຈະມີຄວາມຫຍຸງຍາກຫຼາຍດ້ານກໍ່ຕາມ ໂດຍສະເພາະໄລຍະຍຸບໂຮມ 2 ຂະແໜງການ ມາເປັນອັນໜຶ່ງ ເຮັດໃຫ້ອຸປະກອນ, ພາຫະນະ ຮັບໃຊ້ວຽກງານ ມີການຂາດເຂີນ ບໍ່ພຽງພໍ ແຕ່ຫຼາຍວຽກງານເຮັດໄດ້ ແລະ ມີຜົນສໍາເລັດຫຼາຍດ້ານເຊັ່ນ: ຮັບໃຊ້ 3 ວັນປະຫວັດສາດ, ກອງປະຊຸມໃຫຍ່ອົງຄະນະພັກແຂວງ, ບຸນປະເພນີ ແລະ ບັ້ນເລືອກຕັ້ງສະມາຊິກແຫ່ງຊາດ ຊຸດທີ X ແລະ ສະພາປະຊາຊົນແຂວງ ຊຸດທີ V. ສໍາລັບກອງປະຊຸມຂອງໜ່ວຍພັກ ຄັ້ງທີ V ທີ່ຈະເປີດຂຶ້ນໃນມໍໆນີ້, ໃຫ້ບັນດາສະຫາຍສະມາຊິກພັກ ໃຫ້ເບິ່ງຄົນທີ່ມີຄວາມຮູ້ ຄວາມສາມາດ, ມີຄຸນທາດການເມືອງ, ຄຸນສົມບັດສິນທໍາປະຕິວັດ, ໜັ້ກແໜ້ນ ມີຄວາມສາມັກຄີ ບໍ່ມີອັກຄະຕິ, ແບ່ງແຍກຈຸມເຈື້ອເຊື້ອສາຍ ແລະ ມີຜົນສໍາເລັດໃນໜ້າທີ່ວຽກງານທີ່ໄດ້ມອບໝາຍ ແລະ ມີແບບແຜນວິທີນໍາພາ ວິທີເຮັດວຽກແລ້ວ ຊ່ອງແສງລາຍງານຕໍ່ຂັ້ນເທິງຮັບຮູ້ ອີກບັນຫາສໍາຄັນກໍ່ຕ້ອງໄດ້ເບິງ 3 ລຸ້ນຈະເລືອກຄື: ລຸ້ນອາວຸໂສ, ລຸ້ນກາງ ແລະ ລຸ້ນໜຸ່ມ ປະກອບດ້ວຍເພດ ແລະ ເຜົ່າໄປຄ່ຽງຄູ່ກັນ.
ຂ່າວ: ຫອມແກ້ວ ແຫວນເງິນ
ພາບ: ຄອນສິນ ສະຕິ
ແອັດມິນ: ທອງຈັນ ວົງປັນຍາ
