ທ້າຍອາທິດຜ່ານມານີ້, ທ່ານ ບຸນຄົງ ວົງຄໍາຈັນ ຮອງເລຂາພັກເມືອງ ປະທານຄະນະກໍາມະການປົກຄອງເມືອງຫ້ວຍຊາຍ, ລົງພົບປະໂອ້ລົມພໍ່ປະຊາຊົນ ແລະ ຜູ້ມີສິດປ່ອນບັດເລືອກຕັ້ງ ຢູ່ບ້ານນໍ້າກໍ່, ກຸ່ມບ້ານນ້ໍາຈ້ວມ ເມືອງຫ້ວຍຊາຍ ແຂວງບໍ່ແກ້ວ, ມີບັນດາຄະນະປະຈໍາພັກເມືອງ, ກໍາມະການພັກເມືອງ, ເລຂາພັກຮາກຖານ, ອໍານາດການປົກຄອງບ້ານ, ພະນັກງານກໍ່ສ້າງຮາກຖານການເມືອງຕະຫຼອດຮອດປະຊາຊົນເຂົ້າຮ່ວມເຂົ້າຮ່ວມ.
ທ່ານ ສົມແສນ ນາຍບ້ານໆນໍ້າກໍ່ໄດ້ລາຍງານການເຄື່ອນໄຫວວຽກງານໃນໄລຍະຜ່ານມາບ້ານນໍ້າກໍ່ ຫ່າງຈາກຕົວເມືອງຫ້ວຍຊາຍປະມານ 44 ກິໂລແມັດ, ມີ 149 ຄົວເຮືອນ, ມີ 150 ຄອບຄົວ, ມີພົນລະເມືອງທັງໝົດ 758 ຄົນ, ຍິງ 377 ຄົນ, ມີ 1 ເຜົ່າຄື້, ເຜົ່າກຶມມຸ, ຜ່ານມາຄະນະພັກອໍານາດການປົກຄອງບ້ານໄດ້ເອົາໃຈໃສ່ສຶກສາອົບຮົມການເມືອງແນວຄິດໃຫ້ປະຊາຊົນພາຍໃນບ້ານຂອງຕົນມີແນວຄິດອຸ່ນອ່ຽງທຸ່ນທ່ຽງ, ມີຄວາມຈົງຮັກພັກດີຕໍ່ປະເທດຊາດ, ເຂົ້າໃຈຕໍ່ແນວທາງນະໂຍບາຍຂອງພັກ, ລະບຽບກົດໝາຍຂອງລັດ, ໂດຍຫຼາຍຮູບການ ແລະ ວິທີການເປັນຕົ້ນແມ່ນການເຜີຍແຜ່ເຊື່ອມຊືມມະຕິຄໍາສັ່ງ ແລະ ເອກະສານຕ່າງໆຂອງຂັ້ນເທີ່ງແຕ່ລະໄລຍະ ຈາກນັ້ນ ຜູ້ເຂົ້າຮ່ວມກອງປະຊຸມຍັງໄດ້ປະກອບຄໍາຄິດຄໍາເຫັນ ເປັນຕົ້ນແມ່ນບັນຫາປະກົດການຫຍໍ້ທໍ້, ບັນຫາຢາເສບຕິດ ແລະ ຂີ້ລັກງັດແຫງະອື່ນໆເປັນຕົ້ນ, ໂອກາດນີ້, ທ່ານ ບຸນຄົງ ວົງຄໍາຈັນ ຮອງເລຂາພັກເມືອງ ປະທານຄະນະກໍາມະການປົກຄອງເມືອງຫ້ວຍຊາຍ, ຍ້ອງຍໍຊົມເຊີຍທາງຄະນະພັກ, ອໍານາດການປົກຄອງບ້ານຍາດມາໄດ້ໃນໄລຍະຜ່ານມາ, ທ່ານໄດ້ເນັ້ນໜັກໃຫ້ຄະນະພັກອໍານາດການປົກຄອງບ້ານທຸກຂັ້ນຈົງພ້ອມກັນສືບຕໍ່ສຶກສາອົບຮົມການເມືອງແນວຄິດໃຫ້ພໍ່ແມ່ປະຊາຊົນໃຫ້ມີແນວຄິດອຸ່ນອ່ຽງທຸ່ນທ່ຽງ, ພ້ອມກັນແກ້ໄຂ້ບັນຫາປະກົດການຫຍໍ້ທໍ້ບ້ານໃນບ້ານຂອງຕົ້ນໃຫ້ໝົດໄປເທື່ອລະກ້າວ, ສືບຕໍ່ເຕົ້າໂຮມຄວາມສາມັກຄີຂອງປະຊາຊົນບັນດາເຜົ່າໃຫ້ມີຄວາມສາມັກຄີປອງດອງ ແລະ ຮັກສາຮີດຄອງປະເພນີອັ່ນດີງານຂອງແຕ່ລະເຜົ່າໃຫ້ລູກຫຼານໄດ້ສືບທອດໃນຕໍ່ໜ້າ. ພ້ອມດຽວກັນນີ້, ຍັງໄດ້ມອບເຄື່ອງນຸງຮົ່ມໃຫ້ພໍ່ແມ່ປະຊາຊົນຜູ້ທີທຸກຍາດຂາດເຂີນ ແລະ ໂທລະໂຄ່ງໃຫ້ບ້ານຈໍານວນ 1 ຊຸດອີກດ້ວຍ.
ທ່ານ ບຸນຄົງ ວົງຄໍາຈັນ ຮອງເລຂາພັກເມືອງ ປະທານຄະນະກໍາມະການປົກຄອງເມືອງຫ້ວຍຊາຍ
ພາບ,ຂ່າວ: ບຸນຈັນ ບຸນປັນຍາ
