ວັນທີ 19 ມັງກອນ 2026 ນີ້ ຢູ່ທີ່ສະໂມສອນຂອງເມືອງປາກທາ ແຂວງບໍ່ແກ້ວ ໄດ້ຈັດກອງປະຊຸມ ເຊື່ອມຊຶມເອກະສານເພື່ອການເລືອກຕັ້ງ ສະມາຊິກສະພາແຫ່ງຊາດ ຊຸດທີ X ແລະ ສະພາປະຊາຊົນແຂວງ ຊຸດທີ V ໂດຍການເປັນປະທານ ຂອງ ທ່ານ ສາລີ ວັນນະສານ ກໍາມະການພັກແຂວງ, ເລຂາຄະນະບໍລິຫານງານພັກເມືອງ ມີບັນດາທ່ານ ຄະນະປະຈໍາພັກເມືອງ, ກໍາມະການພັກເມືອງ, ຫົວໜ້າຫ້ອງການ-ຮອງຫ້ອງການ ສອງກອງບັນຊາການ ປກຊ-ປກສ ຕະຫຼອດຮອດພະນັກງານລັດຖະກອນອ້ອມຂ້າງເມືອງເຂົ້າຮ່ວມ.
ໃນກອງປະຊູມຜູ້ເຂົ້າຮ່ວມໄດ້ພ້ອມກັນຮັບຟັງ ແລະ ເຊື່ອມຊຶມເອກກະສານທີ່ສໍາຄັນຕ່າງໆເປັນຕົ້ນແມ່ນ: ເຊື່ອມຊຶມ ແລະຜັນຂະຫຍາຍມະຕິ ຂອງກົມການເມືອງສູນກາງພັກ ວ່າດ້ວຍການເພີ່ມທະວີການນໍາພາ-ຊີ້ນໍາຂອງຄະນະພັກທຸກຂັ້ນຕໍ່ການເລືອກຕັ້ງສະມາຊິກສະພາແຫ່ງຊາດ ຊຸດທີ X ແລະ ສະພາປະຊາຊົນແຂວງ ຊຸດທີ V, ເພີ່ມທະວີການນໍາພາແນວຄິດ ເສີມຂະຫຍາຍສິດປະຊາທິປະໄຕ ຂອງປະຊາຊົນລາວບັນດາເຜົ່າ ເພື່ອການເລືອກຕັ້ງ ສະມາຊິກສະພາແຫ່ງຊາດ ຊຸດທີ X ແລະ ສະພາປະຊາຊົນແຂວງ ຊຸດທີ V, ຜ່ານແຜນດໍາເນີນງານຂອງຄະນະກໍາມະການເລືອກຕັ້ງຂັ້ນເມືອງ ເພື່ອເລືອກຕັ້ງສະມາຊິກສະພາແຫ່ງຊາດ ຊຸດທີ X ແລະ ສະພາປະຊາຊົນແຂວງ ຊຸດທີ V, ຄໍາແນະນໍາວ່າດ້ວຍການໂຄສະນາ, ປຸກລະດົມຄະບວນການ ແລະ ຍ້ອງຍໍໃນບັ້ນເລືອກຕັ້ງສະມາຊິກສະພາແຫ່ງຊາດ ຊຸດທີ X ແລະ ສະພາປະຊາຊົນແຂວງ ຊຸດທີ V ແລະ ຄໍາແນະນໍາກ່ຽວກັບການເພີ່ມທະວີການນໍາພາ-ຊີ້ນໍາວຽກງານປ້ອງກັນຊາດ-ປ້ອງກັນຄວາມສະຫງົບໃຫ້ແກ່ການເລືອກຕັ້ງສະມາຊິກສະພາແຫ່ງຊາດ ຊຸດທີ X ແລະ ສະພາປະຊາຊົນແຂວງ ຊຸດທີ V ແລະ ເອກະສານອື່ນໆອີກຈຳນວນໜຶ່ງ.
ທັງນີ້, ກໍເພື່ອເປັນການເພີ່ມທະວີການສຶກສາອົບຮົມ ແລະ ຍົກສູງລະດັບຄວາມຕືື່ນຕົວທາງດ້ານການເມືອງໃຫ້ແກ່ສະມາ ຊິກພັກ, ພະນັກງານ-ລັດຖະກອນ, ທະຫານ, ຕໍາຫວດ, ນັກຮຽນ-ນັກສຶກສາ, ຜູ້ປະກອບການ ແລະ ປະຊາຊົນລາວ ບັນດາເຜົຼ່າ ໂດຍສະເພາະ ແມ່ນຜູ້ມີສິດ ເລືອກຕັັ້ງ ເພື່ອສ້າງຄວາມຮັບຮູ້ເຂົ້າໃຈທີຖືກຕ້ອງ ແລະ ເປັນເອກະພາບຕໍ່ການເລືອກຕັັ້ງ ສະມາຊິກສະພາແຫ່ງຊາດ ຊຸດທີ X ແລະ ສະມາຊິກສະພາປະຊາຊົນຂັ້ນແຂວງ ຊຸດທີ V. ບົນພື້ນຖານດັ່ງງກ່າວ ເຮັດໃຫ້ຜູ້ມີສິດເລືອກຕັັ້ງ ມີຄວາມຕື່ນຕົວສະໝັກໃຈ ໄປໃຊ້ສິດໃນວັນ ເລືອກຕັັ້ງ ໃຫ້ຄົບຖ້ວນ ຕາມລະບຽບກ່ຽວກັບການເລືອກຕັັ້ງ; ເສີມຂະຫຍາຍຢ່າງແຂງແຮງ ການປະຕິບັດສິດ ປະຊາທິປະໄຕ ຂອງປະຊາຊົນ ລາວບັນດາເຜົ້າ ໂດຍສະເພາະ ຜູ້ມີສິດປ່ອນບັດເລືອກຕັັ້ງ ໃຫ້ຖືກຕ້ອງ ແລະ ຄົບຖ້ວນຕາມທີ່ໄດ້ກໍານົດໄວ້ໃນລັດຖະທໍາມະນູນ ແລະ ກົດໝາຍ ເພື່ອປະກອບສ່ວນຢ່າງສົມກຽດ ເຂົ້າໃນການປັບປຸງບູລະນະລະບົບອົງການອໍານາດແຫ່ງລັດ ຂັັ້ນຕ່າງໆ ໃຫ້ມີຄວາມເຂັັ້ມແຂງ, ໜັກແໜ້ນ “ເປັນອໍານາດ ຂອງປະຊາຊົນ, ໂດຍປະຊາຊົນ ແລະ ເພືອຜົນປະໂຫຍດ ຂອງ ປະຊາຊົນ” ຢ່າງແທ້ຈິງ ເປັນຕົ້ນ: ປັບປຸງກົງຈັກການຈັດຕັັ້ງ ແລະ ການເຄື່ອນໄຫວປະຕິບັດພາລະບົດບາດ, ສິດ ແລະ ໜ້າທີ່ ຂອງສະພາແຫ່ງຊາດ ແລະ ສະພາປະຊາຊົນຂັັ້ນແຂວງ ຕາມທີ່ດ້ກໍານົດໄວ້ໃນ ລັດຖະທໍາມະນູນ ແລະ ກົດໝາຍ ໃຫ້ມີຄຸນນະພາບ ແລະ ປະສິດທິຜົນສູງຂຶ້ນກວ່າເກົ່າ; ຮັບປະກັນເລືອກຕັັ້ງໃຫ້ໄດ້ຜູູ້ສະໝັກຮັບເລືອກຕັ້ງທີື່ມີມາດຕະຖານ, ເງືື່ອນໄຂຄົບຖ້ວນ ຕາມທີ່ກໍານົດໄວ້ໃນກົດໝາຍ.
ພາບ-ຂ່າວ: ວັນະເດດ
ກວດແກ້: ບຸນເພັງ ທຸມມະວົງ.
