ໃນຕອນເຊົ້າຂອງວັນທີ 25 ກັນຍາ 2024. ໜ່ວຍສະຫະພັນແມ່ຍິງ ຄະນະໂຄສະນາອົບຮົມແຂວງ ໄດ້ເປີດກອງປະຊຸມທາບທາມເອົາຄະນະໜ່ວຍຊຸດໃໝ່ ຂອງໜ່ວຍສະຫະພັນແມ່ຍິງ ຄະນະໂຄສະນາອົບຮົມແຂວງ ຄັ້ງທີ II ໂດຍການເຂົ້າຮ່ວມພ້ອມທັງເປັນປະທານກອງປະຊຸມ ຂອງສະຫາຍ ອຸນແສງ ທຸນອິນໃຈ ຮອງເລຂາໜ່ວຍພັກ ຮອງຫົວໜ້າຄະນະໂຄສະນາອົບຮົມແຂວງ, ສະຫາຍ ນ. ບີຍູວັນ ບຸນທອງ ຫົວໜ້າໜ່ວຍສະຫະພັນແມ່ຍິງ ຄະນະໂຄສະນາອົບຮົມແຂວງ, ມີບັນດາພະນັກງານ ແລະ ສະມາຊິກສະຫະພັນແມ່ຍິງ ຄະນະໂຄສະນາອົບຮົມແຂວງເຂົ້າຮ່ວມ 9 ສະຫາຍ, ຍິງ 5 ສະຫາຍ.
ສະຫາຍ ນ. ພອນສະຫວັນ ອຸດາລາ ຮອງຄະນະໜ່ວຍສະຫະພັນແມ່ຍິງ ຄະນະໂຄສະນາອົບຮົມແຂວງ ຂື້ນຜ່ານບົດສະຫຼຸບຕີລາຄາການຈັດຕັ້ງປະຕິບັດວຽກງານ 05 ປີຜ່ານມາ ແລະ ທິດທາງແຜນການຈັດຕັ້ງປະຕິບັດວຽກງານ 05 ປີຕໍ່ໜ້າ.
ສະຫາຍ ນ. ບີຍູວັນ ບຸນທອງ ຫົວໜ້າໜ່ວຍສະຫະພັນແມ່ຍິງ ຄະນະໂຄສະນາອົບຮົມແຂວງ ຊຸດເກົ່າ ແຕ່ປີ 2019-2023. ຂື້ນຜ່ານບົດສຳຫຼວດການນຳພາລວມຂອງຄະນະໜ່ວຍສະຫະພັນແມ່ຍິງ ຄະນະໂຄສະນາອົບຮົມແຂວງ.
ຈາກນັ້ນ ນັ້ນຄະນະຄວບຄຸມການປ່ອນບັດໄດ້ຜ່ານກົດລະບຽບກ່ຽວກັບ ມາດຖານ, ເງື່ອນໄຂ ໃຫ້ສາມະຊິກສະຫະພັນແມ່ຍິງ ພາຍໃນຄະນະໂຄສະນາອົບຮົມແຂວງ ໄດ້ຮັບຮູ້ແລ້ວກໍ່ໄດ້ແຈກຢາຍບັດພ້ອມທັງປ່ອນບັດຄັດເລືອກເອົາຄະນະຊຸດໃໝ່ ຕາມມາດຖານເງື່ອນໄຂທີ່ໄດ້ກຳນົດໃນກົດລະບຽບຂອງ ສະຫະພັນແມ່ຍິງ ໂດຍສາມາດເລືອກໄດ້ຄະນະຊຸດໃໝ່ດັ່ງນີ້: ສະຫາຍ ນ. ສຸດທິກອນ ພົນທະພັນ ເປັນຫົວໜ້າໜ່ວຍສະຫະພັນແມ່ຍິງ ຄະນະໂຄສະນາອົບຮົມແຂວງ ຊຸດໃໝ່ ແລະ ສະຫາຍ ນ. ສອນເພັດ ວັນນະສັກ ເປັນຮອງຫົວໜ້າໜ່ວຍສະຫະພັນແມ່ຍິງ ຄະນະໂຄສະນາອົບຮົມແຂວງ.
ໂອກາດນີ້ ສະຫາຍ ອຸນແສງ ທຸນອິນໃຈ ຮອງເລຂາໜ່ວຍພັກ ຮອງຫົວໜ້າຄະນະໂຄສະນາອົບຮົມແຂວງ ໄດ້ມີຄຳເຫັນສະແດງຄວາມຍ້ອງຍໍຊົມເຊີຍຕໍ່ໜ່ວຍສະຫະພັນແມ່ຍິງ ຊຸດເກົ່າທີ່ໄດ້ຈັດຕັ້ງປະຕິບັດວຽກງານຕະຫຼອດໄລຍະ 05 ປີຜ່ານມາ, ພ້ອມທັງເນັ້ນໜັກ ໃຫ້ຄະນະໜ່ວຍສະຫະພັນແມ່ຍິງຊຸດໃໝ່ຕັ້ງໜ້າເອົາໃຈໃສ ເປັນຕົ້ນແມ່ນຄວາມສາມັກຄີພາຍໃນໜ່ວຍສະຫະພັນແມ່ຍິງ ຄະນະໂຄສະນາອົບຮົມແຂວງ, ຄວາມເປັນເອກະພາບໃນການຕັດສິນໃຈບັນຫາຕໍ່ວຽກງານ ແລະ ສ້າງໜ່ວຍສະຫະພັນແມ່ຍິງ ຄະນະໂຄສະນາອົບຮົມແຂວງ ໃຫ້ ປອດໃສ, ເຂັ້ມແຂງ ແລະ ໜັກແໜ້ນໃນຕໍ່ໜ້າ.