ທ່ານ ສີວິໄລ ສີແສນດີ ກໍາມະການພັກແຂວງ, ເລຂາຄະນະບໍລິຫານງານພັກເມືອງ
ວັນທີ 8 ມັງກອນ 2026 ນີ້ ຢູ່ທີ່ສະໂມສອນຂອງເມືອງເມິງ ແຂວງບໍ່ແກ້ວ. ໄດ້ເປີດກອງປະຊຸມ ຄົບຄະນະບໍລິຫານງານພັກເມືອງ ເປີດກວ້າງ ຄັ້ງທີ V ສະໄໝທີ VIII ປີ2025 ໂດຍການເປັນປະທານຂອງ ທ່ານ ສີວິໄລ ສີແສນດີ ກໍາມະການພັກແຂວງ, ເລຂາຄະນະບໍລິຫານງານພັກເມືອງ, ມີບັນດາທ່ານ ຄະນະບໍລິຫານງານພັກເມືອງ ສະໄໝທີ VIII, ຫົວໜ້າຫ້ອງການ-ຮອງຫ້ອງການ,ສອງກອງບັນຊາການ ປກຊ-ປກສ,ອໍານວຍການໂຮງຮຽນ-ໂຮງໝໍ, ລັດວິສາຫະກິດໄຟຟ້າ-ນໍ້າປະປາ ແລະ ທະນາຄານນະໂຍບາຍ, ຄະນະພັກຮາກຖານ ແລະ ພະນັກງານກໍ່ສ້າງຮາກຖານເຂົ້າຮ່ວມ.
ທ່ານ ຫຸມແກ້ວ ອ້ອຍແຂມທອງ ຮອງເລຂາພັກເມືອງ, ປະທານກວດກາພັກ-ລັດ ເມືອງ ໄດ້ຜ່ານບົດສະຫຼຸບວຽກງານຮອບດ້ານ ປີ 2025 ແລະ ທິດທາງແຜນການ ປີ 2026 ແລະ ບົດສະຫຼຸບວຽກງານປົກຄອງ ປີ 2025 ແລະ ທິດທາງແຜນການ ປີ 2026. ເຊິ່ງບົດສະຫຼຸບດັ່ງກ່າວໄດ້ຍົກໃຫ້ເຫັນດ້ານດີຜົນງານ, ດ້ານອ່ອນ ແລະ ຂໍ້ຄົງຄ້າງຈໍານວນໜຶ່ງງ ຜ່ານການຊີ້ນໍາ-ນໍາພາ ການຈັດຕັ້ງຜັນຂະຫຍາຍ ແລະ ປະຕິບັດຕາມມະຕິກອງປະຊຸມໃຫຍ່ຜູ້ແທນອົງຄະນະພັກແຂວງ ຄັ້ງທີ VII, ກໍ່ຄືມະຕິກອງປະຊຸມໃຫຍ່ຜູ້ແທນອົງຄະນະພັກເມືອງ ຄັ້ງທີ VIII. ຜ່ານມາແມ່ນໄດ້ເອົາໃຈໃສ່ສຶກສາອົບຮົມການເມືອງ-ແນວຄິດ ໃຫ້ແກ່ທັນແຖວພະນັກງານ, ລັດຖະກອນ, ສະມາຊິກພັກ, ທະຫານ-ຕໍາຫຼວດ ແລະ ປະຊາຊົນບັນດາເຜົ່າຢ່າງເປັນປົກກະຕິ ແລະ ເຮັດແບບຕໍ່ເນື່ອງ ໃນທົ່ວເມືອງ ມີ 3 ຄະນະພັກຮາກຖານ, ມີ 60 ໜ່ວຍພັກ, ມີສະມາຊິກພັກທັງໝົດ 964 ສະຫາຍ, ຍິງ 276 ສະຫາຍ, ມີສະມາຊິກພັກສໍາຮອງ 27 ສະຫາຍ, ຍິງ 9 ສະຫາຍ; ດ້ານວຽກງານປ້ອງກັນຊາດ-ປ້ອງກັນຄວາມສະຫງົບ ແລະ ຍຸຕິທໍາ ແມ່ນໄດ້ເອົາໃຈໃສ່ຈັດຕັ້ງປະຕິບັດຕາມພາລະບົດບາດ, ຂອບເຂດ, ສິດ ແລະ ໜ້າທີ ເອົາໃຈໃສ່ຈັດຕັ້ງລະບົບປະຈໍາການ ໄນການກຽມພ້ອມສູ້ຮົບຕະຫຼອດ 24 ຊົ່ວໂມງ ຕິດຕາມສະພາບຮອບດ້ານ ເຮັດໃຫ້ເມືອງເມິງ ມີຄວາມສະຫງົບໂດຍພຶ້ນຖານ ຕິດພັນກັບການສ້າງບ້ານປ້ອງກັນຊາດເຂັ້ມແຂງ, ສ້າງບ້ານປ້ອງກັນຄວາມສະຫງົບດີ ແລະ ສ່າງບ້ານແບບຢ່າງປະຕິບັດກົດໝາຍ; ດ້ານວຽກງານເສດຖະກິດ ວຽກງານການເງິນ ປະຕິບັດດ້ານລາຍຮັບໄດ້ 22 ຕື້ 403 ລ້ານກ່ວາກີບ, ເທົ່າກັບ 99% ເພີ່ມຂື້ນ13%, ລາຍຮັບພາຍໃນເມືອງ ປະຕິບັດໄດ້ 2 ຕື້້ 797 ລ້ານກວ່າກີບ, ເທົ່າກັບ 93% ເພີ່ມຂື້ນ 14%, ລາຍຈ່າຍປະຕິບັດໄດ້ 21 ຕື້ 762 ລ້ານກວ່າກີບ, ເທົ່າກັບ 97% ເພີ່ມຂື້ນ 11%; ດ້ານວຽກງານກະສິກໍາ ແລະ ສິງແວດລ້ອມ ໃນທົ່ວເມືອງການເກັບກ່ຽວຜົນຜະລິດເຂົ້ານາປີໄດ້ 4.713 ໂຕນ, ໃນເນື້ອທີ່ປູກເຂົ້າທັງໝົດ 1.228, 83 ເຮັກຕາ, ເຂົ້າໄຮປະຕິບັດໄດ້ 2.276 ໂຕນ ເທົ່າກັບ 99,22% ລຸດແຜນ 0,78%, ການຜະລິດພຶດກະສິກໍາເປັນສີນຄ້າ ແລະ ພືດຜັກ ຕ່າງໆ ເນື້ອທີ 21,39 ເຮັກຕາ, ມີ 236 ຄອບຄົວ, ສະເລ່ຍຜົນຜະລິດ 69,99 ໂຕນ; ວຽກງານອຸດສາຫະກໍາ ແລະ ການຄ້າ, ມູນຄ່າການຜະລິດອຸດສາຫະກໍາ ແລະ ຫັດຖະກຳ ປະຕິບັດໄດ້ 3 ຕື້ 282 ລ້ານກວ່າກີບ ທຽບໃສ່ການປະຕິບັດປີຜ່ານມາແມ່ນ ເພີ່ມຂຶ້ນ 4,08%, ມູນຄ່າຈໍລະຈອນສີນຄ້ານໍາເຂົ້າພາຍໃນເມືອງ ປະຕິບັດໄດ້ 12 ຕື້ 339 ລ້ານກວ່າກີບ, ເມື່ອທຽບໃສ່ປີຜ່ານມາ ຫຼຸດລົງ 3,56% ສາເຫດ: ຍ້ອນການນໍາໃຊ້ສິນຄ້າບາງລາຍການຫຼຸດລົງ ເປັນຕົ້ນວັດສະດຸກໍສ້າງ, ເຄື່ອງໃຊ້ສອຍຕ່າງ, ສິນຄ້າສົ່ງອອກ ປະຕິບັດໄດ້ 46 ຕື້ 691 ລ້ານກວ່າກີບ. ທຽບໃສ່ການປະຕິບັດປີຜ່ານມາແມ່ນ ເພີ່ມຂຶ້ນ 19,43%, ເຊິ່ງສາມາດປະຕິບັດຄາດໝາຍສູ້ຊົນໄລຍະ 01 ປີຜ່ານມາເທົ່າກັບ 62 ຕື້ 313 ລ້ານກວ່າກີບ; ດ້ານວຽກງານຂົງເຂດວັດທະນະທໍາສັງຄົມ ໄດ້ນໍາພາ-ຊີ້ນໍາ ສຸມໃສ່ການປັບປຸງ, ຍົກສູງຄຸນນະພາບ ການຮຽນ-ການສອນໃຫ້ສູງຂຶ້ນ ອັດຕາເຂົ້າຮຽນ ປ.1 ປະຕິບັດໄດ້ 99,7% ລື່ນຄາດໝາຍ 0,03%, ອັດຕາປະລະປະຕິບັດໄດ້ 4,8% ທຽບໃສ່ຄາດໝາຍຂອງສະພາຮັບຮອງ 5.9% ລື່ນຄາດໝາຍ 1,1%, ອັດຕາປະລະການຮຽນຂອງນັກຮຽນຊັ້ນມັດທະຍົມຕອນຕົ້ນໄດ້ 8,8%, ລື່ນຄາດໝາຍ 0,65%, ຕອນປາຍໄດ້ 13,6% ລື່ນຄາດໝາຍ 1,88%, ທົ່ວເມືອງມີ ໂຮງຮຽນອະນຸບານ 26 ແຫ່ງ, ປະຖົມ 26 ແຫ່ງ, ມັດທະຍົມຕອນຕົ້ນ 5 ແຫ່ງ ແລະ ຕອນປາຍ 2 ແຫ່ງ ມີຄູ-ອາຈານ: 178 ຄົນ, ວຽກງານສາທາລະນະສຸກ, ໄດ້ສຸມໃສ່ການບໍລິການ ດ້ານສາທາລະນະສຸກ ໃຫ້ທົ່ວເຖິງທຸກເປົ້າໝາຍ, ຮັບປະກັນໃຫ້ປະຊາຊົນເຂົ້າເຖິງການບໍລິການດ້ານສາທາລະນະສຸກ; ລົງສັກຢາໄດ້ 28 ບ້ານ, ມີ 55 ຈຸດ, ໄດ້ລົງປະເມີນຄືນ ບ້ານສາທາລະນະສຸກແບບຢ່າງ ໄດ້ 1 ຄັ້ງ, ສໍາເລັດການສໍາຫຼວດ ອອກແບບ ນໍ້າລິນ ແລະ ເກັບກຳຂໍ້ມູນ ໄດ້ 10 ບ້ານ, ສຳເລັດໄປແລ້ວ 6 ບ້ານ, ໄດ້ຊຸກຍູ້ສົ່ງເສີມໃຫ້ຊຸມຊົນເປັນເຈົ້າການດ້ານສຸຂາອະນາໄມ ເປັນຕົ້ນແມ່ນການຊົມໃຊ້ນໍາລິນ, ນໍ້າປະປາ ນໍ້າສະອາດເຊີ່ງກວມເອົາ 95,1%, ອັດຕາການຊົມໃຊ້ວິດຖ່າຍກວມ 88,48%, ວຽກງານວັດທະນະທໍາ ແລະ ທ່ອງທ່ຽວ: ໄດ້ສໍາເລັດການປະເມີນຄອບຄົວວັດທະນະທຳທີ່ຍັງຕົກຄ້າງຢູ່ໃນບັນດາບ້ານທີ່ປະກາດຮັບຮອງເປັນບ້ານວັດທະນະທຳແລ້ວໄດ້ 335 ຄອບຄົວໃນ 07 ບ້ານ, ທົ່ວເມືອງມີຄອບຄົວວັດທະນະທໍາໃໝ່ 3,207 ຄອບຄົວ, ກວມເອົາ 87,01% ຂອງຄອບຄົວທົ່ວເມືອງ, ມີບ້ານວັດທະນະທໍາ 25 ບ້ານ ກວມເອົາ 89,28% ຂອງຈໍານວນບ້ານທັງໝົດທົ່ວເມືອງ; ອົງການແນວລາວສ້າງຊາດ ແລະ ອົງການຈັດຕັ້ງມະຫາຊົນ ແມ່ນໄດ້ເອົາໃຈໃສ່ຈັດຕັ້ງປະຕິບັດຕາມພາລະບົດບາດ, ສິດ ແລະ ໜ້າທີຂອງຕົນດ້ວຍຄວາມຮັບຜິດຊອບສູງ, ເຕົ້າໂຮມຄວາມສາມັກ, ໃນການປຸກລະດົມຊັ້ນຄົນຕ່າງໆ ໃນການປະຕິບັດສອງໜ້າຍຸດທະສາດຄື: ປົກປັກຮັກສາແລະສ້າງສາພັດທະນາປະເທດຊາດ ຈາກນັ້ນໃນຄະນະບໍລິຫານງານພັກເມືອງ ໄດ້ພ້ອມກັນປະກອບຄໍາຄິດຄໍາເຫັນໃສ່ບົດສໍາຫຼວດຢ່າງກົງໄປມາ ເພື່ອເຮັດໃຫ້ບົດສະຫຼຸບມີເນື້ອໃນສົມບູນ, ຄົບຖວ້ນ ແລະ ເປັນເອກະພາບ ທັງເປັນການປັບປຸງວຽກງານທີ່ຍັງຄົງຂ້າງ ເພື່ອສືບຕໍ່ຈັດຕັ້ງປະຕິບັດໃຫ້ມີຜົນສໍາເລັດໃນຕໍ່ໜ້າ.
ໂອກາດນິ້. ທາ່ນ ສີວິໄລ ສີແສນດີ ກໍາມະການພັກແຂວງ, ເລຂາພັກເມືອງ ໄດ້ມີຄໍາເຫັນເໜັ້ນໜັກໃຫ້ຄະນະພັກທຸກຂັ້ນໃຫ້ສືບຕໍ່ສຶກສາອົບຮົມ ດ້ານການເມືອງ – ແນວຄິດ ໃຫ້ແກ່ພະນັກງານລັດຖະ ກອນ, ສະມາຊິກພັກ, ທະຫານ, ຕໍາຫຼວດ, ຕະຫຼອດຮອດປະຊາຊົນບັນດາເຜົ່າ ໃຫ້ກວ້າງຂວາງ, ຕໍ່ເນື່ອງ ແລະ ເລິກເຊິ່ງກວ່າເກົ່າ, ເພິ່ມທະວີການນໍາພາຕໍ່ວຽກງານຂອງແຕ່ລະຂະແໜງການທີ່ໄດ້ຮັບຜິດຊອບ, ເພີ່ມທະວີຕໍ່ວຽກງານປ້ອງກັນຊາດ-ປ້ອງກັນຄວາມສະຫງົບ, ຕິດພັນກັບການສ້າງໜ່ວຍພັກປອດໃສ, ເຂັ້ມແຂງ, ໜັກແໜັ້ນ, ເປັນເຈົ້າການໃນການ ແກ້ໄຂບັນຫາປະກົດການຫຍໍ້ທໍ້ຕ່າງໆໃນສັງຄົມ ຢູ່ພາຍໃນເມືອງໃຫ້ເດັດຂາດ, ເຂັ້ມງວດ ແລະ ທົ່ວເຖິງ, ຄະນະນໍາແຕ່ລະຂັ້ນ ໃຫ້ເປັນເຈົ້າການຄົ້ນຄວ້າ, ຫັນມະຕິ ແລະ ແຜນພັດທະນາເສດຖະກິດ-ສັງຄົມຂອງເມືອງ ແລະ ທິດທາງແຜນການ ຫັນເອົາໂຄງການດໍາເນີນງານວິຊາສະເພາະລະອຽດຈະແຈ້ງຂອງແຕ່ລະຂະແໜງການຕົນ ແນ່ໃສ່ຮັບປະກັນດ້ານປະລິມານ ແລະ ຄຸນນະພາບໃຫ້ສູງຂື້ນກ່ວາເກົ່າ ເພຶ່ອເຮັດໃຫ້ເມືອງເມິງລຸດພົ້ນອອກຈາກຄວາມທຸກຍາກໄປເທື່ອລະກ້າວ.
ຂ່າວ: ອຸ່ນຄໍາ ຂັນວາລິດ.
ແອດມິນ: ທ ວົງປັນຍາ.
