ສະຫາຍ ສາລີ ວັນນະສານ ກໍາມະການພັກແຂວງ, ເລຂາຄະນະບໍລິຫານງານພັກເມືອງປາກທາ
ກອງປະຊຸມຄົບຄະນະບໍລິຫານ ງານພັກເມືອງປາກທາ ເປີດກ້ວາງ ຄັ້ງທີ 4 ສະໄໝທີ XIII ຕິດພັນກັບການດໍາເນີນຊີວິດການເມືອງ ພາຍໃນຄະນະບໍລິຫານງານພັກ ໄດ້ໄຂຂື້ນໃນຕອນເຊົ້າ ຂອງວັນທີ 13 ມັງກອນ 2026 ນີ້ ທີ່ສະໂມຂອງເມືອງ ໂດຍການເປັນປະທານຂອງ ສະຫາຍ ສາລີ ວັນນະສານ ກໍາມະການພັກແຂວງ, ເລຂາຄະນະບໍລິຫານງານພັກເມືອງປາກທາ, ເຂົ້າຮ່ວມ ມີບັນດາສະຫາຍຄະນະປະຈໍາພັກເມືອງ, ກໍາມະການພັກເມືອງ, ຫົວໜ້າ-ຮອງຫົວໜ້າຫ້ອງການ,ສອງກອງບັນຊາການ ປກຊ-ປກສ, ອໍານວຍການໂຮງຮຽນ,ໂຮງໝໍ,ສູນໄຟ້າ,ນໍ້າປະປາ,ທະນາຄານນະໂຍບາຍ, ກອງພັນ 415, ກອງຮ້ອຍແດນ 124,ກອງປະຕິບັດງານ 213, ຕະຫຼອດຮອດຫົວໜ້າໜ່ວຍງານແລະຮອງໜ່ວຍງານຫ້ອງການອ້ອມຂ້າງເມືອງ ເຂົ້າຮ່ວມ.
ສະຫາຍສາລີ ວັນນະສານ ເລຂາຄະນະ ບໍລິຫານງານພັກເມືອງປາກທາ, ປະທານ ກອງປະຊຸມ ໄດ້ມີຄໍາເຫັນກ່າວເປີດກອງປະຊຸມໃນຄັ້ງນີ້ວ່າ: ກອງປະຊຸມໃນຄັ້ງນີ້ແມ່ນສຸດທີ່ມີຄວາມໝາຍ,ຄວາມສໍາຄັນເຊິ່ງຄະນະພັກ, ຜູ້ແທນກອງປະຊຸມ ແຕ່ລະສະຫາຍ ຈະໄດ້ພ້ອມກັນຄົ້ນຄ້ວາສະຫຼຸບຕີລາຄາຄືນຢ່າງກົງໄປກົງມາ ຕໍ່ການຊີ້ນໍາ-ນໍາພາວຽກງານໃນຂອບເຂດຄວາມຮັບຜິດຊອບຂອງຕົນໃນໄລຍະຜ່ານມາ ເພື່ອຊອກໃຫ້ເຫັນດ້ານດີ ທີ່ເປັນຜົນງານ,ດ້ານອ່ອນຂໍ້ຄົງຄ້າງທີ່ຈະຕ້ອງປັບປຸງແກ້ໄຂໃນຕໍ່ໜ້າ, ກອງປະຊຸມຈະໄດ້ຄົ້ນຄ້ວາ ປຶກສາຫາລືຫຼາຍບັນຫາສໍາຄັນເປັນຕົ້ນ: ບົດສະຫຼຸບການຊີ້ນໍາ-ນໍາພາວຽກງານຮອບດ້ານ, ບົດລາຍງານການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ບົດລາຍງານການຈັດຕັ້ງປະຕິບັດ ແຜນງບົບປະມານແຫ່ງລັດ ລາຍຮັບ, ລາຍຈ່າຍ,ການຄຸ້ມຄອງການຈັດເກັບລາຍຮັບເຂົ້າງົບປະມານ ໃນໄລຍະ 1 ປີ ຜ່ານມາ (2025) ແລະ ວາງທິດທາງ ແຜນການປະຈໍາ 3 ເດືອນຕົ້ນປີ 2026 ແລະ ບັນດາເອກະສານສໍາຄັນອື່ນໆອີກ.
ໃນນາມ ປະທານກອງປະຊຸມຮຽກຮ້ອງມາຍັງ ບັນດາສະຫາຍ ຜູ້ແທນກອງປະຊຸມຈົ່ງຍົກສູງຄວາມຮັບຜິດຊອບຂອງຕົນ,ຕັ້ງໜ້າຄົ້ນຄ້ວາປະກອບຄໍາຄິດ-ຄໍາເຫັນຢ່າງກົງໄປກົງມາ ໂດຍຍົກໃຫ້ເຫັນທ່າແຮງບົ່ມຊ້ອນໃນການພັດທະນາເມືອງປາກທາເວົ້າລວມ,ເວົ້າສະເພາະແມ່ນການພັດທະນາບັນດາໜ້າວຽກຂອບເຂດຄວາມຮັບຜິດຊອບຂອງຕົນໃຫ້ໄດ້ຮັບຜົນສໍາເລັດຕາມລະດັບຄາດໝາຍ, ພ້ອມທັງກ່າວເປີດກອງປະຊຸມຄົບຄະນະບໍລິຫານງານພັກເມືອງເປີດກ້ວາງ ຄັ້ງທີ 4 ສະໄໝທີ XIIIຄັ້ງນີ້ຢ່າງເປັນທາງການ, ກອງປະຊຸມຄັ້ງ ນີ້ຈະໃຊ້ເວລາ 3 ວັນເຕັມຈື່ງສໍາເລັດ.
ຂ່າວ: ບຸນເພັງ ທຸມມະວົງ.
ແອດມິນ: ທ ວົງປັນຍາ.
