ໃນຕອນເຊົ້າຂອງວັນທີ 30 ພະຈິກນີ້ 2025, ເມືອງຫ້ວຍຊາຍ ແຂວງບໍ່ແກ້ວ (ສປປ ລາວ) ຮ່ວມກັບ ອໍາເພີຊຽງຂອງ ແຂວງຊຽງຮາຍ (ປະເທດໄທ) ໄດ້ຈັດກິດຈະກໍາແລ່ນມາຣາທອນ ຂ້າມຂອງ ລາວ-ໄທ ຄັ້ງທີ 4 ປະຈໍາປີ 2025 ເຊິ່ງມີໄລຍະ 12 Km, ຈຸດເລີ່ມຕົ້ນແມ່ນຢູ່ຕໍ່ໜ້າດ່ານຂົວມິດຕະພາບ 4 ຝັ່ງ ອໍາເພີຊຽງຂອງ ຈັງຫວັດຊຽງຮາຍ (ປະເທດໄທ). ເຂົ້າຮ່ວມ ພິທີ ແລ່ນມາຣາທອນ ຂ້າມຂອງ ລາວ-ໄທ ໃນຄັ້ງນິ້,ມີ ທ່ານ ຈອມແພງ ວິໄລສານ ເລຂາຄະນະບໍລິຫານງານພັກເມືອງ, ມີບັນດາຄະນະນໍາຂອງ ເມືອງຫ້ວຍຊາຍ ແລະ ອໍາເພີຊຽງຂອງເຂົ້າຮ່ວມ,
ການແລ່ນມາຣາທອນ ຂ້າມຂົວມິດຕະພາບ 4 ຝັ່ງ (ສປປ ລາວ) ຂ້າມບ້ານ ປາກຮາວໃຕ້, ອອກສາມແຍກບ້ານ ປ່າອ້ອຍ, ຂຶ້ນລຽບຕາມເສັ້ນທາງແມ່ນໍ້າຂອງ, ຜ່ານຕົວເມືອງ ແລະ ເຂົ້າສູ່ເສັ້ນໄຊຢູ່ທີ່ຕໍ່ໜ້າສູນເຝິກອົບຮົມຂອງ ເມືອງຫ້ວຍຊາຍ ແຂວງບໍ່ແກ້ວ.ການຈັດກິດຈະກໍາແລ່ນມາລາທອນ ນິ້.ເພື່ອແນ່ໃສ່ເຮັດໃຫ້ສຸຂະພາບແຂງແຮງ ທັງເປັນການສົ່ງເສີມການທ່ອງທ່ຽວ ແລະ ບໍ່ມີການຈັບເວລາການແຂ່ງຂັ້ນ ສໍາລັບ 20 ຄົນທໍາອິດທີ່ເຂົ້າເສັ້ນໄຊ ມີການມອບຫຼຽນລາງວັນ ແລະ ແຍກລາງວັນ ປະເພດຂອງນັກກິລາ ຍິງ-ຊາຍ ແຕ່ລະປະເພດການແລ່ນ ແລະ ເພື່ອເປັນການໂຄສະນາປຸກລະດົມໃຫ້ຢຸດຕິຄວາມຮຸນແຮງທາງເພດ ຮ່ວມກັນສ້າງສັງຄົມທີ່ປອດໄພ ໃຫ້ຄົນທຸກເພດໃນສັງຄົມ ເປັນການເສີມສ້າງຄວາມສໍາພັນອັນດີ ຮັດແໜ້ນຄວາມສາມັກຄີ ລະຫວ່າງປະຊາຊົນສອງຊາດ ລາວ-ໄທ ກໍ່ຄື ເມືອງຫ້ວຍຊາຍ ແຂວງບໍ່ແກ້ວ (ສປປ ລາວ) ແລະ ອໍາເພີຊຽງຂອງ ຈັງຫວັດຊຽງຮາຍ (ປະເທດໄທ) ໃຫ້ນັບມືສູງຂຶ້ນ ໄປຄຽງຄູ່ກັບການສົ່ງເສີມການທ່ອງທ່ຽວສອງຝັ້ງຂອງແບບຢືນຢົງ.
ຂ່າວ: ບຸນຈັນ ບຸນປັນຍາ
ແອດມິນ: ທອງຈັນວົງປັນຍາ
