ຕອນເຊົ້າວັນທີ 1 ທັນວາ 2023 ຄະນະນຳຂອງແຂວງ ບໍ່ແກ້ວໄດ້ວາງພວງມາລາຢູ່ອານຸສາວະລີນັກຮົບນິລະນາມ ( ຄ້າຍປ່າໄລ່ ) ແລະ ອະນຸສອນສະຖານປະທານ ໄກສອນ ພົມວິຫານ ເປັນກຽດວາງພວງມາລາ ແລະ ກະຕ່າດອກໄມ້ຄັ້ງນີ້ໂດຍ ທ່ານ ບົວຄົງ ນາມມະວົງ ເລຂາພັກແຂວງ, ເຈົ້າແຂວງໆ ບໍ່ແກ້ວ ພ້ອມດ້ວຍຄະນະນຳຂອງແຂວງ, ສອງກອງບັນຊາການທະຫານ-ຕຳຫຼວດໄດ້ນຳເອົາພວງມາລາທີ່ງົດງາມມາວາງຢູ່ອານຸສາວະລີນັກຮົບນິລະນາມ( ຄ້າຍປ່າໄລ່ ) ເພື່ອເປັນການໄຫ້ວອາໄລ ແລະ ລະນຶກເຖິ່ງມູນເຊື້ອ, ຄຸນງາມຄວາມດີອັນສະຫງ່າງາມ ແລະ ອົງອາດກ້າຫານຂອງບັນດານັກຮົບນິລະນາມ ທີ່ໄດ້ເສຍສະຫຼະຊີວິດ, ເລືອດເນື້ອ ເພື່ອປະເທດຊາດ ເພື່ອປະຊາຊົນ ໃນຂະບວນການປະຕິວັດຊາດຕະຫຼອດໄລຍະຜ່ານມາ ແລະ ໄດ້ນໍາເອົາກະຕ່າດອກໄມ້ທີ່ງົດງາມ, ຫອມຫວນ ແລະ ສົດໃສ ເຊິ່ງເປັນສິ່ງແທນດວງໃຈຂອງພະນັກງານສະມາຊິກພັກ, ທະຫານ-ຕຳຫຼວດ ທົ່ວປວງຊົນລາວບັນດາເຜົ່າຊາວແຂວງບໍ່ແກ້ວ ເຂົ້າມານ້ອມເຄົາລົບຕໍ່ ອານຸສອນສະຖານປະທານ ໄກສອນ ພົມວິຫານ ເພື່ອສະແດງຄວາມອາໄລຮັກຢ່າງສຸດຊຶ້ງ, ຄວາມກະຕັນຍູຮູ້ ບຸນຄຸນຕໍ່ທ່ານ ໄກສອນ ພົມວິຫານ ອາດີດການນໍາສູງສຸດຂອງພັກຜູ້ກໍ່ຕັ້ງພັກປະຊາຊົນປະຕິວັດລາວ, ຜູ້ສ້າງ ຕັ້ງກອງທັບປະຊາຊົນລາວ ແລະ ເປັນຜູ້ວາງແນວທາງປ່ຽນແປງໃໝ່ຮອບດ້ານຂອງພັກທີ່ສະຫຼາດສ່ອງໃສ, ຍ້ອນພາລະກິດ ແລະ ບຸນຄຸນຂອງທ່ານທີ່ໄດ້ສ້າງມານັ້ນຈື່ງເຮັດໃຫ້ປະເທດຊາດຂອງພວກເຮົາຫຼຸດພົ້ນອອກ ຈາກການກົດຂີ່ຂູດຮີດ, ຂອງພວກສັກດີນາ ແລະ ພວກລ່າເມືອງຂຶ້ນ, ສາມາດຍາດໄດ້ໄຊຊະນະຢ່າງ ສົມບູນ, ປະເທດຊາດໄດ້ຮັບການພັດທະນາກ້າວຂຶ້ນຢ່າງບໍ່ຢຸດຢັ້ງ, ຜົນງານ ແລະ ຄຸນງາມຄວາມດີຂອງທ່ານແມ່ນໄດ້ ຝັງໄວ້ໃນດວງໃຈຂອງພະນັກງານ-ສະມາຊິກພັກ, ທະຫານ-ຕຳຫຼວດ ທົ່ວປວງຊົນລາວບັນດາເຜົ່າຊາວແຂວງບໍ່ແກ້ວ.