ຕອນເຊົ້າວັນ ພະຫັດ ທີ 13 ມິຖຸນາ 2024 ຄະນະໂຄສະນາອົບຮົມແຂວງ ໄດ້ເຂົ້າຮ່ວມການຝຶກອົບຮົມຄວາມຮູ້ພື້ນຖານການບໍລິຫານຈັດການໜ້າກະດານຂ່າວເອເລັກໂຕຼນິກ ທາງອອນລາຍ ໂດຍການເຂົ້າຮ່ວມຂອງທ່ານ ສົມພອນ ອິນຕະວົງ ກໍາມະການພັກແຂວງ ຫົວໜ້າຄະນະໂຄສະນາອົບຮົມແຂວງ, ທ່ານ ສີໂພໄຊ ວິຫາລາດ ຮອງຫົວໜ້າຄະນະໂຄສະນາອົບຮົມແຂວງ ຜູ້ຊີ້ນໍາວຽກງານສັງລວມຂໍ້ມູນຂ່າວສານ ແລະ ຝຶກອົບຮົມ ແລະ ມີຫົວໜ້າ-ຮອງຫົວໜ້າຂະແໜງກ່ຽວຂ້ອງ, ວິຊາການຂອງຂະແໜງການຕ່າງໆພາຍໃນຄະນະໂຄສະນາອົບຮົມແຂວງ ກໍ່ໄດ້ເຂົ້າຮ່ວມຢ່າງພ້ອມພຽງ ເຊິ່ງບັ້ນຝຶກອົບຮົມຄັ້ງນີ້ ໄດ້ສະເໜີຂໍນໍາໃຊ້ຫ້ອງປະຊຸມທາງໄກຂອງຫ້ອງວ່າການແຂວງ; ການຝຶກອົບຮົມໃນຄັ້ງນີ້ ມີບັນດາແຂວງເຂົ້າຮ່ວມຝຶກປະກອບມີ ແຂວງບໍ່ແກ້ວ, ແຂວງຄໍາມ່ວນ, ແຂວງໄຊຍະບູລີ, ແຂວງອຸດົມໄຊ ແລະ ແຂວງສະຫວັນນະເຂດ. ການຝຶກອົບຮົມຄັ້ງນີ້ ໄດ້ເຮັດໃຫ້ພະນັກງານ ແລະ ຜູ້ຮັບຜິດຊອບວຽກງານເວັບໄຊສ ໄດ້ມີຄວາມຮັບຮູ້ ເຂົ້າໃຈໃນການເຂົ້າເຖິງ, ການໂພດຂ່າວ ແລະ ການສ້າງຢູດເຊີຂອງຕົນເອງ ແລະ ວິທີການຕ່າງ ໃນການບໍລິຫານຈັດການໜ້າເວັບໄຊສ ແລະ ກະດານຂ່າວ.
