ວັນທີ 9-10 ກຸມພາ 2026, ບັນດາຜູ້ສະໝັກຮັບເລືອກຕັ້ງ ເປັນສະມາຊິກສະພາປະຊາຊົນແຂວງ ບໍ່ແກ້ວ ຊຸດທີ V ປະຈຳເຂດເລືອກຕັ້ງເມືອງ ປາກທາ ໄດ້ລົງພົບປະໂຄສະນາຫາສຽງ ແລະ ສະເໜີຕົວຕໍ່ຜູ້ມີສິດປ່ອນບັດເລືອກຕັ້ງ ຢູ່ 4 ບ້ານຄື: ບ້ານກິ່ວລົມ, ບ້ານຫ້ວຍໂມງ, ບ້ານຜາຄອຍ ແລະ ບ້ານຫ້ວຍພະ ນໍາໂດຍ ທ່ານ ສາລີ ວັນນະສານ ກຳມະການພັກແຂວງ,ເລຂາພັກເມືອງ, ມີບັນດາທ່ານຜູ້ສະໝັກຮັບເລືອກຕັ້ງສະມາຊິກສະພາປະຊາຊົນແຂວງ ປະຈໍາເຂດເລືອກຕັ້ງເມືອງ ປາກທາ, ຄະນະພັກຮາກຖານ, ອົງການປົກຄອງບ້ານ, ຄະນະຮັບຜິດຊອບ ແລະ ປະຊາຊົນບັນດາເຜົ່າ ຜູ້ມີສິດປ່ອນບັດເລືອກຕັ້ງບ້ານພາຍໃນບ້ານກິ່ວລົມ, ບ້ານຫ້ວຍໂມງ, ບ້ານຜາຄອຍ ແລະ ບ້ານຫ້ວຍພະ ເຂົ້າຮ່ວມ.
ທ່ານ ສາລີ ວັນນະສານ ຜູ້ຮັບສະໝັກເລືອກຕັ້ງເປັນສະມາຊິກສະພາປະຊາຊົນແຂວງບໍ່ແກ້ວ ຊຸດທີ V ເຂດເລືອກຕັ້ງເມືອງ ປາກທາ ໄດ້ນໍາສະເໜີ ປະຫວັດການເຄື່ອນໄຫວໃນແຕ່ລະໄລຍະຂອງຕົນ ພ້ອມທັງແນະນໍາໃຫ້ຜູ້ມີສິດປ່ອນບັດເລືອກຕັ້ງ ຮັບຮູ້ເຂົ້າໃຈຢ່າງຖືກຕ້ອງ ຕໍ່ຜົນງານ ແລະ ວິໄສທັດຂອງຜູ້ສະໝັກຮັບເລືອກຕັ້ງແຕ່ລະທ່ານ ເພື່ອເປັນບ່ອນອີງໃນການຄົ້ນຄວ້າ ແລະ ຕັດສິນໃຈ ເລືອກເອົາຜູ້ທີ່ຕົນເຫັນວ່າ ມີມາດຕະຖານຄົບຖ້ວນ ເປັນຕົວແທນຂອງຕົນປະຕິບັດສິດ, ອຳນາດຂອງປະຊາຊົນ ບັນດາເຜົ່າ, ສ້າງໂອກາດໃຫ້ຜູ້ມີສິດເລືອກຕັ້ງ ແລະ ຜູ້ຮັບສະໝັກຮັບເລືອກຕັ້ງ ໄດ້ພົບປະແລກປ່ຽນຄໍາເຫັນເຊິ່ງກັນ ແລະກັນ, ເພື່ອໃຫ້ຜູ້ມີສິດປ່ອນບັດເລືອກຕັ້ງໄປໃຊ້ສິດຂອງຕົນເພື່ອເລື່ອກເອົາ ຜູ້ລົງສະໜັກ ສສຊ-ສສຂ ຜູ້ທີ່ມີຄວາມຮູ້,ຄວາມສາມາດ ທີ່ຈະນໍາເອົາແນວທາງຂອງພັກແຜນນະໂຍບາຍຂອງລັດ ນໍາເອົາຄວາມມຸ້ງມາດປາດຖະໜາຂອງປະຊາຊົນ, ຄວາມຂັດຂ້ອງໝອງໃຈ ເພື່ອເປັນຕົວແທນໃຫ້ແກ່ປະຊາຊົນລາວບັນດາເຜົ່າພາຍໃນແຂວງ ເວົ້າລວມເວົ້າສະເພາະກໍ່ຄື:ເມືອງປາກທາ.
ເຊິ່ງຜູ້ສະໝັກຮັບເລືອກຕັ້ງສະມາຊິກສະພາປະຊາຊົນແຂວງ ບໍ່ແກ້ວ ປະຈໍາເຂດເລືອກຕັ້ງເມືອງ ປາກທາ ມີທັງໝົດ 7 ທ່ານ, ຍິງ 1 ທ່ານ ຄື: ນໍ້າເບີ 1 ທ່ານ ສາລີ ວັນນະສານ, ນໍ້າເບີ 2 ທ່ານ ຄຳຈັນ ອິນທະຈັກ, ນໍ້າເບີ 3 ທ່ານ ນ. ອິນທອງ ເລືອງສີຈັນທອງ, ນໍ້າເບີ 4 ທ່ານ ບຸນປະສິດ ຈັນທອງໃສ, ນໍ້າເບີ 5 ທ່ານ ໄຊວາງ ຈູຈົ່ງ, ນໍາເບີ 6 ທ່ານ ຈັນສະຫວ່າງ ເຍົາວະພາ, ນໍ້າເບີ 7 ທ່ານ ພັທ ສົມຈິດ ແກ່ນມະນີວົງ ໃນນີ້ເລືອກເອົາ 5 ທ່ານ. ສ່ວນຜູ້ສະໜັກຮັບເລືອກຕັ້ງເປັນ ສສຊ ປະຈໍາເຂດເລືອກຕັ້ງທີ 5 ແຂວງ ບໍ່ແກ້ວ ມີທັງໝົດ 10 ທ່ານ, ຍິງ 3 ທ່ານ ຄື: ນໍ້າເບີ 1ທ່ານ ພົນຈັດຕະວາ ແປ້ນຄໍາ ບຸດຈັນແພງ, ນໍ້າເບີ 2 ທ່ານນາງ ທຸມມາລີ ວົງພະຈັນ, ນໍ້າເບີ 3 ທ່ານ ດາລີວັນ ພູສະຫວັນ, ນໍ້າເບີ 4 ທ່ານ ພົນຈັດຕະວາ ຄໍາແຝງ ວັນດີໄຊ, ນໍາເບີ 5 ທ່ານນາງ ບົວຄົມ ຂານສຸວົງ, ນໍ້າເບີ 6 ທ່ານນາງ ສີອຳໄພ ໂສລະຖີ, ນໍ້າເບີ 7 ທ່ານ ສຸລິເດດ ບັນດາກອນ, ນໍ້າເບີ 8 ທ່ານ ແກ້ວລາ ນໍລະສິງ, ນໍາເບີ 9 ທ່ານ ພັນເອກ ຄໍາແດງ ວັນນະສິດ, ນໍ້າເບີ 10 ທ່ານ ສົມສະຫວັນ ອິນດາວົງ ໃນນີ້ເລືອກເອົາ 7 ທ່ານ .
ພາບ-ຂ່າວ: ວັນະເດດ
