ປະທານ
ຜູ້ເຂົ້າຮ່ວມ
ວັນທີ 14 ສິງຫາ 2024 ຄະນະໂຄສະນາອົບຮົມແຂວງ ປາຖະກະຖາເລົ່າມູນເຊື້ອ ວັນຍຶດອຳນາດ ຄົບຮອບ 79 ປີ, ວັນສ້າງຕັ້ງ ອາຊຽນ ຄົບຮອບ 57 ປີ, ເຜີຍແຜ່ເອກະສານ ມະຕິ 04/ກມສພ ວ່າດ້ວຍການສ້າງເສດຖະກິດ ເອກະລາດເປັນເຈົ້າຕົນເອງ ແລະ ມະຕິ 8 ຂອງຄະນະບໍລິຫານງານສູນກາງພັກ ສະໄໝmu XI, ວັນລັດຖະທຳມະນູນ ຄົບຮອບ 33 ປີ ແລະ ວັນສ້າງຕັ້ງແນວລາວສ້າງຊາດ ຄົບຮອບ 74 ປີ. ທີ່ຫ້ອງປະຊຸມຄະນະໂຄສະນາອົບຮົມແຂວງໃຫ້ກຽດເຂົ້າຮ່ວມເປັນປະທານ ໂດຍທ່ານ ສົມພອນ ອິນຕະວົງ ກຳມະການພັກແຂວງ ຫົວໜ້າຄະນະໂຄສະນາອົບຮົມແຂວງມີບັນດາ ຫົວໜ້າ-ຮອງຫົວໜ້າ ຄະນະໂຄສະນາອົບຮົມແຂວງ, ຫົວໜ້າຂະແໜງ-ຮອງຫົວໜ້າຂະແໜງ, ສາມະຊິກພັກ ແລະ ພະນັກງານ-ລັດຖະກອນ ທັງໝົດເຂົ້າຮ່ວມ 17 ສະຫາຍ, ຍິງ 5 ສະຫາຍ. ການຫວນຄືນເລົ່າມູນເຊື້ອວັນປະຫວັດສາດສຳຄັນດັ່ງກ່າວໃນຄັ້ງນີ້ເພື່ອເຮັດໃຫ້ພະນັກງານ-ລັດຖະກອນ ພາຍໃນຄະນະໂຄສະນາອົບຮົມແຂວງໄດ້ຮັບຮູ້ ແລະ ເຂົ້າໃຈເລິກເຊິງຕື່ມກ່ຽວກັບ ມະຕິ4 ແລະ ມະຕິ 8 ຂອງຄະນະບໍລິຫານງານສູນກາງພັກ ສະໄໝmu XI,ຄວາມໝາຍສຳຄັນຂອງລັດຖະທຳມະນູນແຫ່ງ ສປປ ລາວ, ວິລະກຳ ແລະ ມູນເຊື້ອ ການຕໍ່ສູ້ພິລະອາດຫານ, ຄວາມເສຍສະຫຼະ ແລະ ສະຫຼຽວສະຫຼາດຂອງບັນດາຜູ້ນໍາພັກ-ລັດ, ຂອງກອງທັບ ແລະ ປະຊາຊົນບັນດາເຜົ່າ ແລະ ການກຳເນີດເຕີບໃຫຍ່ຂອງອົງການແນວລາວສ້າງຊາດໂດຍສະເພາະແມ່ນວິລະກຳອັນສະຫຼຽວສະຫຼາດມີໄຫວພິບ ແລະ ຄວາມອົງອາດກາຫານຂອງບັນດາທ່ານຜູ້ນໍາທີ່ສາມາດຍາດເອົາໄຊຊະນະເອກະລາດປະຊາທິປະໄຕ ແລະ ຮັກສາໄດ້ຜື້ນແຜ່ນດິນອັນອຸດົມສົມບູນໄວ້ໃຫ້ລູກຫຼານເທົ່າທຸກມື້ນີ້.