ວັນທີ 18 ມີນາ 2026ນີ້, ທ່ານ ປອ ສົມຄິດ ວົງປັນຍາ ຄະນະປະຈໍາພັກແຂວງ ປະທານຄະນະກວດກາພັກ-ລັດ ແຂວງບໍ່ແກ້ວ ຫົວໜ້າອົງການຕ້ານສໍ້ລາດບັງຫຼວງ ແຂວງ ພ້ອມດ້ວຍຄະນະ ໄດ້ລົງເຄື່ອນໄຫວ ຕິດຕາມ ຊຸກຍູ້ ວຽກງານກວດກາພັກ-ລັດ ຮອບດ້ານ ຢູ່ເມືອງຫ້ວຍຊາຍ, ເຂົ້າຮ່ວມມີທ່ານ ຈອມແພງ ວິໄລສານ ຄະນະປະຈໍາພັກແຂວງ ເລຂາຄະນະບໍລິຫານງານພັກເມືອງ, ມີບັນດາທ່ານ ຄະນະປະຈຳພັກ-ກຳມະການພັກເມືອງ, ຫົວໜ້າ-ຮອງຫົວໜ້າຫ້ອງການ ສອງກອງບັນຊາການ ປກຊ-ປກສ, ພະນັກງານຫ້ອງການກວດາພັກ-ລັດເມືອງ ເຂົ້າຮ່ວມ.
ທ່ານ ຄໍາຈັນ ຄໍາສຸພາສິດ ຮອງເລຂາພັກເມືອງ ປະທານກວດກາພັກ-ລັກເມືອງ ໄດ້ຜ່ານບົດລາຍງານຫຍໍ້ ຕີລາຄາການເຄື່ອນໄຫວ, ການນຳພາຊີ້ນຳວຽກງານຮອບດ້ານ ຂອງຄະນະບໍລິຫານງານພັກເມືອງ, ສະພາບການຈັດຕັ້ງປະຕິບັດວຽກງານກວດກາພັກ, ກວດກາລັດ, ຕ້ານການສໍ້ລາດບັງຫຼວງ, ວຽກງານຄົ້ນຄວ້າແກ້ໄຂຄຳຮ້ອງ-ຄຳສະເໜີ, ວຽກງານປັບປຸງກົງຈັກການຈັດຕ້ງ ຢູ່ເມືອງຫ້ວຍຊາຍ, ຜ່ານມາການນຳຂອງເມືອງ ກໍ່ໄດ້ເອົາໃຈໃສ່ໃນການນຳພາ-ຊີ້ນຳການຈັດຕັ້ງປະຕິບັດວຽກງານກວດກາ ດ້ວຍຄວາມຮັບຜິດຊອບສູງ ເພື່ອເຮັດໃຫ້ການຈັດຕັ້ງປະຕິບັດວຽກງານດຳເນີນໄປຢ່າງມີປະສິດຕິພາບ ແລະ ມີຜົນສຳເລັດ, ໄດ້ສ້າງມະຫາຊົນຜູ້ທີ່ດີເດັ່ນໃນຂອບເຂດທົ່ວເມືອງເຂົ້າຮຽນສະໜັບສະໜູນໄດ້ 152 ສະຫາຍ, ຍິງ 44 ສະຫາຍ; ຮຽນກົດລະບຽບພັກໄດ້ 81 ສະຫາຍ, ຍິງ 29 ສະຫາຍ; ຂະຫຍາຍມະຫາຊົນກ້າວໜ້າ ເຂົ້າສະມາຊິກພັກສໍາຮອງໄດ້ 76 ສະຫາຍ, ຍິງ 23 ສະຫາຍ; ເລື່ອນສໍາຮອງຂຶ້ນສົມບູນໄດ້ 95 ສະຫາຍ, ຍິງ 35 ສະຫາຍ, ສ້າງຕັ້ງຄະນະພັກຮາກຖານກຸ່ມບ້ານໄດ້ 2 ກຸ່ມບ້ານ; ປັດຈຸບັນທົ່ວເມືອງປະກອບມີ 19 ຮາກຖານພັກ, ມີ 163 ໜ່ວຍພັກ, ມີສະມາຊິກພັກທັງໝົດ 2,669 ສະຫາຍ, ຍິງ 811 ສະຫາຍ, ໄດ້ນໍາພາດໍາເນີນຊີວິດການເມືອງຕີລາຄາຈັດແບ່ງປະເພດການຈັດຕັ້ງຮາກຖານພັກ, ໜ່ວຍພັກ, ສະມາຊິກພັກສຳເລັດ 163 ໜ່ວຍພັກ. ໃນນີ້ມີໜ່ວຍພັກປອດໃສ, ເຂັ້ມແຂງ, ໜັກແໜ້ນ 137 ໜ່ວຍ (ມອບ-ຮັບໃບຍັ້ງຢືນສໍາເລັດ 100%). ໃນນັ້ນມີສະມາຊິກພັກແຂງ 2,334 ສະຫາຍ, ຍິງ 736 ສະຫາຍ ແລະມອບ-ຮັບບັດສະມາຊິກພັກ ຈໍານວນ 238 ສະຫາຍ, ຍິງ 91 ສະຫາຍ. ໄດ້ເອົາໃຈໃສ່ ແກ້ໄຂບັນຫາຄວາມຫຍຸ້ງຍາກທາງດ້ານເສດຖະກິດ-ການເງິນ ຕິດພັນກັບແຜນພັດທະນາເສດຖະກິດ-ສັງຄົມ 5 ປີ ຄັ້ງທີ VII ຂອງເມືອງຢ່າງຕັ້ງໜ້າ ເຊິ່ງເຮັດໃຫ້ເສດຖະກິດມະຫາພາກຂອງເມືອງຂະຫຍາຍຕົວໃນລະດັບ 5,2% ລວມຍອດຜະລິດຕະພັນພາຍໃນ 3,068 ຕື້ກີບ ສະເລ່ຍລາຍຮັບ 34,890,000 ກີບ/ປີ ເທົ່າກັບ 1,607 ໂດລາ/ຄົນ/ປີ ທຽບໃສ່ແຜນ ຫຼຸດລົງ 3 ໂດລາ ເທົ່າກັບ 0.18%. ສາມາດຜະລິດເຂົ້າກິນໄດ້ 22,220,638 ໂຕນ, ໃນນີ້ ເຂົ້ານາປີ 20,627,334 ໂຕນ, ໃນເນື້ອທີ່ 5,167,98 ເຮັກຕາ, ສະເລ່ຍເຂົ້າກິນ 234 ກິໂລ/ຄົນ/ປີ, ທຽບໃສ່ປີຜ່ານມາປະຕິບັດໄດ້ 91.88%. ຈາກນັ້ນ ຜູ້ເຂົ້າຮ່ວມກອງປະຊຸມກໍ່ໄດ້ມີຄຳເຫັນແລກປ່ຽນບົດຮຽນເຊິ່ງກັນ ແລະກັນ ໃນການຈັດຕັ້ວປະຕິບັດວຽກງານກວດກາ ໃນໄລຍະຜ່ານມາ ໂດຍຍົກໃຫ້ເຫັນດ້ານດີຜົນງານ, ດ້ານອ່ອນ ຂໍ້ຄົງຄ້າງ, ສາເຫດບາງບົດຮຽນທີ່ຖອດຖອນໄດ້, ວິທີແກ້ໄຂໃນຕໍ່ໜ້າ ໃນການຈັດຕັ້ງປະຕິບັດວຽກງານກວດກາໃຫ້ດີຂື້ນກວ່າເກົ່າ.
ໂອກາດນີ້, ທ່ານ ປອ ສົມຄິດ ວົງປັນຍາ ຄະນະປະຈໍາພັກແຂວງ, ປະທານຄະນະກວດກາພັກ-ລັດ ແຂວງບໍ່ແກ້ວ ໄດ້ມີຄຳເຫັນເໜັ້ນໜັກໃຫ້ຜູ້ເຂົ້າຮ່ວມກອງປະຊຸມ ສືບຕໍ່ຈັດຕັ້ງເຊື່ອມຊຶມແນວທາງ, ແຜນນະໂຍບາຍຂອງພັກ-ກົດ ໝາຍຂອງລັດ ກ່ຽວກັບວຽກງານກວດກາ, ຕິດພັນກັບການນໍາພາຂອງຄະນະພັກ ແລະ ອົງການປົກຄອງແຕ່ລະຂັ້ນໃຫ້ສູງຂຶ້ນ, ເພີ່ມທະວີການຕິດຕາມ ກວດກາປົກກະຕິເປັນຕົ້ນຕໍ່, ພ້ອມກັນນັ້ນ ກໍ່ຕ້ອງແກ້ໄຂບັນດາເປົ້າຫມາຍຕ່າງໆ ທີ່ມີການລະເມີດໃຫ້ເລິກເຊິ່ງ, ກວດກາແລ້ວຕ້ອງແກ້ໄຂຜົນການກວດກາໃຫ້ເຂັ້ມງວດ ແລະ ທັນການ, ສຸມໃສ່ດໍາເນີນການຕິດຕາມ, ກວດກາ ບັນດາຫາງສຽງຕ່າງໆ ທີ່ພາຍຫຼັງທີ່ສໍາເລັດການດໍາເນີນຊີວິດການເມືອງປະຈຳປີ ຂອງແຕ່ລະໜ່ວຍພັກ ເພື່ອກໍ່ສ້າງປັບປຸງປົວແປງຖັນແຖວພັກ ໃຫ້ໄດ້ທັງປະລິມານ ແລະ ຄຸນນະພາບ, ເອົາໃຈໃສ່ປັບປຸງການຈັດຕັ້ງ-ຍົກສູງບົດບາດຄະນະກວດກາ ແລະ ຜູ້ເຮັດວຽກກວດກາແຕ່ລະຂັ້ນ ໃຫ້ປະຕິບັດຕາມພາລະບົດບາດຂອງຕົນ, ສຶກສາອົບຮົມໃຫ້ພະນັກງານ, ສະມາຊິກພັກ ກໍ່ຄືປະຊາຊົນຊັ້ນຄົນຕ່າງໆ ໂດຍສະເພາະແມ່ນວຽກງານສະກັດກັ້ນ ແລະ ຕ້ານການສໍ້ລາດບັງ ຫຼວງໃຫ້ກວ້າງຂວາງ ເອົາໃຈໃສ່ຕໍ່ວຽກງານການກໍ່ສ້າງ ແລະ ບຳລຸງພະນັກງານກວດກາ ຕິດພັນກັບການປັບປຸງບູລະນະກົງຈັກການຈັດຕັ້ງ, ປັບປຸງກົນໄກແບບແຜນການນໍາພາ-ຊີ້ນໍາ ພະນັກງານວິຊາສະເພາະດ້ານວິຊາການຕ່າງໆ ຕາມຄວາມຮຽກຮ້ອງຕ້ອງການຂອງຫນ້າທີ່ວຽກການເມືອງໃນໄລຍະໃໝ່.
ພາບ,ຂ່າວ: ບຸນຈັນ ບຸນປັນຍາ
ແອດມິນ: ທອງຈັນ ວົງປັນຍາ
