ວັນທີ 4-7 ພະຈິກ 2024ນີ້ ຄະນະໂຄສະນາອົບຮົມແຂວງບໍ່ແກ້ວ ໄດ້ເຂົ້າຮ່ວມຝຶກອົບຮົມວິທີການຂຽນບົດຂ່າວ, ບົດຄວາມລົງຜ່ານສື່ເອເລັກໂຕຣນິກ ທີ່ຄະນະໂຄສະນາອົບຮົມສູນກາງພັກ ຈັດຝຶກອົບຮົມໃຫ້ແກ່ຄະນະໂຄ ສະນາອົບຮົມແຂວງ ທົ່ວປະເທດ ແລະ ພາກສ່ວນອື່ນອີກຈໍານວນໜຶ່ງ. ໃຫ້ກຽດເປັນປະທານເປິດ-ປິດຊຸດຝຶກອົບຮົມຄັ້ງນີ້ໂດຍ ທ່ານ ນາງ ວິລະວອນ ພັນທະວົງ ຄະນະປະຈຳພັກ ຮອງຫົວໜ້າຄະນະໂຄສະນາອົບຮົມສູນກາງພັກ, ຜູ້ຊີ້ນໍາກົມຂໍ້ມູນຂ່າວສານ ແລະ ຝຶກອົບຮົມ, ມີບັນດາ ອາຈານຖືກເຊີນ, ຄະນະຮັບຜິດຊອບຂອງກົມຂໍ້ມູນຂ່າວສານ ແລະ ຝຶກອົບຮົມ, ພະນັກງານຈາກຄະນະໂຄສະນາອົບຮົມແຂວງທົ່ວປະເທດ ແລະ ກົມພິພິດຕະພັນ ປະທ່ານ ໄກສອນ ພົມວິຫານ ເຂົ້າຮ່ວມຝຶກອົບຮົມໃນຄັ້ງນີ້ມີຜູ້ເຂົ້າຝຶກທັງໝົດ 130 ກວ່າທ່ານ ບັ້ນຝຶກອົບຮົມດັ່ງກ່າວນີ້ ເລີມແຕ່ວັນທີ 4/11/2024 ເຖິງ ວັນທີ 7/11/2024 ໃຊ້ເວລາຝຶກອົບຮົມ 4 ເຕັມ, ເນື້ອໃນການຝຶກອົບຮົມມີ: 1. ທັກສະການຂຽນຂ່າວແບບມືອາຊີບ, 2. ບົດຮຽນ ກຳແໜ້ນວິທີອະທິບາຍ, ຕອບໂຕ້ຖອຍທຳນອງບິດເບືອນໃນສື່ອອນລາຍ, 3.ບາງບົດຮຽນທີຕ້ອງເອົາໃຈໃສ່ໃນການໂຄສະນາເຜີຍແຜ່ຂໍ້ມູນຂ່າວສານຜ່ານສື່ອອນລາຍແບບໃໝ່, 4. ວິທີການຂຽນຂ່າວ, 5. ສື່ສັງຄົມອອນລາຍ, 6. ການຂຽນບົດວຽກດີຄົນເດັ່ນ.