ໃນຕອນເຊົ້າຂອງວັນທີ 24 ກັນຍາ 2024 ຄະນະໂຄສະນາອົບຮົມແຂວງ ແລະ ໂຮງຮຽນ ການເມືອງ-ການປົກຄອງແຂວງ ໄດ້ຈັດພິທີ່ມອບ-ຮັບ ໃບຢັ້ງຢືນ ໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2023 ຂອງໜ່ວຍພັກ ຄະນະໂຄສະນາອົບຮົມແຂວງ ແລະ ໜ່ວຍພັກ ໂຮງຮຽນ ການເມືອງ-ການປົກຄອງແຂວງ ຂື້ນຢູ່ທີ່ ຫ້ອງປະຊຸມໃຫຍ່ຂອງ ຮປຂ. ໂດຍການເຂົ້າຮ່ວມ ພ້ອມທັງເປັນປະທານຂອງ ສະຫາຍ ເພັງສອນ ແກ້ວວິໄລ ຮອງເລຂາພັກແຂວງ ຜູ້ຊີ້ນຳວຽກງານພັກ-ພະນັກງານ, ມີ ສະຫາຍ ສົມພອນ ອິນຕະວົງ ກຳມະການພັກແຂວງ ຫົວໜ້າ ຄະນະໂຄສະນາອົບຮົມແຂວງ, ສະຫາຍ ສົມສັກ ປິນແກ້ວ ກຳມະການພັກແຂວງ ຫົວໜ້າ ໂຮງຮຽນການເມືອງ-ການປົກຄອງແຂວງ, ເປັນປະທານພິທີ່ ມີບັນດາແຂກຮັບເຊີນ, ສະມາຊິກພັກ ຂອງ ຄະນະໂຄສະນາອົບຮົມແຂວງ ແລະ ໂຮງຮຽນການເມືອງ-ການປົກຄອງແຂວງ ເຂົ້າຮ່ວມ 33 ສະຫາຍ, ຍິງ 11 ສະຫາຍ.
ໃນພິທີ່ດັ່ງກ່າວ ສະຫາຍ ເພັງສອນ ແກ້ວວິໄລ ຮອງເລຂາພັກແຂວງ ໄດ້ຍ້ອງຍໍຊົມເຊີຍ ຄະນະພັກທັງສອງໜ່ວຍພັກທີ່ໄດ້ນຳພາຊີ້ນຳສະມາຊິກພັກ ເຄື່ອນໄຫວຕາມສິດພາລະບົດບາດ ແລະ ໜ້າທີ່ການເມືອງມີຜົນສໍາເລັດອັນໃຫຍ່ຫຼວງ. ໂອກາດດັ່ງກ່າວສະຫາຍຍັງໄດ້ໃຫ້ຄຳເຫັນຊີ້ນຳເນັ້ນໜັກບາງບັນຫາກ່ຽວກັບການສ້າງໜ່ວຍພັກຕາມ 5 ຫຼັກການ 3 ທິດນຳ, ການກຳແໜ້ນແນວທາງນະໂຍບາຍຂອງພັກ, ການເຕົ້າໂຮມຄວາມສາມັກຄີພາຍໃນພັກ, ການນຳພາເປັນໝູ່ຄະນະແບ່ງຄວາມຮັບຜິດຊອບ ແລະ ການຕິດຕາມກວດກາຕິລາຄາການຊີ້ນໍາ-ນໍາພາການເຄື່ອນໄຫວຂອງຄະນະພັກ-ສະມາຊິກພັກໃນແຕ່ລະໄລຍະ.
ໃນພິທີ່ ສະຫາຍຕາງໜ້າຄະນະພັກ ທັງສອງພາກສ່ວນໄດ້ ຂື້ນມີຄຳເຫັນຮັບເອົາຄຳເຫັນຊີ້ນຳ ເພື່ອນໍາໄປຈັດຕັ້ງປະຕິບັດໃຫ້ເກີດດອກອອກຜົນໃນຕໍ່ໜ້າ ແລະ ໃຫ້ຄຳໝັ້ນສັນຍາວ່າ ຈະສ້າງໜ່ວຍພັກໃຫ້ມີຄວາມປອດໃສ-ເຂັ້ມແຂງ ແລະ ໜັກແໜ້ນ, ຮັກສາມມູນເຊື້ອດັ່ງກ່າວນີ້ ໃຫ້ໄດ້ຫຼາຍປີຕິດຕໍ່ກັນຕະຫຼອດໃປ.