http://ຄະນະໂຄສະນາອົບຮົມແຂວງ ເປີດກອງປະຊຸມດຳເນີນຊີວິດການເມືອງ ປະຈຳປີ 2024
ຄະນະປະທານ ກອງປະຊຸມ
ຮູບແຂກ ແລະ ສະມາຊິກພັກ ຄະນະໂຄສະນາອົບຮົມແຂວງ ບໍ່ແກ້ວ
ໃນຕອນເຊົ້າຂອງວັນທີ 21 ພະຈິກ 2024 ຄະນະໂຄສະນາອົບຮົມແຂວງ ໄດ້ເປີດກອງປະຊຸມດຳເນີນຊີວິດການເມືອງ ຕີລາຄາຄຸນນະພາບ, ແບ່ງປະເພດສະມາຊິກພັກ, ໜ່ວຍພັກ ແລະ ປະເມີນຜົນ ພະນັກງານ-ລັດຖະກອນ ປະຈຳປີ 2024 ໃຫ້ກຽດເຂົ້າຮ່ວມເປັນປະທານກອງປະຊຸມໂດຍ ສະຫາຍ ເພັງສອນ ແກ້ວວິໄລ ຮອງເລຂາພັກແຂວງ ຜູ້ຊີ້ນຳວຽກງານຂົງເຂດ ພັກພະນັກງານ, ສະຫາຍ ສົມພອນ ອິນຕະວົງ ກຳມະການພັກແຂວງ ເລຂາໜ່ວຍພັກ ຫົວໜ້າຄະນະໂຄສະນາອົບຮົມແຂວງ, ມີບັນດາແຂກຖືກເຊີນ ແລະ ສະມາຊິກພັກພະນັກງານຄະນະໂຄສະນາອົບຮົມແຂວງເຂົ້າຮ່ວມທັງໝົດ 21 ສະຫາຍ, ຍິງ 5 ສະຫາຍ.
ໃນກອງປະຊຸມ ສະຫາຍ ສີໂພໄຊ ວິຫາລາດ ກຳມະການໜ່ວຍພັກ, ຮອງຫົວໜ້າຄະນະໂຄສະນາອົບຮົມແຂວງ ໄດ້ຂື້ນຜ່ານບົດສະຫຼຸບລາຍງານການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2024 ສະຫາຍ ກ່າວວ່າ ໜ່ວຍພັກຄະນະໂຄສະນາອົບຮົມແຂວງ ເປັນໜ່ວຍພັກທີ່ຂຶ້ນກັບການຊີ້ນໍາ-ນໍາພາໂດຍກົງຂອງຄະນະປະຈຳພັກແຂວງ ເປັນເສນາທິການທາງດ້ານການເມືອງ-ແນວຄິດ, ນໍາເອົາແນວທາງນະໂຍບາຍຂອງພັກໄປຈັດຕັ້ງຜັນຂະຫຍາຍ, ແລະ ມີພາລະບົດບາດ, ສິດ ແລະ ໜ້າທີ່ໃນການດໍາເນີນເຄື່ອນໄຫວວຽກງານໂຄສະນາອົບຮົມເຜີຍແຜ່ແນວທາງການເມືອງຂອງພັກໃຫ້ທຸກຂົງເຂດວຽກງານໃນທຸກແຂວງ.
ໂອກາດທີ່ມີຄວາມໝາຍຄວາມສຳຄັນນີ້ ສະຫາຍ ເພັງສອນ ແກ້ວວິໄລ ໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານຍາດມາໄດ້ ພ້ອມທັງເນັ້ນໜັກໃຫ້ຄະນະພັກ ແລະ ສາມາຊິກພັກ ຈົ່ງສືບຕໍ່ຮັກສາມູນເຊື້ອ, ການກໍ່ສ້າງໜ່ວຍພັກໃຫ້ປອດໃສ, ເຂັ້ມແຂງ, ໜັກແໜນ ແລະ ສືບຕໍ່ນໍາເອົາແນວທາງຂອງພັກເຜີຍແຜ່ເຊື່ອມຊຶມໃຫ້ ສະມາຊິກພັກ-ພະນັກງານ ໃຫ້ເປັນປົກະຕິ, ເອົາໃຈໃສ່ສຶກສາອົບຮົມການ ເມືອງແນວຄິດ, ສ້າງຄວາມສາມັກຄີໃຫ້ເປັນປຶກແຜ່ນ ຈໍາແນກໄດ້ມິດສັດຕູຢ່າງຈະແຈ້ງ ເພື່ອເປັນການປະກອບສ່ວນ ຊ່ວຍໃນການສຶກສາອົບຮົມການເມືອງ-ແນວຄິດໃນທົ່ວສັງຄົມ ແຂວງ ບໍ່ແກ້ວໃຫ້ມີຄວາມເປັນເອກະພາບ ແລະ ເປັນໜື່ງອັນດຽວກັນຕາມແນວທາງຂອງພັກວາງອອກ.
