ຄະນະໂຄສະນາອົບຮົມແຂວງ ບໍ່ແກ້ວ ໄດ້ເປີດຮຽນສະໜັບສະໜູນພັກ ໃຫ້ມະຫາຊົນກ້າວໜ້າທີ່ເປັນເປົ້າໝາຍຂະຫຍາຍເຂົ້າພັກປະຊາຊົນປະຕິວັດລາວ ຊຸດທີ IV ພິທີດັ່ງກ່າວ, ວັນທີ 11-12 ກັນຍາ 2024 ພາຍໃຕ້ການເປັນປະທານຂອງ ສະຫາຍ ອຸນແສງ ທຸນອິນໃຈ ຮອງເລຂາໜ່ວຍພັກ, ຮອງຫົວໜ້າຄະນະໂຄສະນາອົບຮົມແຂວງ, ມີບັນດາພະນັກງານຫຼັກແຫຼ່ງຂອງ ຄະນະໂຄສະນາອົບຮົມແຂວງ ແລະ ມະຫາຊົນກ້າວໜ້າທີ່ເປັນເປົ້າໝາຍຂະຫຍາຍເຂົ້າພັກເຂົ້າຮ່ວມ ທັງໝົດ 14 ສະຫາຍ, ຍິງ 5 ສະຫາຍ, ໃນນີ້ມີ ມະຫາຊົນກ້າວໜ້າ 9 ສະຫາຍ, ຍິງ 4 ສະຫາຍ,
ຊຸດເປີດຮຽນສະໜັບສະໜູນຄັ້ງນີ້ ແມ່ນເພື່ອເປັນການສ້າງຄວາມຮູ້ພື້ນຖານໃຫ້ແກ່ ມະຫາຊົນກ້າວໜ້າ ໄດ້ຮັບຮູ້, ເຂົ້າໃຈກ່ຽວກັບປະຫວັດສາດ, ຄວາມເປັນມາ, ອຸດົມການ ແລະ ທາກແທ້ຂອງພັກປະຊາຊົນປະຕິວັດລາວ; ເຂົ້າໃຈກ່ຽວກັບມາດຖານ, ເງື່ອນໄຂຂອງ ມະຫາຊົນກ້າວໜ້າທີ່ຈະເຂົ້າເປັນສະມາຊິກພັກ.
ບົດຮຽນທີ່ນຳມາສອນປະກອບມີ 13 ຄຳຖາມ-ຄຳຕອບ ຄື: ພັກການເມືອງແມ່ນຫຍັ້ງ ແລະ ເປັນຫຍັງຈື່ງຕ້ອງມີພັກການເມືອງ, ພັກປະຊາຊົນປະຕິວັດລາວໄດ້ຮັບການສ້າງຕັ້ງຂື້ນຄືແນວໃດ, ພັກປະຊາຊົນປະຕິວັດລາວ ແມ່ນພັກແນວໃດ, ພັກປະຊາຊົນປະຕິວັດລາວ ຈັດຕັ້ງຕາມຫຼັກການອັນໃດແດ່, ພັກປະຊາຊົນປະຕິວັດລາວ ມີລະບົບສາຍໃຍການຈັດຕັ້ງຄືແນວໃດ, ພັກປະຊາຊົນປະຕິວັດລາວ ປະກອບດ້ວຍບຸກຄົນແນວໃດ, ພັກປະຊາຊົນປະຕິວັດລາວ ມີວັດຖຸປະສົົງ ແລະ ອຸດົມການຄືແນວໃດ, ພັກປະຊາຊົນປະຕິວັດລາວ ມີທາດແທ້ຄືແນວໃດ, ມາດຖານຂອງສະມາຊິກພັກ ແລະ ເງື່ອນໄຂມະຫາຊົນຈະຂະຫຍາຍເຂົ້າເປັນສະມາຊິກພັກປະຊາຊົນປະຕິວັດລາວຄືແນວໃດ, ສະມາຊິກພັກມີໜ້າທີ, ພັນທະ ແລະ ມີຜົນປະໂຫຍດຫຍັງແດ່, ຂໍ້ຫ້າມສຳລັບສະມາຊິກພັກປະຊາຊົນປະຕິວັດລາວ, ເຂົ້າເປັນສະມາຊິກພັກປະຊາຊົນປະຕິວັດລາວເພື່ອຫຍັງ ແລະ ຖ້າໄດ້ເປັນສະມາຊິກພັກປະຊາຊົນປະຕິວັດລາວແລ້ວ ຈະປົກປ້ອງບົດບາດ, ກຽດສັກສີຂອງພັກຄືແນວໃດ.
ຜ່ານການຮຽນ-ການສອນ ຂອງຄະນະຮັບຜິດຊອບຊຸດອົບຮົມໃນຄັ້ງນີ້ ສາມາດຕີລາຄາຄວາມຮັບຮູ້ ແລະ ເຂົ້າໃຈຂອງມະຫາຊົນກ້າວໜ້າໄດ້ມີ ຄວາມຮັບຮູ້ເຂົ້າໃຈຕໍ່ບົດຮຽນ ແຕ່ລະສະຫາຍ 95% ຂື້ນໃປ.
ພ້ອມນັ້ນໃນພິທີປິດຮຽນສະໜັບສະໜູນຄັ້ງນີ້ໂດຍ ທ່ານ ສົມພອນ ອິນຕະວົງ ກຳມະການພັກແຂວງ ຫົວໜ້າຄະນະໂຄສະນາອົບຮົມແຂວງ. ປະທານປິດການຮຽນ-ການສອນຍັງໄດ້ໃຫ້ຄຳເຫັນຊີ້ນຳຕໍ່ ມະຫາຊົນກ້າວໜ້າ ໃນນັ້ນໃຫ້ເພີ່ມທະວີຄວນເອົາໃຈໃສ່ໃນການປະຕິບັດໜ້າທີ່ການເມືອງຕາມການມອບໝາຍ ແລະ ຕັ້ງໜ້າຝຶກຝົນຫຼໍ່ຫຼອມຕົນເອງ. ໃນດ້ານຕ່າງໆ ເພື່ອສ້າງເງື່ອນໄຂເຂົ້າຮຽນ ກົດລະບຽບຂອງພັກໃນຂັ້ນຖັດໃປ.
