ວັນທີ 7 ເມສາ 2026, ພາກສວນທີ່ກ່ຽວຂ້ອງ ເມືອງເມິງ ແຂວງບໍ່ແກ້ວ ໄດ້ລົງເຄື່ອນໄຫວຕິດຕາມ, , ກວດ ຄວາມຄືບໜ້າຂອງໂຄງການກໍ່ສ້າງ ຮົ້ວຖາວອນອ້ອມໂຮງຮຽນ ແລະ ລະບົບສະໜອງນໍ້າໃຊ້ໃຫ້ແກ່ໂຮງຮຽນ ມສ ນໍ້າເມິງ ແລະ ໂຮງຮຽນ ມສ ນໍ້າຍູ້ ເຊິ່ງນໍາໂດຍ ທ່ານ ສິວິໄລ ສີຫາລາດ ຄະນະປະຈໍາພັກເມືອງ, ຮອງປະທານຄະນະກໍາມະການປົກຄອງເມືອງ, ຜູ້ຊີ້ນໍາຂົງເຂດວຽກງານເສດຖະກິດ, ມີພາກສວນທີ່ກ່ຽວຂ້ອງ ຂອງເມືອງ, ຕ່າງໜ້າບໍລີສັດຜູ້ຮັບເໝົາ, ພະນັກງານວິຊາການຜູ້ປະສານງານຂອງໂຄງການ ແລະ ພາກສວນທີ່ກ່ຽວຂ້ອງ ຂອງເມືອງເຂົ້າຮ່ວມ.
ຕາມການລາຍຂອງພະນັກງານວິຊາການຜູ້ປະສານງານຂອງໂຄງການໃຫ້ຮູ້ວ່າ: ໂຄງການດັ່ງກ່າວແມ່ນໄດ້ເລີ່ມການກໍ່ສ້າງມາແຕ່ຕົ້ນເດືອນສິງຫາ ປີ 2025 ມາຮອດປັດຈຸບັນແມ່ນໄດ້ສໍາເລັດ 100% ປະກອບມີ 2 ໂຮງຮຽນຄື: ໂຮງຮຽນ ມສ ນໍ້າເມິງ ຕັ້ງຢຸ່ບ້ານລາດຄູນເມືອງ ແລະ ໂຮງຮຽນ ມສ ນໍ້າຍູ້ ຕັ້ງຢູ່ບ້ານຫ້ວຍດອກທອງ ທັງສອງໂຮງຮຽນແມ່ນໄດ້ຮັບທຶນການກໍ່ສ້າງຈາກໂຄງການແຜນງານພັດທະນາທ້ອງຖີ່ນລາວ/338 ເປັນຕົ້ນການສ້າງຮົ້ວຖາວອນອ້ອມໂຮງຮຽນ ມສ ນໍ້າເມິງ ມີຄາວມຍາວທັງໝົດ 600 ກ່ວາແມັດ ແລະ ພ້ອມທັງກໍ່ສ້າງລະບົບສະໜອງນໍ້າໃຊ້ໃຫ້ແກ່ໂຮງຮຽນ ມສ ນໍ້າເມິງ ແລະ ໂຮງຮຽນ ມສ ນໍ້າຍູ້ ປະກອບມີອາຄານເກັບຖັງນໍ້າ 1 ຫຼັງ ພ້ອມດ້ວຍອຸປະກອນຄົບຊຸດ ລວມມູນຄ່າການກໍ່ສ້າງທັງໝົດ 839 ລ້ານກ່ວາກີບ ຮັບເໝົາການກໍ່ສ້າງໂດຍບໍລິສັດ ໄຊຄູນຊັບ ກໍ່ສ້າງ ແລະ ສ້ອມແປງເຄຫາສະຖານ ຈໍາກັດຜູ້ດ່ຽວ.
ໃນໂອກາດດ່ຽວກັນນີ້ ທ່ານ ສີວິໄລ ສີຫາລາດ ຄະນະປະຈໍາພັກເມືອງ, ຮອງປະທານຄະນະກໍາມະການປົກຄອງເມືອງ ແລະ ພາກສວນທີ່ກ່ຽວຂ້ອງຂອງເມືອງ ພາຍຫຼັງທີ່ໄດ້ລົງສໍາຫຼວດຕົວຈິງ ຍັງເຫັນວ່າບາງຈຸດບາງອັນຍັງບໍ່ທັນລະອຽດຕາມແຜນ ກໍ່ຄືການອອກແບບເປັນຕົ້ນແມ່ນ: ອາຄານເກັບຖັງນໍ້າ ຍັງບໍ່ທັນລະອຽດເທົ່າທີຄວນ ແລະ ໄດ້ຮຽກມາຍັງຜູ້ຮັບເໝົາ ໃຫ້ເອົາໃຈໃສ່ສຶບຕໍ່ຈັດຕັ້ງປະຕິບັດປັບປຸງຄືນ, ຮັບປະກັນໄດ້ທັງປະລິມານ ແລະ ຄຸນນະພາບ ທັງນີ້ກໍ່ເພຶ່ອເຮັດໃຫ້ໜ້າວຽກໄດ້ຮັບຜົນສໍາເລັດຕາມຈຸດປະສົງລະດັບຄາດໝາຍທີ່ກໍານົດໃວ້.
ຂ່າວ: ອຸ່ນຄໍາ ຂັນວາລິດ
ແອດມິນ: ທອງຈັນ ວົງປັນຍາ
