ໜ່ວຍຊາວໜຸ່ມຄະນະໂຄສະນາອົບຮົມແຂວງ ຈັດພິທີປະເມີນຜົນການຈັດຕັ້ງປະຕິບັດຂໍ້ແຂ່ງຂັນ 4 ບຸກ ປະຈຳປີ 2022 ໃນວັນທີ 25 ຕຸລາ 2022

ລາຍລະອຽດ

ສ້າງຂື້ນເມື່ອ ວັນສຸກ, 18 ພະຈິກ 2022 03:01

ຂຽນໂດຍ ສອນຫຼ້າ ລີໄຊຢ່າງ

ໜ່ວຍຊາວໜຸ່ມຄະນະໂຄສະນາອົບຮົມແຂວງ

ຈັດພິທີປະເມີນຜົນການຈັດຕັ້ງປະຕິບັດຂໍ້ແຂ່ງຂັນ 4 ບຸກ ປະຈຳປີ 2022   ໃນວັນທີ 25 ຕຸລາ 2022

        ພິທີປະເມີນຜົນການຈັດຕັ້ງປະຕິບັດຂໍ້ແຂ່ງຂັນ 4 ບຸກ ປະຈຳປີ 2022 ໄດ້ຈັດຂື້ນໃນວັນທີ 25 ຕຸລາ 2022 ທີ່ຫ້ອງປະຊຸມຄະນະໂຄສະນາອົບຮົມແຂວງ ບໍ່ແກ້ວໃຫ້ກຽດເປັນປະທານ ຂອງທ່ານ ອຸ່ນແສງທຸນອິນໃຈ ຮອງຫົວໜ້າ ຄະນະໂຄສະນາອົບຮົມແຂວງ ຜູ້ຊີ້ນຳວຽກງານມາຫາຊົນ  ມີບັນດາແຂກຕາງໜ້າຈາກຄະນະບໍລິຫານງານຊາວໜຸ່ມແຂວງ ແລະ ສະມາຊິກຊາວໜຸ່ມພາຍໃນຄະນະໂຄສະນາອົບຮົມແຂວງ ເຂົ້າຮ່ວມທັງໝົດ 14 ສະຫາຍ, 3 ສະຫາຍ

        ໜ່ວຍຊາວໜຸ່ມຄະນະໂຄສະນາອົບຮົມແຂວງ ແມ່ນອົງການຈັດຕັ້ງໜຶ່ງທີ່ຢູ່ພາຍໃຕ້ການຊີ້ນຳໆພາໂດຍກົງຂອງຄະນະພັກຄະນະໂຄສະນາ-ອົບຮົມແຂວງ ແລະ ມີສາຍຕັ້ງຂຶ້ນກັບຄະນະບໍລິຫານງານ ຊາວໜຸ່ມ ປປ ລາວ ແຂວງ ບໍ່ແກ້ວ; ປັດຈຸບັນໜ່ວຍຊາວໜຸ່ມຂອງຄະນະໂຄສະນາອົບຮົມແຂວງ ມີຄະນະໜ່ວຍຈຳນວນ 3 ສະຫາຍ ເຊິ່ງໃນປັດຈຸບັນປະກອບມີສະມາຊິກທັງໜົດ 9 ສະຫາຍ, 5 ສະຫາຍ, ສະມາຊິກຊາວໜຸ່ມທີ່ໄດ້ສະເໜີອອກຈາກການເປັນສະມາຊິກຊາວໝຸ່ມ ປີ2022 ນີ້ມີຈຳນວນ 1 ສະຫາຍ, ຍິງ 1 ສະຫາຍ, ສະມາຊິກຊາວໜຸ່ມທີ່ມີໜ້າຕົວຈິງທັງໜົດ 8 ສະຫາຍ ຍິງ 4 ສະຫາຍ, ອາສາສະມັກ 2 ສະຫາຍ, ຍິງ 0 ສະຫາຍ, ສະມຊິກຊາວໜຸ່ມທີ່ໄປຍົກລະດັບຈຳນວນ 1 ສະຫາຍ, ຍິງ 1 ສະຫາຍ,ສະມາຊິກຊາວໜຸ່ມໄດ້ພ້ອມກັນເຂົ້າຮ່ວມທຸກຂະບວນການວຽກງານຂອງຄະນະໂຄສະນາອົບຮົມແຂວງ, ວຽກງານຊາວໜຸ່ມ, ຂະບວນການອອກແຮງງານ, ການລະດົມວັດຖຸປັດໃຈຕ່າງໆໃນການຊ່ວຍເຫຼືອຜູ້ຖືກຄໍ້ຮ້າຍ, ການເຜີຍແຜ່ເອກະສານ, ວຽກງານອົງການຈັດຕັ້ງມາຫາຊົນ  ແລະ ວຽກຈັດຕັ້ງປະຕິບັດຂໍ້ແຂ່ງຂັນ 4 ບຸກ ຂອງຊາວໜຸ່ມປະຊາຊົນປະຕິວັດລາວວາງອອກ.

ພິທີເປີດຮຽນສະໜັບສະໜູນພັກໃຫ້ມະຫາຊົນກ້າວໜ້າ ທີ່ຈະຂະຫຍາຍເຂົ້າພັກ ໃນວັນທີ 20-21ຕຸລາ 2022

ລາຍລະອຽດ

ສ້າງຂື້ນເມື່ອ ວັນພະຫັດ, 17 ພະຈິກ 2022 08:38

ຂຽນໂດຍ ສອນຫຼ້າ ລີໄຊຢ່າງ

ຂະແໜງອົບຮົມ ຄະນະໂຄສະນາອົບຮົມແຂວງ

ໄດ້ເປີດຮຽນສະໜັບສະໜູນພັກໃຫ້ມະຫາຊົນກ້າວໜ້າ ທີ່ຈະຂະຫຍາຍເຂົ້າພັກ

ໃນວັນທີ 22-21 ຕຸລາ 2022

          ວັນທີ 20-21 ຕຸລາ 2022 ທີຜ່ານມາ ຂະແໜງອົບຮົມຄະນະໂຄສະນາອົບຮົມແຂວງ ບໍ່ແກ້ວໄດ້ເປິດຮຽນສະໜັບສະໜູນພັກໃຫ້ມະຫາຊົນກ້າວໜ້າທີ່ຈະຂະຫຍາຍເຂົ້າພັກ ຢູ່ທີ່ຫ້ອງປະຊຸມໃຫຍ່ຄະນະໂຄ ສະນາອົບຮົມແຂວງໃຫ້ກຽດເປັນປະທານຂອງ ສະຫາຍ ຄອນສະຫວັນ ຊາພັກດີ ເລຂາໜ່ວຍພັກ ຫົວໜ້າຄະນະໂຄສະນາອົບຮົມແຂວງ,  ມີບັນດາແຂກຖືກເຊີນ ຕະຫຼອດຮອດມາຫາຊົນທີ່ກ້າວໜ້າທີ່ຈະຂະຫຍາຍເຂົ້າພັກເຂົ້າຮ່ວມທັງໝົດ 21 ສະຫາຍ,ຍິງ 7 ສະຫາຍ ໃນນັ້ນມີ ມາຫາຊົນກ້າວໜ້າ 19 ສະຫາຍ, ຍິງ 7 ສະຫາຍ. ພິທີໄດ້ຜ່ານມະຕິຕົກລົງຂອງຄະນະປະຈໍາພັກແຂວງ ວ່າດ້ວຍການອະນຸມັດເປິດຮຽນສະໜັບສະໜູນພັກໃຫ້ມະຫາຊົນກ້າວໜ້າ ທີ່ຈະຂະຫຍາຍເຂົ້າພັກ ປະຊາຊົນປະຕິວັດລາວ, ຜ່ານກົດລະບຽບ ແລະ ບັນຍາຍເນື້ອໃນເອກະສານ 13 ຄຳຖາມ-13 ຄຳຕອບ ແລະ ບາງພຶດຕິກຳທີ່ຕິດພັນກັບເນື້ອໃນຈຳນວນໜຶ່ງຂອງພັກໃຫ້ແກ່ມາຫາຊົນກ້າວໜ້າ ເພື່ອເຮັດໃຫ້ມາຫາຊົນໄດ້ຮັບຮູ້, ເຂົ້າໃຈກ່ຽວກັບປະຫວັດ, ຄວາມເປັນມາ, ອຸດົມການ ແລະ ທາດແທ້ຂອງພັກ ປະຊາຊົນ ປະຕິວັດລາວ, ເຂົ້າໃຈກ່ຽວກັບມາດຖານ, ເງື່ອນໄຂຂອງມາຫາຊົນຜູ້ທີ່ຈະເຂົ້າເປັນສະມາຊິກພັກ, ຜົນປະໂຫຍດທີ່ສະມາຊິກພັກໄດ້ຮັບ ແລະ ເມື່ອໄດ້ເຂົ້າເປັນສະມາຊິກພັກ ປະຊາຊົນ ປະຕິວັດລາວແລ້ວຈະປົກປ້ອງບົດບາດ ແລະ ກຽດສັກສີຂອງພັກຄືແນວໃດ, ພາຍຫຼັງໄດ້ຮັບຟັງການບັນຍາຍແລ້ວມາຫາຊົນກ້າວໜ້າແຕ່ລະສະຫາຍກໍ່ໄດ້ປະກອບຄຳຄິດເຫັນ, ແລກປ່ຽນບົດຮຽນນຳມາຫາຊົນດ້ວຍກັນ ແລະ ຄະນະຮັບຜິດຊອບ ພ້ອມທັງຂຽນບົດ ແລະ ຜ່ານບົດຂອງແຕ່ລະສະຫາຍ ເພື່ອເປັນການປະເມີນຜົນໄດ້ຮັບຂອງມາຫາຊົນກ້າວໜ້າ ທີ່ຈະຂະຫຍາຍເຂົ້າພັກ ປາຊາຊົນປະຕິວັດລາວ.

ກອງປະຊຸມພົບປະແລກປ່ຽນບົດຮຽນລະຫວ່າງຄະນະໂຄສະນາອົບຮົມແຂວງບໍ່ແກ້ວ ແລະ ຄະນະໂຄສະນາອົບຮົມແຂວງຫຼວງນ້ຳທາ

ລາຍລະອຽດ

ສ້າງຂື້ນເມື່ອ ວັນຈັນ, 05 ກັນຍາ 2022 08:06

ຂຽນໂດຍ ສອນຫຼ້າ ລີໄຊຢ່າງ

ກອງປະຊຸມພົບປະແລກປ່ຽນຖອດຖອນບົດຮຽນລະຫວ່າງຄະນະໂຄສະນາອົບຮົມແຂວງບໍ່ແກ້ວ ແລະ ຄະນະໂຄສະນາອົບຮົມແຂວງຫຼວງນ້ຳທາ

ໃນລະຫວ່າງວັນທີ 1-2 ກັນຍາ 2022

            ກອງປະຊຸມພົບປະແລກປ່ຽນຖອດຖອນບົດຮຽນລະຫວ່າງຄະນະໂຄສະນາອົບຮົມແຂວງບໍ່ແກ້ວ ແລະ ຄະນະໂຄສະນາອົບຮົມແຂວງຫຼວງນ້ຳທາ ໄດ້ຈັດຂຶ້ນໃນວັນທີ 1 ກັນຍາ 2022 ທີ່ຫ້ອງປະຊຸມຄະນະໂຄສະນາອົບຮົມແຂວງບໍ່ແກ້ວ ພາຍໃຕ້ການເປັນປະທ່ານ ຂອງທ່ານ ຄອນສະຫວັນ ຊາພັກດີ ກຳມະການພັກແຂວງ ຫົວໜ້າຄະນະໂຄສະນາອົບຮົມແຂວງ ບໍ່ແກ້ວ, ທ່ານ ບຸນມາ ພັນດາວົງ ກຳມະການພັກແຂວງ ຫົວໜ້າຄະນະໂຄສະນາອົບຮົມແຂວງ ຫຼວງນ້ຳທາ, ມີບັນດາສະມາຊິກພັກ, ພະນັກງານ-ລັດຖະກອນຄະນະໂຄສະນາອົບຮົມແຂວງ ບໍ່ແກ້ວ ແລະ ຄະນະໂຄສະນາອົບຮົມແຂວງ ຫຼວງນ້ຳທາ ພ້ອມໂດຍຄະນະໂຄສະນາອົບຮົມເມືອງຫ້ວຍຊາຍເຂົ້າຮ່ວມທັງໝົດ 37 ສະຫາຍ, ຍິງ 9 ສະຫາຍ.

ອ່ານເພີ່ມເຕີມ...

ສະຫາຍ ລາວປາວຊົງ ນະວົງໄຊ ກຳມະການສູນກາງພັກ, ຮອງຫວໜ້າຄະນະໂຄສະນາອົບຮົມສູນກາງພັກ ລົງເຄື່ອນໄຫວວຽກງານຢູ່ແຂວງ ບໍ່ແກ້ວ

ລາຍລະອຽດ

ສ້າງຂື້ນເມື່ອ ວັນຈັນ, 22 ສິງຫາ 2022 07:46

ຂຽນໂດຍ ທ້າວ ສອນຫຼ້າ

ສະຫາຍ ລາວປາວຊົງ ນະວົງໄຊ ກຳມະການສູນກາງພັກ, ຮອງຫົວໜ້າຄະນະໂຄສະນາອົບຮົມສູນກາງພັກ

ພ້ອມດ້ວຍຄະນະທິມງານລົງເຄື່ອນໄຫວວຽກງານຢູ່ແຂວງ ບໍ່ແກ້ວ ລະຫວ່າງວັນທີ 2-5 ສິງຫາ 2022

          ສະຫາຍ ລາວປາວຊົ່ງ ນະວົງໄຊ, ກໍາມະການສູນກາງພັກ, ຮອງຫົວໜ້າຄະນະໂຄສະນາອົບຮົມສູນກາງພັກ ພ້ອມດ້ວຍຄະນະທິມງານ ໄດ້ລົງຢ້ຽມຢາມ ແລະ ຊຸກຍູ້ວຽກງານໂຄສະນາອົບຮົມ ຢູ່ຄະນະໂຄສະນາອົບຮົມແຂວງ ບໍ່ແກ້ວ ໃນວັນທີ 3 ສິງຫາ 2022;

          ພິທີພົບປະໄດ້ຈັດຂຶ້ນຢູ່ຫ້ອງປະຊຸມ ຄະນະໂຄສະນາອົບຮົມແຂວງ ບໍ່ແກ້ວ ໂດຍມີພະນັກງານຄະນະໂຄສະນາອົບຮົມແຂວງເຂົ້າຮ່ວມຢ່າງພ້ອມພຽງ; ໃນໂອກາດດັ່ງກ່າວ ສະຫາຍ ຄອນສະຫວັນ ຊາພັກດີ ກຳມະການພັກແຂວງ ຫົວໜ້າຄະນະໂຄສະນາອົບຮົມແຂວງ ບໍ່ແກ້ວ ກໍໄດ້ລາຍງານສະພາບການເຄື່ອນໄຫວວຽກງານໂຄສະນາອົບຮົມໄລຍະຜ່ານມາ; ເຖິງ​ແມ່ນ​ວ່າ​ ໃນໄລຍະຜ່ານມາ ​ພົບ​ຄວາມ​ຫຍຸ້ງ​ຍາກຫຼາຍ​ໂດຍສະເພາະ​: ງົບ​ປະ​ມານ​​​ມີ​ຈຳ​ກັດ ແລະ ​ບັນ​ຫາອື່ນໆ. ​ ແຕ່ກໍສາ​ມາດປະຕິບັດໜ້າທີ່ຂອງຕົນໄດ້ເປັນຢ່າງດີ, ເຮັດໃຫ້ສະ​ພາບ​ແນວ​ຄິດ ຂອງສະ​ມາ​ຊິກ​ພັກ,ພະ​ນັກ​ງານ, ມີ​ຄວາມອຸ່ນ​ອຽນ, ທຸ່ນ​ທ່ຽງ, ເຊື່ອ​ໝັ້ນ​ຕໍ່​ແນວ​ທາງ,ແຜນ​ນະ​ໂຍ​ບາຍຂອງ​ພັກ,​ ​ເປັນ​ເຈົ້າ​ການ​ຈັດຕັ້ງ​ຜັນ​ຂະ​ຫຍາຍມະຕິ-ຄໍາສັ່ງ ຂອງຂັ້ນເທິງກໍຄື ແຜນ​ພັດ​ທະ​ນາ​ເສດ​ຖະ​ກິດ-ສັງ​ຄົ​ມຂອງ​ແຂວງວາງ​ອອກຢ່າງຕັ້ງໜ້າ;   ແຕ່ກໍຍັງມີຫຼາຍດ້ານທີ່ຈະຕ້ອງໄດ້ສືບຕໍ່ບຸກບືນສູ້ຊົນໃນຕໍ່ໜ້າໂດຍສະເພາະແມ່ນ ການປັບປຸງຄຸນນະພາບ ຂອງວຽກງານໂຄສະນາອົບຮົມ ໃຫ້ໄປສູ່ຄຸນນະພາບໃໝ່.

         ໃນໂອກາດດັ່ງກ່າວ ສະ​ຫາຍ ລາວປາວຊົງ ນະວົງໄຊ  ຮອງຫົວໜ້າຄະນະໂຄສະນາອົບຮົມສູນກາງພັກ ກໍ​ໄດ້​ມີ​ຄຳ​ເຫັນ​ຊີ້ນຳ​ບາງ​ບັນ​ຫາ​ດັ່ງ​ນີ້: ເຊິ່ງ​ກ່ອນ​ໝົດ ສະ​ຫາຍ ໄດ້​ແດງ​ຄວາມ​ຍ້ອງ​ຍໍ​ຊົມ​ເຊີຍ ຕໍ​່​ກັບ​ຄະ​ນະ​​ພັກ ​ຄະ​ນະນຳ​ ຄະນະໂຄສະນາອົບຮົມແຂວງ ທີ່​ໄດ້​ເອົາ​ໃສ່​ຊີ້​ນຳ​ຢ່າງ​ໃກ້​ຊິດ​ຕິດ​ແທດ ບວກກັບຄວາມ​ບຸກ​ບືນ​ສູ້​ຊົນວຽກງານ​ໂຄ​ສະ​ນາ​ອົ​ບ​ຮົມ​ໃນ​ໄລ​ຍະ​ຜ່ານ​ມາ ແລະ ສາ​ມາດຍາດ​ໄດ້​ຜົນສຳ​ເລັດຫຼາຍ​ດ້ານ; ​ໄປຄຽງ​ຄູ່​ກັບ​ຜົນ​ງານ​ທີ່​ຍາດ​ມາ​ໄດ້​ນັ້ນ ກໍ​ຍັງ​ບາງ​ດ້ານ​ທີ່​ຈະ​ຕ້ອງ​ໄດ້​ເອົາ​ໃຈ​ໃສ່​ເພີ່ມ​ທະ​ວີໃນ​ຕໍ່​ໜ້າ​ເປັນ​ຕົ້ນ: ເອົາໃຈ​ໃສ່​ໂຄ​ສະ​ນາເຜີຍແຜ່ ແລະ ເຊື່ອມຊຶມບັນດານິຕິກໍາສໍາຄັນຕ່າງໆ  ຂອງ ພັກ-ລັດ ດ້ວຍຫຼາຍຮູບຫຼາຍສີ ເພື່ອ​ສຶກ​ສາ​ອົບ​ຮົ​ມ​ແນວ​ຄິດ ຂອງ​ສະ​ມາ​ຊິກ​ພັກ, ພະ​ນັກ​ງານ ແລະ ປະ​ຊາ​ຊົນ​ບັນ​ດາ​ເຜົ່າ​, ກຳ​ແໜ້ນ​ຕໍ່​ແນວ​ທາງ, ແຜນ​ນະ​ໂຍ​ບາຍ​ ຂອງ​ພັກ​, ມີ​ຄວາມ​ຮັບ​ຮູ້-ເຂົົົ້າ​ໃຈ​ຖືກ​ຕ້ອງ​ຕາມ​ທັດ​ສະ​ນະຂອງ​ພັກທີ່​ມີ​ຕໍ່​ບັນ​ຫາ​ທີ່​ພົ້ນ​ເດັ່ນທີ່​ເກີດ​ຂຶ້ນ​ຢູ່​ພາຍ​ໃນ ແລະ ຕ່າງ​ປະ​ເທດ.

ພິທີເປີດ-ປິດຮຽນສະໜັບສະໜູນພັກໃຫ້ມະຫາຊົນກ້າວໜ້າ ທີ່ຈະຂະຫຍາຍເຂົ້າພັກ

ລາຍລະອຽດ

ສ້າງຂື້ນເມື່ອ ວັນພຸດ, 03 ສິງຫາ 2022 07:17

ຂຽນໂດຍ ສອນຫຼ້າ ລີໄຊຢ່າງ

ຂະແໜງອົບຮົມ ຄະນະໂຄສະນາອົບຮົມແຂວງ

ໄດ້ເປີດຮຽນສະໜັບສະໜູນພັກໃຫ້ມະຫາຊົນກ້າວໜ້າ ທີ່ຈະຂະຫຍາຍເຂົ້າພັກ

           ວັນທີ 25-26 ກໍລະກົດ 2022 ທີຜ່ານມາ ຂະແໜງອົບຮົມ ເປິດຮຽນສະໜັບສະໜູນພັກໃຫ້ມະຫາຊົນກ້າວໜ້າທີ່ຈະຂະຫຍາຍເຂົ້າພັກ ຢູ່ທີ່ຫ້ອງປະຊຸມໃຫຍ່ຄະນະໂຄສະນາອົບຮົມແຂວງໃຫ້ກຽດເຂົ້າຮ່ວມເປັນປະທານຂອງ ສະຫາຍ ຄອນສະຫວັນ ຊາພັກດີ ຫົວໜ້າຄະນະໂຄສະນາອົບຮົມແຂວງ, ເຂົ້າຮ່ວມມີຫົວໜ້າ-ຮອງຫົວໜ້າຂະແໜງ, ພະນັກງານສະມາຊິກພັກ, ບັນດາແຂກຖືກເຊີນຕະຫຼອດຮອດມາຫາຊົນທີ່ກ້າວໜ້າທີ່ຈະຂະຫຍາຍເຂົ້າພັກເຂົ້າຮ່ວມ.

           ພິທີໄດ້ຜ່ານມະຕິຕົກລົງຂອງຄະນະປະຈໍາພັກແຂວງ ວ່າດ້ວຍການອະນຸມັດເປິດຮຽນສະໜັບສະໜູນພັກໃຫ້ມະຫາຊົນກ້າວໜ້າ ທີ່ຈະຂະຫຍາຍເຂົ້າພັກ, ຜ່ານກົດລະບຽບ ແລະ ບັນຍາຍເນື້ອໃນເອກະສານ 13 ຄຳຖາມ ແລະ ບາງພຶດຕິກຳທີ່ຕິດພັນກັບເນື້ອໃນຈຳນວນໜຶ່ງຂອງພັກໃຫ້ແກ່ມາຫາຊົນກ້າວໜ້າ ເພື່ອເຮັດໃຫ້ມາຫາຊົນໄດ້ຮັບຮູ້, ເຂົ້າໃຈກ່ຽວກັບປະຫວັດ, ຄວາມເປັນມາ, ອຸດົມການ ແລະ ທາດແທ້ຂອງພັກ ປະຊາຊົນ ປະຕິວັດລາວ, ເຂົ້າໃຈກ່ຽວກັບມາດຖານ, ເງື່ອນໄຂຂອງມາຫາຊົນຜູ້ທີ່ຈະເຂົ້າເປັນສະມາຊິກພັກ, ຜົນປະໂຫຍດທີ່ສະມາຊິກພັກໄດ້ຮັບ ແລະ ເມື່ອໄດ້ເຂົ້າເປັນສະມາຊິກພັກ ປະຊາຊົນ ປະຕິວັດລາວແລ້ວຈະປົກປ້ອງບົດບາດ ແລະ ກຽດສັກສີຂອງພັກຄືແນວໃດ. ພາຍຫຼັງໄດ້ຮັບຟັງການບັນຍາຍແລ້ວມາຫາຊົນກ້າວໜ້າແຕ່ລະສະຫາຍກໍ່ໄດ້ປະກອບຄຳຄິດເຫັນ, ແລກປ່ຽນບົດຮຽນນຳຄະນະຮັບຜິດຊອບ, ຍັງໄດ້ຂຽນບົດ ແລະ ຜ່ານບົດຂອງແຕ່ລະສະຫາຍ ເພື່ອເປັນການປະເມີນຜົນໄດ້ຮັບຂອງມາຫາຊົນກ້າວໜ້າ ທີ່ຈະຂະຫຍາຍເຂົ້າພັກ.

         ໂອກາດນີ້, ສະຫາຍ ຄອນສະຫວັນ ຊາພັກດີ ໄດ້ເນັ້ນໜັກໃຫ້ມະຫາຊົນກ້າວໜ້າໃນເມື່ອໄດ້ຮັບຮູ້ແລ້ວຈະຕ້ອງໄດ້ທົບທວນຄືນບັນດາບົດຮຽນໃນ 13 ຄຳຖາມ ແມ່ນເນື້ອໃນທີ່ສະມາຊິກພັກໄດ້ຮູ້, ມີຄວາມສຳນຶກ, ມີສະຕິ, ມີທັດສະນະ ແລະ ມີຈຸດຢືນໂດຍສະເພາະມາຫາຊົນຜູ້ທີ່ກ້າວໜ້າຈະຕ້ອງຕັ້ງໜ້າຝືກຝົນຫຼໍ່ຫຼອມຕົນເອງໃຫ້ເຂົ້າໃຈປະຫວັດຄວາມເປັນມາ, ອຸດົມການ, ທາດແທ້ຂອງພັກປະຊາຊົນ ປະຕິວັດລາວ, ມາດຖານ, ເງື່ອນໄຂຂອງສະມາຊິກພັກ,ຖືເອົາກົດລະບຽບຕ່າງໆຂອງພັກເປັນເຂັມທິດເຍືອງທາງໃນການ ຈັດຕັ້ງປະຕິບັດໜ້າທີວຽກງານຂອງຕົນ ແລະ ມີຄວາມຕື່ນຕົວສະໝັກໃຈເຂົ້າເປັນສະມາຊິກພັກ ປະຊາຊົນປະຕິວັດລາວ ເພື່ອເພີ່ມກຳລັັງແຮງສູ້ຮົບໃຫ້ແກ່ພັກນັບມື້ຫຼາຍຂຶ້ນ.