ເມືອງປາກທາສຳເລັດການຝຶກອົບຮົມວຽກງານຫາງສຽງສັງຄົມຄັ້ງທີ I

ລາຍລະອຽດ

ສ້າງຂື້ນເມື່ອ ວັນພຸດ, 21 ຕຸລາ 2020 03:24

ຂຽນໂດຍ ຄອຂ ບໍ່ແກ້ວ

ເມືອງປາກທາສຳເລັດການຝຶກອົບຮົມວຽກງານຫາງສຽງສັງຄົມຄັ້ງທີ I

        ເມືອງປາກທາໄດ້ສຳເລັດການຝຶກອົບຮົມວຽກງານຫາງສຽງສັງຄົມຄັ້ງທີ I ໃຫ້ພະນັກງານຫຼັກແຫຼ່ງຂັ້ນເມືອງທີ່ຮັບຜິດຊອບກ່ຽວກັບວຽກງານຫາງສຽງສັງຄົມຂຶ້ນໃນລະຫວ່າງວັນທີ  15-16 ຕຸລາ 2020 ທີ່ຜ່ານມາ ຢູ່ທີ່ສະໂມສອນເມືອງປາກທາ ໃຫ້ກຽດເຂົ້າຮ່ວມຂອງທ່ານ ສາລີ ວັນນະສານ ຮອງເລຂາພັກເມືອງ ຮອງເຈົ້າເມືອງໆ ປາກທາ, ມີທ່ານ ສຸກຄະ ຫຼຽນທອງຄຳ ເລຂາໜ່ວຍພັກ ຫົວໜ້າຄະນະໂຄສະນາອົບຮົມແຂວງ, ມີບັນດາກຳມະການພັກເມືອງ, ຫົວໜ້າ, ຮອງຫົວໜ້າຫ້ອງການ, ຫົວໜ້າ, ຮອງຫົວໜ້າຂະແໜງການອ້ອມຂ້າງເມືອງເຂົ້າຮ່ວມ.  ຝຶກອົບຮົມຄັ້ງນີ້ມີນັກສຳມະນາກອນທັງໝົດ 32 ສະຫາຍ, ຍິງ 6 ສະຫາຍ.

ເນື້ອໃນເອກະສານທີ່ນຳມາຝຶກອົບຮົມມີທັງໝົດ 4 ບົດຄື:

             ບົດທີ 1: ບັນຫາພີື້ນຖານກ່ຽວກັບວຽກງານຫາງສຽງສັງຄົມ.

             ບົດທີ 2: ວິທີການເກັບກຳ ແລະ ການນຳໃຊ້ຫາງສຽງສັງຄົມ ເຂົ້າໃນວຽກງານການເມືອງແນວຄິດ.

             ບົດທີ 3: ຕາໜ່າງເພື່ອນຮ່ວມງານ.

             ບົດທີ 4: ວຽກງານຄົ້ນຄວ້າສັງລວມ.

        ການຝຶກອົບຮົມໃນຄັ້ງນີ້ເພື່ອເຮັດໃຫ້ ຜູ້ເຂົ້າຮ່່ວມມີຄວາມຮັບຮູ້ເຂົ້າໃຈຄວາມໝາຍ, ຄວາມສຳຄັນ, ຄວາມແຕກຕ່າງລະຫວ່າງຫາງສຽງ ແລະ ຂ່າວລື, ພາລະບົດບາດ-ໜ້າທີ່ຂອງໜ່ວຍງານເກັບກຳຫາງສຽງສັງຄົມ, ມາດຕະການ ແລະ ຄຸນທາດຂອງຜູ້ເຮັດວຽກງານຫາງສຽງສັງຄົມ.

• < ຕໍ່ໄປ
• ຕໍ່ໄປ >