​ພິ​ທີວາງ​ພວງ​ມາ​ລາ ແລະ ກະ​ຕາ​ດອກ​ໄມ້​​ລະ​ນຶກສອງວັນ​ປະ​ຫວັດ​ສາດ

ລາຍລະອຽດ

ສ້າງຂື້ນເມື່ອ ວັນພຸດ, 22 ມີນາ 2023 08:54

ຂຽນໂດຍ ທ້າວ ສອນຫຼ້າ

ຕອນ​ເຊົ້າ​ວັນ​ທີ 22 ມີ​ນາ 2023  ທ່ານ ບົວຄົງ ນາມມະວົງ ເລຂາພັກແຂວງ, ເຈົ້າແຂວງໆ ບໍ່ແກ້ວ ພ້ອມ​ດ້ວຍຄະ​ນະ​ນຳ​ຂອງ​ແຂວງ, ສອງກອງ​ບັນ​ຊາ​ການ​ທະ​ຫານ-ຕຳຫຼວດ​ແຂວງ ແລະ ຫົວ​ໜ້າ​​ພະ​ແນກ​ການ​ອ້ອມ​ຂ້າງ​ແຂວງ ບໍ່​ແກ້ວ​​ໄດ້ນຳເອົາພວງມາລາທີ່ງົດ ງາມມາວາງຢູ່ອານຸສາວະລີນັກຮົບນິລະນາມ (ຄ້າຍ​ປ່າ​ໄລ່) ເພື່ອເປັນການໄຫ້ວອາໄລ ແລະ ລະນຶກຖຶງມູນເຊື້ອ, ຄຸນງາມຄວາມດີອັນສະຫງ່າງາມ ແລະ ອົງອາດກ້າຫານຂອງບັນດານັກຮົບນິລະນາມ ທີ່ໄດ້ເສຍສະຫຼະຊີວິດ, ເລືອດເນື້ອ ເພື່ອປະເທດຊາດ ເພື່ອປະຊາຊົນ ໃນຂະບວນການປະຕິວັດຊາດຕະຫຼອດໄລຍະຜ່ານມາ ແລະ ໄດ້ນໍາເອົາກະຕ່າດອກໄມ້ທີ່ງົດງາມ, ຫອມຫວນ ແລະ ສົດໃສ ເຊິ່ງເປັນສິ່ງແທນດວງໃຈຂອງພະນັກງານ-ສະມາຊິກພັກ, ທະຫານ-ຕຳຫຼວດ ແລະ ທົ່ວປວງຊົນລາວບັນດາເຜົ່າຊາວແຂວງບໍ່ແກ້ວ ເຂົ້າມານ້ອມເຄົາລົບຕໍ່ ອານຸສອນສະຖານປະ​ທານ ໄກ​ສອນ ພົມ​ວິ​ຫານ ເພື່ອສະແດງຄວາມອາໄລຮັກຢ່າງສຸດຊຶ້ງ, ຄວາມກະຕັນຍູຮູ້ ບຸນຄຸນຕໍ່ທ່ານ ໄກສອນ ພົມວິຫານ ອາດີດການນໍາສູງສຸດຂອງພັກຜູ້ກໍ່ຕັ້ງພັກປະຊາຊົນປະຕິວັດລາວ, ຜູ້ສ້າງ ຕັ້ງກອງທັບປະຊາຊົນລາວ ແລະ ເປັນຜູ້ວາງແນວທາງປ່ຽນແປງໃໝ່ຮອບດ້ານຂອງພັກທີ່ສະຫຼາດສ່ອງໃສ, ຍ້ອນພາລະກິດ ແລະ ບຸນຄຸນຂອງທ່ານທີ່ໄດ້ສ້າງມານັ້ນຈື່ງເຮັດໃຫ້ປະເທດຊາດຂອງພວກເຮົາຫຼຸດພົ້ນອອກ ຈາກການກົດຂີ່ຂູດຮີດ, ຂອງພວກສັກດີນາ ແລະ ພວກລ່າເມືອງຂຶ້ນ, ສາມາດຍາດໄດ້ໄຊຊະນະຢ່າງ ສົມບູນ, ປະເທດຊາດໄດ້ຮັບການພັດທະນາກ້າວຂຶ້ນຢ່າງບໍ່ຢຸດຢັ້ງ, ຜົນງານ ແລະ ຄຸນງາມຄວາມດີຂອງທ່ານແມ່ນໄດ້ ຝັງໄວ້ໃນດວງໃຈຂອງພະນັກງານ-ສະມາຊິກພັກ, ທະຫານ-ຕຳຫຼວດ ແລະ ປະຊາຊົນລາວບັນດາເຜົ່າທົ່ວ ແຂວງ ບໍ່ແກ້ວ ຢ່າງບໍມີວັນລືມ.

​ການເຜີຍ​ແຜ່​ ແລະ ແນະ​ນຳ​ກ່ຽວ​ກັບ​ກົດ​ໝາຍ​ວ່າ​ດ້ວຍ​ເອ​ກະ​ສານ

ລາຍລະອຽດ

ສ້າງຂື້ນເມື່ອ ວັນພຸດ, 15 ມີນາ 2023 08:05

ຂຽນໂດຍ ທ້າວ ສອນຫຼ້າ

​ການເຜີຍ​ແຜ່​ ແລະ ແນະ​ນຳ​ກ່ຽວ​ກັບ​ກົດ​ໝາຍ​ວ່າ​ດ້ວຍ​ເອ​ກະ​ສານ​

ໃນວັນທີ 10 ມີນາ 2023

         ຕອນ​ເຊົ້າ​ວັນ​ທີ 10 ມີ​ນາ 2023 ທ່ານ ສີ​ໂພໄຊ ວິ​ຫາ​ລາດ ຮອງ​ຫົວ​ໜ້າ​ ຄະ​ນະ​ໂຄ​ສະ​ນາ​ອົບ​ຮົມ​ແຂວງ ບໍ່​ແກ້ວ ​ໄດ້​ເຜີຍ​ແຜ່​ ແລະ ແນະ​ນຳ​ກ່ຽວ​ກັບ​ກົດ​ໝາຍ​ວ່າ​ດ້ວຍ​ເອ​ກະ​ສານເປັນ​ຕົ້ນ​ແມ່ນ: ຄຳ​ແນະ​ນຳ​ກ່ຽວ​ກັບ​ການ​ຈັດ​ຕັ້ງ​ປະ​ຕິ​ບັດ​ກົດ​ໝາຍ​ວ່າ​ດ້ວຍ​ເອ​ກະ​ສານ, ການ​ຄຸ້ມ​ຄອງ​ເອ​ກະ​ສານ, ວຽກ​ງານ​ສຳ​ເນົາ​ເອ​ກະ​ສານ ແລະ ການ​ສ້າງ​ເອ​ກະ​ສານ​ທາງ​ການ ທີ່​ຫ້ອງ​ປະ​ຊຸມ​ຄະ​ນະ​ໂຄ​ສະ​ນາ​ອົບ​ຮົມ​ແຂວງ ມີ​ຜູ້​ເຂົ້າ​ຮ່ວມ​ທັງ​ໝົດ  17 ສະ​ຫາຍ, ຍິງ 4 ສະ​ຫາຍ, ການ​ເຜີຍ​ແຜ່​ເອ​ກະ​ສານ​ໃນ​ຄັ້ງ​ນີ້​ເພື່ອ​ເຮັດ​ໃຫ້​ສຳ​ນັກ​ງານ​ອົງ​ການ​ແຕ່​ສູນ​ກາງ​ລົງ​ຮອດ​ທ້ອງ​ຖິ່ນ​ນຳ​ໃຊ້​ເອ​ກະ​ສານ​ໃຫ້​ສອດ​ຄ່ອງ​ກັນ​ໂດຍ​ສະ​ເພາະ​ແມ່ນ​ພະ​ນັກ​ງານ​​ວິ​ຊາ​ການທີ່​ເຮັດ​ວຽກ​ງານ​ວິ​ຊາ​ສະ​ເພາະ​ຂອງ​ບັນ​ດາ​ຂະ​ແໜງ​ການ​ພາຍ​ໃນ​ຄະ​ນະ​ໂຄ​ສະ​ນາ​ອົບ​ຮົມ​ແຂວງ ໄດ້​ຮັບ​ຮູ້ ແລະ ເຂົ້ົ້ົ້າ​ໃຈ​ກ່ຽວ​ກັບ​​ເນື້ອ​ໃນ​ເອ​ກະ​ສານ​ດັ່ງກ່າວ ໃນ​ເມື່ອ​ນຳ​ໄປ​ຈັດ​ຕັ້ງ​ປ​ະ​ຕິ​ບັດ​ສູ່​ໜ້າ​ທີ່​ວຽກ​ງານ​ຕົວ​ຈິງ​ແລ້ວ​ໃຫ້​ມີ​ວ່ອງ​ໄວ​ຕາມ​ຄວາມ​ຮຽກ​ຮ້ອງ​ຕ້ອງ​ການ​ຂອງ​ຂັ້ນ​ເທິງ.

ພິທີຮຽນສະໜັບສະໜູນພັກໃຫ້ມະຫາຊົນກ້າວໜ້າ ທີ່ຈະຂະຫຍາຍເຂົ້າພັກ

ລາຍລະອຽດ

ສ້າງຂື້ນເມື່ອ ວັນສຸກ, 24 ກຸມພາ 2023 02:49

ຂຽນໂດຍ ທ້າວ ສອນຫຼ້າ

                     ພິທີເປີດຮຽນສະໜັບສະໜູນພັກໃຫ້ມະຫາຊົນກ້າວໜ້າ ທີ່ຈະຂະຫຍາຍເຂົ້າພັກ

          ວັນທີ 23-24 ກຸມພາ 2023 ຂະແໜງອົບຮົມ ໄດ້ເປິດຮຽນສະໜັບສະໜູນພັກໃຫ້ມະຫາຊົນກ້າວໜ້າທີ່ຈະຂະຫຍາຍເຂົ້າພັກ ຢູ່ທີ່ຄະນະໂຄສະນາອົບຮົມແຂວງບໍ່ແກ້ວໃຫ້ກຽດເຂົ້າຮ່ວມຂອງ ສະຫາຍ ຄອນສະຫວັນ ຊາພັກດີ ເລຂາໜ່ວຍພັກ, ຫົວໜ້າຄະນະໂຄສະນາອົບຮົມແຂວງ, ມີທ່ານ ອຸ່ນແສງ ທຸນອີນໃຈ ຮອງຫົວໜ້າຄະນະໂຄສະນາອົບຮົມແຂວງ ຜູ້ຊີ້ນຳວຽກງານອົບຮົມ ມີບັນດາແຂກຖືກເຊີນ ຕະຫຼອດຮອດມາຫາຊົນທີ່ກ້າວໜ້າທີ່ຈະຂະຫຍາຍເຂົ້າພັກເຂົ້າຮ່ວມ.

           ພິທີໄດ້ຜ່ານມະຕິຕົກລົງຂອງຄະນະປະຈໍາພັກແຂວງ  ວ່າດ້ວຍການອະນຸມັດເປິດຮຽນສະໜັບສະໜູນພັກໃຫ້ມະຫາຊົນກ້າວໜ້າ ທີ່ຈະຂະຫຍາຍເຂົ້າພັກ ປະຊາຊົນປະຕິວັດລາວ, ຜ່ານກົດລະບຽບ ແລະ ບັນຍາຍເນື້ອໃນເອກະສານ 13 ຄຳຖາມ-13 ຄຳຕອບ ແລະ ບາງພຶດຕິກຳທີ່ຕິດພັນກັບເນື້ອໃນຈຳນວນໜຶ່ງຂອງພັກໃຫ້ແກ່ມາຫາຊົນກ້າວໜ້າ ເພື່ອເຮັດໃຫ້ມາຫາຊົນໄດ້ຮັບຮູ້, ເຂົ້າໃຈກ່ຽວກັບປະຫວັດ, ຄວາມເປັນມາ, ອຸດົມການ ແລະ ທາດແທ້ຂອງພັກ ປະຊາຊົນ ປະຕິວັດລາວ, ເຂົ້າໃຈກ່ຽວກັບມາດຖານ, ເງື່ອນໄຂຂອງມາຫາຊົນຜູ້ທີ່ຈະເຂົ້າເປັນສະມາຊິກພັກ, ຜົນປະໂຫຍດທີ່ສະມາຊິກພັກໄດ້ຮັບ ແລະ ເມື່ອໄດ້ເຂົ້າເປັນສະມາຊິກພັກ ປະຊາຊົນ ປະຕິວັດລາວແລ້ວຈະປົກປ້ອງບົດບາດ ແລະ ກຽດສັກສີຂອງພັກຄືແນວໃດ, ພາຍຫຼັງໄດ້ຮັບຟັງການບັນຍາຍແລ້ວມາຫາຊົນກ້າວໜ້າແຕ່ລະສະຫາຍກໍ່ໄດ້ປະກອບຄຳຄິດເຫັນ, ແລກປ່ຽນບົດຮຽນນຳມາຫາຊົນດ້ວຍກັນ ແລະ ຄະນະຮັບຜິດຊອບ ພ້ອມທັງຂຽນບົດ ແລະ ຜ່ານບົດຂອງແຕ່ລະສະຫາຍ ເພື່ອເປັນການປະເມີນຜົນໄດ້ຮັບຂອງມາຫາຊົນກ້າວໜ້າ ທີ່ຈະຂະຫຍາຍເຂົ້າພັກ ປາຊາຊົນປະຕິວັດລາວ.

          ໂອກາດນີ້, ສະຫາຍ ຄອນສະຫວັນ ຊາພັກດີ  ໄດ້ເນັ້ນໜັກໃຫ້ມະຫາຊົນກ້າວໜ້າທຸກສະຫາຍໃນເມື່ອໄດ້ຮັບຮູ້ແລ້ວຈະຕ້ອງໄດ້ທົບທວນຄືນບັນດາບົດຮຽນໃນ 13 ຄຳຖາມ 13 ຄຳຕອບ ທີ່ໄດ້ຜ່ານການບັນຍາຍໃນການຂຶ້ນຫ້ອງຂອງວິທະຍາກອນໄປນັ້ນລ້ວນແຕ່ແມ່ນເນື້ອໃນທີ່ສະມາຊິກພັກຄວນຈະໄດ້ຮູ້, ມີຄວາມສຳນຶກ, ມີສະຕິ, ມີທັດສະນະ, ເປັນແບບຢ່າງ ແລະ ຕັ້ງໜ້າຝືກຝົນຫຼໍ່ຫຼອມຕົນເອງຕາມມາດຖານ, ເງື່ອນໄຂຂອງສະມາຊິກພັກ ເປັນແບບຢ່າງທີ່ດີ, ຖືເອົາກົດລະບຽບຕ່າງໆຂອງພັກເປັນເຂັມທິດເຍືອງທາງໃນການຈັດຕັ້ງປະຕິບັດໜ້າທີວຽກງານຂອງຕົນ ແລະ ມີຄວາມຕື່ນຕົວສະໝັກໃຈເຂົ້າເປັນສະມາຊິກພັກ ປະຊາຊົນປະຕິວັດລາວ ເພື່ອເພີ່ມກຳລັັງແຮງສູ້ຮົບໃຫ້ແກ່ພັກນັບມື້ຫຼາຍຂຶ້ນ.

ກອງປະຊຸມດຳເນີນຊີວິດການເມືອງຕີລາຄາຄຸນນະພາບສະມາຊິກພັກ ປະຈຳປີ 2022

ລາຍລະອຽດ

ສ້າງຂື້ນເມື່ອ ວັນອັງຄານ, 20 ທັນວາ 2022 03:47

ຂຽນໂດຍ ສອນຫຼ້າ ລີໄຊຢ່າງ

ກອງປະຊຸມ

ດຳເນີນຊີວິດການເມືອງຕີລາຄາຄຸນນະພາບສະມາຊິກພັກ, ໜ່ວຍພັກ ຕິດພັນກັບການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ

ແລະ ຕີລາຄາພະນັກງານ-ລັດຖະກອນ ປະຈຳປີ 2022

        ກອງປະຊຸມດຳເນີນຊີວິດການເມືອງຕີ​ລາ​ຄາຄຸນນະພາບ ຈັດ​ແບ່ງ​ປະ​ເພດສະມາຊິກພັກໜ່ວຍພັກຄະ ນະໂຄສະນາອົບຮົມແຂວງ ບໍ່ແກ້ວ ແລະ ຕີລາຄາພະນັກງານ-ລັດຖະກອນ ປະຈຳປີ 2022  ໄດ້ຈັດຂຶ້ນ​ໃນວັນ​ທີ 15 ທັນວານີ້ ໂດຍການ​ເປັນ​ປະທານຂອງສະຫາຍ ຄອນສະຫວັນ ຊາພັກດີ ກຳມະການ​ພັກ​ແຂວງ,​ເລຂາ​ໜ່ວຍ​ພັກ, ຫົວໜ້າ​ຄະນະ​ໂຄສະນາອົບຮົມ​ແຂວງ, ໃຫ້ກຽດເຂົ້າຮ່ວມຂອງສະຫາຍ ສຸກຂະ ຫຼຽນທອງຄຳ ຄະນະປະຈຳພັກແຂວງ ປະທານຄະນະກວດກາພັກ-ລັດແຂວງ, ມີບັນດາຄະນະໜ່ວຍພັກ, ​ແຂກ​ຮັບ​ເຊີນຕະຫຼອດ​ຮອດສະມາຊິກ​ພັກ​ເຂົ້າ​ຮ່ວມ.

        ສະຫາຍ ຄອນສະຫວັນ ຊາພັກດີ ເລຂາໜ່ວຍພັກໃຫ້ຮູ່ວ່າ ກອງ​ປະຊຸມ​​ຄັ້ງ​ນີ້ຈະໄດ້ສະຫຼູບຕີລາຄາ​ການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ, ສຳຫຼວດການຊີ້ນຳລວມຂອງໜ່ວຍພັກ, ສະມາ ຊິກພັກ ແລະ ເປັນການສະຫຼຸບ​ຕີ​ລາຄາ​​ຄືນ​ການ​ຈັດ​ຕັ້ງປະຕິບັດ, ການ​ເຄື່ອນ​ໄຫວ, ການ​ຊີ້​ນຳ​-ນຳພາ​ຂອງ​ໜ່ວຍ​ພັກ​ ແລະ ກວດກາ​ຕີ​ລາຄາ​ຄືນການຈັດ​ຕັ້ງ​ປະຕິບັດ​ໜ້າ​ທີ່ການ​ເມືອງ​ ຂອງ​​ແຕ່ລະສະຫາຍສະມາ​ຊີກ​ພັກໃນ​ໜຶ່ງ​ປີຜ່ານ​ມາ ພ້ອມ​ທັງ​ກຳນົດ​ທິດ​ທາງ​ແຜນການ​ໃນ​ປີ 2023.

        ​ກອງປະຊຸມຄະນະຮັບຜິດຊອບ ໄດ້ຜ່ານບົດສະຫຼຸບຕີລາຄາຄືນການກໍ່ສ້າງໜ່ວຍພັກປອດໃສເຂັ້ມ ແຂງ, ໜັກແໜ້ນທາງດ້ານການເມືອງ-ແນວຄິດ, ດ້ານການຈັດຕັ້ງ, ແບບແຜນວິທີນຳພາ, ປະຕິບັດໜ້າທີ່ການເມືອງ-ແນວຄິດ, ວຽກງານວິຊາສະເພາະ, ການ​ຊີ້​ນຳ​-ນຳພາ​ຂອງ​ໜ່ວຍ​ພັກ​ໃນການຈັດຕັ້ງປະຕິບັດໜ້າທີ່ການເມືອງ ຜົນງານທີ່ພົ້ນເດັ່ນໄລຍະຜ່ານມາ ມີສະມາຊິກພັກທັງໝົດ 19 ສະຫາຍ, ຍິງ 4 ສະຫາຍ ໃນກອງປະຊຸມຍັງໄດ້ຕີລາຄາ ຜົນງານດ້ານ​ດີ​-ດ້ານ​ອ່ອນ-ຂໍ້ຄົງ​ຄ້າງ ແລະ ບາງບົດຮຽນທີ່ສາມາດຖອດຖອນໄດ້ໃນການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ໃນ 1 ປີຜ່ານມາ ແລະ ທິດທາງແຜນການໃນຕໍ່ໜ້າ ສາມາດຕີລາຄາຄຸນນະພາບຈັດແບ່ງປະເພດການນຳພາລວມຂອງຄະນະໜ່ວຍພັກ, ສະມາຊິກພັກ ໃນການເຄື່ອນໄຫວປະຕິບັດໜ້າທີ່ວຽກງານການເມືອງ, ການ ຈັດຕັ້ງ ແລະ ວຽກງານວິຊາສະເພາະ ພ້ອມທັງ​ຜ່ານ​ບົດ​ຕີ​ລາຄາຂອງ​ຕົນ​ເອງ​ຍົກ​ໃຫ້​ເຫັນ​ຜົນງານ​ທີ່​ພົ້ນ​ເດັ່ນ, ດ້ານ​ອ່ອນ-ຂໍ້ຄົງ​ຄ້າງ, ໃຫ້ໝູ່ຄະນະພາຍໃນສະມາຊິກມີຄຳເຫັນສົ່ງຂ່າວ ເພື່ອ​ນຳ​ມາປັບປຸງ​​ແກ້ໄຂ​ໃຫ້​ດີຂຶ້ນ​ສາມາດ​ຕອບ​ສະໜອງ​ຄວາມ​ຮຽກຮ້ອງ​ຕ້ອງການ​ຂອງ​ໜ້າທີ່​ການ​ເມືອງ​ໃນ​ໄລຍະ​ໃໝ່.